Gangubai Kathiawadi Poster: ମାଫିଆ କ୍ୱିନ୍ ଭାବେ ନଜର ଆସିଲେ ଆଲିଆ ଭଟ୍ଟ, ଦେଖନ୍ତୁ ଫଟୋ

ନୂଆଦିଲ୍ଲୀ: ବଲିଉଡରେ ଏବେ ଆରମ୍ଭ ହୋଇଯାଇଛି ରିଲିଜ ପର୍ବ। କୋରୋନା ମହାମାରୀରେ ଗୋଟିଏ ବର୍ଷ ଫିଲ୍ମ ଦୁନିଆରୁ ଦର୍ଶକ ଦୁରେଇ ଯାଇଥିବା ବେଳେ ଧିରେ ଧିରେ ସବୁକିଛି ସ୍ବାଭାବିକ ହେବାରେ ଲାଗିଛି । ତେବେ ଏହାକୁ ନଜରରେ ରଖି ଆଗାମୀ ଦିନରେ ଫିଲ୍ମ ସୁଟିଂ ଠାରୁ ଆରମ୍ଭ କରି ରିଲିଜ ମଧ୍ୟ ହେବାରେ ଲାଗିଛି । ବଡ ବଜେଟ୍ ସହ ସୁପରହିଟ୍ ଚଳଚ୍ଚିତ୍ର ନିର୍ମାଣ ପାଇଁ ଜଣାଶୁଣା ଚଳଚ୍ଚିତ୍ର ନିର୍ମାତା ସଞ୍ଜୟ ଲୀଲା ଭନସାଲୀଙ୍କ ଆଜି ହେଉଛି ଜନ୍ମଦିନ । ଏହି ଅବସରରେ ସେ ନିଜ ପ୍ରଶଂସକଙ୍କୁ ଏକ ସରପ୍ରାଇଜ୍ ଦେଇଛନ୍ତି । ବଲିଉଡ ଦୁନିଆର କ୍ୟୁଟ ଆକ୍ଟ୍ରେଷ ଆଲିଆ ଭଟ୍ଟଙ୍କ ଅଭିନୀତ ଫିଲ୍ମ 'ଗଙ୍ଗୁବାଇ କାଠିଆୱାଡ଼ି' ର ପ୍ରଥମ ପୋଷ୍ଟର ରିଲିଜ ସହ ରିଲିଜ୍ ଡେଟ ମଧ୍ୟ ଘୋଷଣା କରିଛନ୍ତି ।

ନିର୍ଦ୍ଦେଶକ ସଞ୍ଜୟ ଲୀଲା ଭନସାଲୀ (Sanjay Leela Bhansali) ଙ୍କ ଜନ୍ମଦିନ ଅବସରରେ ତାଙ୍କ ଆଗାମୀ ଫିଲ୍ମ  'ଗଙ୍ଗୁବାଇ କାଠିଆୱାଡ଼ି' (Gangubai Kathiawadi) ର ପୋଷ୍ଟର ରିଲିଜ କରି ଫ୍ୟାନ୍ସଙ୍କୁ ସରପ୍ରାଇଜ କରିଛନ୍ତି । ଫିଲ୍ମ 'ଗଙ୍ଗୁବାଇ କାଠିଆୱାଡ଼ି'  ର ଟିଜର ରିଲିଜ ହେବା ପରେ ଫିଲ୍ମର ଲିଡ ଆକ୍ଟ୍ରେଷ୍ ଆଲିଆ ଭଟ୍ଟ (Actress Alia Bhatt) ନିଜ ଫିଲ୍ମର ଏକ ପୋଷ୍ଟରକୁ ନିଜ ଟ୍ୱିଟର (Twitter) ହ୍ୟାଣ୍ଡଲରେ ପୋଷ୍ଟ କରିଛନ୍ତି। ଏହି ପୋଷ୍ଟରରେ ଆଲିଆ ମାଫିଆ କ୍ୱିନ ଭାବେ ନଜର ଆସିଛନ୍ତି । ପୋଷ୍ଟର (Poster) ରେ ଆଲିଆ ସୁନ୍ଦର ଦେଖାଯିବା ସହ ଏକ ସ୍ମିତ ହାସ୍ୟ ଦେଇଛନ୍ତି ଯେଉଁଥିରେ କିଛି କାହାଣୀ ଲୁଚି ରହିଥିବା ଜଣାଯାଇଛି ।

ଏହି ଫିଲ୍ମ ଚଳିତ ବର୍ଷ ଜୁଲାଇ ୩୦ ରେ ରିଲିଜ ହେବାକୁ ଯାଉଛି । ଏଠାରେ କହିରଖୁଛୁ ଯେ, ଏହି ଫିଲ୍ମ 'ଗଙ୍ଗୁବାଇ କାଠିଆୱାଡ଼ି' ପ୍ରସିଦ୍ଧ ଲେଖକ ହୁସେନ ଜୈଦୀଙ୍କ ବହି ମାଫିଆ କ୍ୱିନ୍ସ ଅଫ ମୁମ୍ବାଇ (Mafia Queens Of Mumbai)ର ଏକ ଚରିତ୍ର ଉପରେ ଆଧାରିତ ହୋଇଛି । ବହିର ଏକ ଅଧ୍ୟାୟ ଏହି ଫିଲ୍ମ ଜରିଆରେ ଦେଖିବାକୁ ପାଇବେ ଦର୍ଶକ । ଏହା ଏମିତି ଏକ ମହିଳାଙ୍କ ଉପରେ କାହାଣୀ ନିର୍ମିତ ଯିଏ ବାଲ୍ୟବିବାହ କରିବା ପରେ ନିଜ ସ୍ୱାମୀ ୫୦୦ ଟଙ୍କାରେ କାହାକୁ ବିକ୍ରୀ କରିଥିଲା । ତେବେ ଏହାପରେ କଣ ଘଟିଲା ତାକୁ ନେଇ ହୋଇଛି ଫିଲ୍ମ  'ଗଙ୍ଗୁବାଇ କାଠିଆୱାଡ଼ି' ।