ରିଲିଜ ହେଲା କଙ୍ଗନା ରଣାୱତଙ୍କ 'ଧାକ୍କଡ' ଫିଲ୍ମର ଫାଷ୍ଟ ପୋଷ୍ଟର

ବଲିଉଡ କ୍ୱିନ୍ କଙ୍ଗନା ରଣାୱତଙ୍କ ଅଭିନୀତ ଫିଲ୍ମ 'ଧାକ୍କଡ' । ଏହି ଫିଲ୍ମର ଫାଷ୍ଟ ଲୁକ ଏବେ ଜାରି ହୋଇଛି ।

ନୂଆଦିଲ୍ଲୀ: କୋରୋନା ମହାମାରୀ ପରେ ଏବେ ଧିରେ ଧିରେ ସବୁକିଛି ସ୍ବାଭାବିକ ହେବାରେ ଲାଗିଛି । ଜୀବନ ଜୀବିକା ଠାରୁ ଆରମ୍ଭ କରି ଶିକ୍ଷାକ୍ଷେତ୍ର ପର୍ଯ୍ୟନ୍ତ ସବୁକିଛି ହୋଇଥିଲା ପ୍ରଭାବିତ । ଏହାରି ଭିତରେ ଦର୍ଶକ ପାଉଥିବା ମନୋରଞ୍ଜନର ଖୋରାକ ମଧ୍ୟ କମିଯାଇଥିଲା କୋରୋନା କୋପରେ । ହେଲେ ଏବେ ଧିରେ ଧିରେ ପୂର୍ବାବସ୍ଥାକୁ ଫେରୁଛି ବଲିଉଡ । ଗୋଟିଏ  ପରେ ଗୋଟିଏ ଫିଲ୍ମର ରିଲିଜ ଡେଟ୍ ଠାରୁ ଆରମ୍ଭ କରି ପୋଷ୍ଟର ଓ ଫାଷ୍ଟ ଲୁକ୍ ରିଲିଜ ହେଉଛି । ଏହି କ୍ରମରେ ସାମିଲ ହୋଇଛି ବଲିଉଡ କ୍ୱିନ୍ କଙ୍ଗନା ରଣାୱତଙ୍କ ଅଭିନୀତ ଫିଲ୍ମ 'ଧାକ୍କଡ' ।

ସୂଚନା ଅନୁସାରେ ଏହି ଫିଲ୍ମର ଫାଷ୍ଟ ଲୁକ (First Look) ଏବେ ଜାରି ହୋଇଛି । ଏହି ପୋଷ୍ଟରରେ କଙ୍ଗନାଙ୍କୁ ଏକ ଅଲଗା ଅନ୍ଦାଜରେ ଦେଖିବାକୁ ମିଳୁଛି । ସେପଟେ ଫିଲ୍ମଟି ଅକ୍ଟୋବର ପହିଲା ୨୦୨୧ରେ ରିଲିଜ ହେବା ନେଇ ବି ସୂଚନା ରହିଛି । ଏହି ଫିଲ୍ମରେ ଅନ୍ୟ ଷ୍ଟାରଙ୍କ ମଧ୍ୟରୁ ବି-ଟାଉନର ଆଗ ଧାଡ଼ିର ନାୟକ ଅର୍ଜୁନ ରାମପାଲ୍ (Arjun Rampal) ଓ ଦିବ୍ୟା ଦତ୍ତା (Divya Dutta) ମଧ୍ୟ ନଜର ଆସିବେ । ଏହି ଫିଲ୍ମରେ କଙ୍ଗନାଙ୍କୁ ଏଜେଣ୍ଟ ଅଗ୍ନି (Agent Agni) ଭୂମିକାରେ ଦେଖିବାକୁ ପାଇବେ ଦର୍ଶକ ।

ଏହି ଫିଲ୍ମର ନିର୍ଦ୍ଦେଶନା ରଜନିଶ ରାଜି ଘାଇ (Razneesh Razy Ghai) ଦେଇଥିବା ବେଳେ ପ୍ରଯୋଜନା ଭାର ସମ୍ଭାଳିଛନ୍ତି ଦିପକ ମୁକୁଟ ( Dipak Mukut) ଓ ସୋହେଲ ମାକଲାଇ ( Sohel Maklai) । ସବୁଠାରୁ ରୋମାଞ୍ଚକର କଥା ହେଉଛି ଯେ, 'ଧାକ୍କଡ' (Dhaakad) ମହିଳା କୈନ୍ଦ୍ରିକ ପ୍ରଥମ ଶକ୍ତିଶାଳୀ Spy thriller ଫିଲ୍ମ।

କମଲ ମୁକୁଟ(Kamal Mukut) , ସୋହେଲ ମାକଲାଇ ପ୍ରଡକ୍ସନ୍ସ ଏବଂ ଆଶ୍ରମ ଚଳଚ୍ଚିତ୍ର ସହ ମିଳିତ ଭାବରେ ସୋହମ୍ ରକଷ୍ଟାର ଏଣ୍ଟରଟେନମେଣ୍ଟ (Soham Rockstar Entertainment) ପ୍ରା.ଲିମିଟେଡ୍ ଦ୍ୱାରା ଏହି ମେଗା ଆକ୍ସନ (Mega Action) ଫିଲ୍ମଟି ଆଗାମୀ ଦିନରେ ରିଲିଜ ହେବାକୁ ଯାଉଛି ।