'ଦି କଶ୍ମୀର ଫାଇଲ୍ସ'କୁ ନେଇ ବିବାଦ ମଧ୍ୟରେ ଫିଲ୍ମ ଉପରେ ଆସିଲା ଆମୀର ଖାନଙ୍କ ପ୍ରତିକ୍ରିୟା, ଜାଣନ୍ତୁ କ'ଣ କହିଲେ..

Aamir Khan Reaction The Kashmir Files: ନିକଟରେ ଦି କଶ୍ମୀର ଫାଇଲ୍ସ ଟିମ୍ ଯୋଗୀ ଆଦିତ୍ୟନାଥ ଓ ରାଜ୍ୟପାଳ ଆନନ୍ଦିବେନ୍ ପଟେଲଙ୍କୁ ଭେଟିଥିଲେ । ଯାହା ପରେ ସିଏମ ଯୋଗୀ ସୋସିଆଲ ମିଡିଆରେ ଫିଲ୍ମର ଟିମ୍ ସହିତ ପଟୋ ସେୟାର କରିଥିଲେ ।

ନୂଆଦିଲ୍ଲୀ: Aamir Khan Reaction The Kashmir Files: ବିବେକ ଅଗ୍ନିହୋତ୍ରୀ (Vivek Agnihotri) ନିର୍ଦ୍ଦେଶିତ ଫିଲ୍ମ 'ଦି କଶ୍ମୀର ଫାଇଲ୍ସ' ସିନେମାନ ଘରେ ଜୋରଦାର ପ୍ରଦର୍ଶନ କରୁଛି । କଶ୍ମୀରୀ ପଣ୍ଡିତମାନଙ୍କ (Kashmiri Pandits) ଉପରେ ନିର୍ମିତ ଏହି ଚଳଚ୍ଚିତ୍ରଟି ସବୁଆଡେ ଚର୍ଚ୍ଚାର ବିଷୟ ପାଲଟିଛି । ଏହି ଫିଲ୍ମରେ ଅନୁପେମ ଖେର (Anupam Kher) ମଧ୍ୟ ମୁଖ୍ୟ ଭୂମିକାରେ ଅଛନ୍ତି । ଦି କଶ୍ମୀର ଫାଇଲ୍ସରେ ହୃଦୟ ବିଦାରକ କାହାଣୀ ଦେଖାଯାଇଛି । ଏହି ଫିଲ୍ମକୁ ବହୁତ ପସନ୍ଦ କରାଯାଉଛି । ଏହି ଫିଲ୍ମଟି ଖୁବ୍ ଶୀଘ୍ର ୨୦୦ କୋଟିର କ୍ଲବରେ ସାମିଲ ହେବାକୁ ଯାଉଛି । ଏହି ଚଳଚ୍ଚିତ୍ର ଅନେକ ରେକର୍ଡ ଭାଙ୍ଗିବାରେ ସଫଳ ହୋଇଛି । ଏହାସହ ଦି କଶ୍ମୀର ଫାଇଲ୍ସ ମଧ୍ୟ ଅନେକ ବିବାଦରେ ଛନ୍ଦି ହୋଇପଡିଛି । ବର୍ତ୍ତମାନ ଏହି ଫିଲ୍ମକୁ ନେଇ ବଲିଉଡର ମିଷ୍ଟର ପରଫେକ୍ସନିଷ୍ଟ ଆମିର ଖାନ (Mr. Perfectionist of Bollywood Aamir Khan) ଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ ଫିଲ୍ମ ବିଷୟରେ ଅନେକ କଥା କହିଛନ୍ତି ।

ବିବାଦ ଘେରି ରହିଥିବା ସତ୍ତ୍ୱେ ଫିଲ୍ମଟି ଲୋକଙ୍କ ସମର୍ଥନ ହାସଲ କରୁଛି । ଏଥିରେ ଆମୀର ଖାନ (Aamir Khan) ମଧ୍ୟ ସାମିଲ ଅଛନ୍ତି । ଦେଶକୁ କଶ୍ମୀରୀ ପଣ୍ଡିତଙ୍କ ଯନ୍ତ୍ରଣା ଜାଣିବା ଆବଶ୍ୟକ ବୋଲି ଆମୀର ଖାନ କହିଛନ୍ତି । କଶ୍ମୀରୀ ପଣ୍ଡିତମାନଙ୍କ ସ୍ଥିତିକୁ ଦେଖି ଦୁଃଖ ଲାଗେ ବୋଲି ସେ କହିଛନ୍ତି ।

ବର୍ତ୍ତମାନ ପର୍ଯ୍ୟନ୍ତ ଦି କଶ୍ମୀର ଫାଇଲ୍ସ ଭାରତରେ ୧୪୧ କୋଟିର ବ୍ୟବସାୟ କରିସାରିଛି । ପ୍ରଥମ ସପ୍ତାହରେ ଏହି ଫିଲ୍ମଟି କେବଳ ୬୩୦ ଥିଏଟରରେ ପ୍ରଦର୍ଶିତ ହୋଇଥିଲା କିନ୍ତୁ ବର୍ତ୍ତମାନ ଏହା ପ୍ରାୟ ୪,୦୦୦ ଥିଏଟରରେ ପ୍ରଦର୍ଶିତ ହେଉଛି । ଏହି ଫିଲ୍ମଟି ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡ଼ରେ ମଧ୍ୟ ଡବ୍ କରାଯାଉଛି । ଆକଳନ ଅନୁଯାୟୀ, ଫିଲ୍ମଟି ଖୁବ୍ ଶୀଘ୍ର ୨୦୦ କୋଟି କ୍ଲବରେ ସାମିଲ ହେବ । କିନ୍ତୁ ଫିଲ୍ମକୁ ନେଇ ବିବାଦ କମିନାହିଁ । ନିକଟ ଅତୀତରେ ଦି କଶ୍ମୀର ଫାଇଲ୍ସ ଟିମ୍ ଯୋଗୀ ଆଦିତ୍ୟନାଥ ଓ ରାଜ୍ୟପାଳ ଆନନ୍ଦିବେନ୍ ପଟେଲଙ୍କୁ ଭେଟିଥିଲେ । ଯାହା ପରେ ସିଏମ ଯୋଗୀ ସୋସିଆଲ ମିଡିଆରେ ଫିଲ୍ମର ଟିମ୍ ସହିତ ପଟୋ ସେୟାର କରିଥିଲେ ।

ଏହା ବି ପଢ଼ନ୍ତୁ:-ବଡ଼ ଖବର: ରାସନ କାର୍ଡ ତାଲିକାରୁ ଖୁବ୍ ଶୀଘ୍ର କଟାଯିବ କୋଟି କୋଟି ଲୋକଙ୍କ ନାମ! ତୁରନ୍ତ ଚେକ୍ କରନ୍ତୁ ଲିଷ୍ଟରେ ଆପଣଙ୍କ ନାଁ

ପ୍ରଧାନମନ୍ତ୍ରୀ ମୋଦୀ (PM Mdoi) ଙ୍କ ସମେତ ବହୁ ବିଜେପି ନେତା ଦି କଶ୍ମୀର ଫାଇଲ୍ସକୁ ପ୍ରଶଂସା କରିଛନ୍ତି । ୮ଟି ରାଜ୍ୟରେ ଫିଲ୍ମ ଟିକସମୁକ୍ତ କରାଯାଇଛି । କଶ୍ମୀରୀ ପଣ୍ଡିତଙ୍କ ଦୁଃଖ ଓ ଯନ୍ତ୍ରଣା ଉପରେ ଆଧାରିତ ଏହି ଫିଲ୍ମ ବଡ଼ ଷ୍ଟାର ବିନା, ଗୀତ ବିନା, ବଡ଼ ବଜେଟ୍ ଚଳଚ୍ଚିତ୍ର ବିନା କ୍ରମାଗତ ଭାବରେ ଆଗକୁ ବଢୁଛି । ଏହି ଚଳଚ୍ଚିତ୍ରରେ ଅନୁପମ ଖେର, ମିଥୁନ ଚକ୍ରବର୍ତ୍ତୀ, ଦର୍ଶନ କୁମାର ଏବଂ ପଲ୍ଲବୀ ଯୋଶୀ ପ୍ରମୁଖ ଭୂମିକାରେ ନଜର ଆସିଛନ୍ତି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ବିବେକ ଅଗ୍ନିହୋତ୍ରୀ ।