ପ୍ରିୟଙ୍କା ଚୋପ୍ରାଙ୍କ ଭଡ଼ାଟିଆ ଜ୍ୟାକଲିନ, ମାସକୁ ଦେଉଛନ୍ତି ଏତେ ଟଙ୍କା ଘରଭଡ଼ା !

ମୁମ୍ବାଇ: ସବୁ ବେଳେ ଚର୍ଚ୍ଚାରେ ଥାଆନ୍ତି ବଲିଉଡ ତାରକା। ତାହା ତାଙ୍କ ରହଣୀ କୁ ନେଇ ହେଉ ବା ଫିଲ୍ମକୁ ନେଇ । ତାଙ୍କ ପ୍ରଶଂସକମାନେ ବଲିଉଡ ତାରକାମାନଙ୍କ ଜୀବନଶୈଳୀ ବିଷୟରେ ଜାଣିବାକୁ ସବୁବେଳେ ତତ୍ପର ଥାଆନ୍ତି । କେମିତି ନିଜକୁ ରଖୁଛନ୍ତି, କେମିତି ଘରେ ରହୁଛନ୍ତି, କେମିତି ଖାଦ୍ୟ ଖାଆନ୍ତି ସେସବୁ ବିଷୟରେ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚା ହୁଏ। ତେବେ ଆଜି ଆମେ କହିବୁ ଶ୍ରୀଲଙ୍କା ସୁନ୍ଦରୀ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ବିଷୟରେ ।

ଗତଦିନ କିଛିଦିନ ହେଲାଣି ଜ୍ୟାକଲିନ ( Actress jacqueline fernandez) ଏବେ ପ୍ରିୟଙ୍କା ଚୋପ୍ରା  (Priyanka Chopra)ଙ୍କ ପୁରୁଣା ଘର ଭଡାରେ ନେଇଛନ୍ତି । ଏହାବହୁତ କ୍ୱଚିତ ଘଟଣା ଯେ, କେଉଁ ଏକ ଷ୍ଟାର ଅନ୍ୟଜଣଙ୍କ ଘରେ ଭଡ଼ାରେ ରହିବା ବା କିଣିବା । ତେବେ ପ୍ରିୟଙ୍କାଙ୍କ ଏହି ଆଲିସାନ ବଙ୍ଗଳା ଭଡ଼ାରେ ନେବା ପରେ ଭାରି ରକମ ଭରୁଛନ୍ତି ଜ୍ୟାକଲିନ୍ । କିଛି ମାସ ପୂର୍ବେ ଜ୍ୟାକଲିନ ପ୍ରିୟଙ୍କାଙ୍କ ମୁମ୍ବାଇ ସ୍ଥିତ କର୍ମୟୋଗ (karmayaog) ବଙ୍ଗଳାକୁ ସ୍ଥାନାନ୍ତର ହୋଇଛନ୍ତି ।

ଆଲିସାନ ଆପାର୍ଟମେଣ୍ଟ (Luxurious Apartment) ରେ ରହିବା ପାଇଁ ଜ୍ୟାକଲିନ ଲକ୍ଷ ଲକ୍ଷ ଟଙ୍କା ଗଣି ଦେଉଛନ୍ତି । ଏକ ସଦ୍ୟ ରିପୋର୍ଟ ଅନୁଯାୟୀ, ଜ୍ୟାକଲିନ ପ୍ରତିମାସ ପ୍ରିୟଙ୍କା ଚୋପ୍ରାଙ୍କୁ ୬.୭୮ ଲକ୍ଷ ଟଙ୍କା ଭଡ଼ାରେ ଦେଉଛନ୍ତି । ଜ୍ୟାକଲିନ ଏହି ଘରକୁ ତିନିବର୍ଷ ଯାଏଁ ଭଡ଼ାରେ ନେଇଥିବା ଜଣାପଡ଼ିଛି । ଯଦି ହିସାବ କରାଯାଏ ତେବେ ପ୍ରତିବର୍ଷ ପ୍ରିୟଙ୍କା ଚୋପ୍ରା (Priyanka Chopra)ଜ୍ୟାକଲିନଙ୍କ ଠାରୁ ୨ କୋଟି ୪୪ ଲକ୍ଷ ୮ ହଜାର ଟଙ୍କା ଘରଭଡ଼ା ବାବଦକୁ ଦେଉଛନ୍ତି ।

ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ତାଙ୍କର ପରବର୍ତ୍ତୀ ଚଳଚ୍ଚିତ୍ର 'ବଚ୍ଚନ ପାଣ୍ଡେ' (Bachchan Pandey) ପାଇଁ ରାଜସ୍ଥାନର ଜୈଶସଲମେରରେ ସୁଟିଂ କରୁଛନ୍ତି। ଏହି ସମୟ ମଧ୍ୟରେ ସେ ସ୍ଥାନୀୟ ଖାଦ୍ୟକୁ ମଧ୍ୟ ବହୁତ ଉପଭୋଗ କରୁଥିବା ସେ କହିଛନ୍ତି । ସେ ଭାରତୀୟ ରୋଷେଇର ଜଣେ ବଡ଼ ପ୍ରଶଂସକ ଏବଂ ଦେଶର ପ୍ରତ୍ୟେକ କୋଣ ଅନୁକୋଣରୁ ସେ ଖାଦ୍ୟ ଖାଇବାକୁ ବହୁତ ଅଧିକ ପସନ୍ଦ କରିଥାନ୍ତି।