ତାଙ୍କର ସମ୍ପ୍ରତି ବ୍ଲଗରେ ସେ ଏପରି ଏକ ବିଷୟ ପ୍ରକାଶ କରିଛନ୍ତି, ଯାହା ତାଙ୍କ ପ୍ରଶଂସକଙ୍କୁ ଚିନ୍ତାରେ ପକାଇଛି। ବିଗ୍ ବି କହିଛନ୍ତି ଯେ, ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡି ଯାଇଛି ଏବଂ ତାଙ୍କୁ ଅସ୍ତ୍ରୋପଚାର କରିବାକୁ ପଡିବ।
Trending Photos
ନୂଆଦିଲ୍ଲୀ: ବଲିଉଡ ସୁପରଷ୍ଟାର ଅମିତାଭ ବଚ୍ଚନ ସୋସିଆଲ ମିଡିଆରେ ବହୁତ ସକ୍ରିୟ ରୁହନ୍ତି ଏବଂ ତାଙ୍କ ନିତିଦିନିଆ ଜୀବନ ବିଷୟରେ ସୂଚନା ଦିଅନ୍ତି। ସେ ନିଜର ଦୈନନ୍ଦିନ ଅନୁଭୂତିକୁ ମଧ୍ୟ ନିଜ ବ୍ଲଗ୍ ମାଧ୍ୟମରେ ପ୍ରଶଂସକଙ୍କ ସହ ବାଣ୍ଟନ୍ତି। ତାଙ୍କର ସମ୍ପ୍ରତି ବ୍ଲଗରେ ସେ ଏପରି ଏକ ବିଷୟ ପ୍ରକାଶ କରିଛନ୍ତି, ଯାହା ତାଙ୍କ ପ୍ରଶଂସକଙ୍କୁ ଚିନ୍ତାରେ ପକାଇଛି। ବିଗ୍ ବି କହିଛନ୍ତି ଯେ, ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡି ଯାଇଛି ଏବଂ ତାଙ୍କୁ ଅସ୍ତ୍ରୋପଚାର କରିବାକୁ ପଡିବ।
ଅମିତାଭ ବଚ୍ଚନ (Amitabh Bachchan) ତାଙ୍କ ବ୍ଲଗରେ କେବଳ ଗୋଟିଏ ଲାଇନ ଲେଖିଛନ୍ତି। ଏହି ଗୋଟିଏ ଲାଇନ ସମସ୍ତଙ୍କୁ ହୃଦୟକୁ ଥରାଇ ଦେଇଛି। ଅମିତାଭ୍ ତାଙ୍କ ବ୍ଲଗରେ ଲେଖିଛନ୍ତି, "ଚିକିତ୍ସା ଅବସ୍ଥା ... ଅସ୍ତ୍ରୋପଚାର .. ମୁଁ ଲେଖି ପାରିବି ନାହିଁ। ଏବି" ଅମିତାଭ ବଚ୍ଚନ ଫେବୃଆରୀ 27 ରେ ଏହି ବ୍ଲଗ୍ ଲେଖିଛନ୍ତି। ବିଗ୍ ବିଙ୍କ ଏହି ବ୍ଲଗ୍ ଦେଖିବା ପରେ ପ୍ରଶଂସକମାନେ ଚିନ୍ତାରେ ପଡିଯାଇଛନ୍ତି। ତେବେ ପ୍ରକୃତରେ ତାଙ୍କର କ’ଣ ହୋଇଛି ଏବଂ ସେ ଅସ୍ତ୍ରୋପଚାର କରୁଛନ୍ତି, ତାହା ସ୍ପଷ୍ଟ ହୋଇନାହିଁ।
Also Read: ହତ୍ୟା ମାମଲାର ସମାଧାନ କରିବେ ଅଭିନେତ୍ରୀ ପ୍ରାଚୀ ଦେଶାଇ, ପୋଲିସ ପାଇଁ ବଡ଼ ଚ୍ୟାଲେଞ୍ଜ...
ଏହା ପୂର୍ବରୁ ମଧ୍ୟ ସେ ନିଜ ଆଧିକାରୀକ ଟ୍ୱଟର ହ୍ୟାଣ୍ଡେଲରେ ନିଜ ସର୍ଜରୀ (Amitabh Surgery) ନେଇ ହିଣ୍ଟ ଦେଇଥିଲେ। ସେ କହିଥିଲେ, "ଆବଶ୍ୟକତାଠାରୁ ଅଧିକ ବୃଦ୍ଧି ପାଇଛି। କିଛି କାଟିବା ଦ୍ୱାରା ସୁଧୁରିବ। ଏହା ଜୀବନକାଳର କାଲି। କାଲି ଜଣାପଡିବ ତାହା କେମିତି ରହିବ।" ତେବେ ବର୍ତ୍ତମାନ ସୁଦ୍ଧା ସେ କୌଣସି ହସ୍ପିଟାଲରେ ଭର୍ତ୍ତି ହୋଇ ନଥିବା ସୂଚନା ମିଳିଛି।
ବିଗ୍ ବି (Big B) ବର୍ତ୍ତମାନ ଅନେକ ଚଳଚ୍ଚିତ୍ରର ସୁଟିଂରେ ବ୍ୟସ୍ତ ଥିଲେ। KBC-12ର ଅଫ୍ ଏୟାର ହେବା ପରେ ସେ ବ୍ରହ୍ମାସ୍ତ୍ର ଏବଂ ଚେହେରା ସମେତ ଅନେକ ଚଳଚ୍ଚିତ୍ରର ସୁଟିଂ କରୁଥିଲେ। ଏହି ସମୟରେ ତାଙ୍କର ଅସୁସ୍ଥତା ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। KBCର ସୁଟିଂ ପୂର୍ବରୁ ଅମିତାଭ ଏବଂ ତାଙ୍କ ପରିବାର କରୋନାରେ ସଂକ୍ରମିତ ହୋଇଥିଲେ। ଏଥିରୁ ମୁକ୍ତି ପାଇବାକୁ ପୁରା ପରିବାରକୁ ପ୍ରାୟ ମାସେ ସମୟ ଲାଗିଥିଲା।