ମୁଁ କର୍କଟରୁ ଶୀଘ୍ର ମୁକ୍ତି ପାଇବି: ସଞ୍ଜୟ ଦତ୍ତ

ଜିନୁ ଜେନା, ନୂଆଦିଲ୍ଲୀ: କର୍କଟ ରୋଗ ସହ ସଂଗ୍ରାମ ବିଷୟରେ ପ୍ରଥମ ଥର ପାଇଁ ଅଭିନେତା ସଞ୍ଜୟ ଦତ୍ତ ମୁହଁ ଖୋଲିଛନ୍ତି। ଏନେଇ ସେ କହିଛନ୍ତି ଏହାକୁ ଶୀଘ୍ର ପରାସ୍ତ କରିବେ ବୋଲି ଆଶାବାଦୀ ଅଛନ୍ତି। କ୍ୟାନସର ପୀଡିତ ନେଇ ଚର୍ଚ୍ଚା ଭିତରେ ଅଗଷ୍ଟରେ, ୬୧ ବର୍ଷୀୟ ଅଭିନେତା ଘୋଷଣା କରିଥିଲେ ଯେ ବୃତ୍ତିଗତ ଜୀବନରୁ ବିରତି ନେଇ ଚିକିତ୍ସା ଉପରେ ଗୁରୁତ୍ୱ ଦେବେ।

ବୁଧବାର ବିଳମ୍ବିତ ରାତିରେ ପୋଷ୍ଟ ହୋଇଥିବା ଏକ ଇନଷ୍ଟାଗ୍ରାମ ଭିଡିଓରେ ସଞ୍ଜୟ ଦତ୍ତଙ୍କୁ ସେଲିବ୍ରିଟି ହେୟାର ଷ୍ଟାଇଲ ଆଲିମ ହାକିମଙ୍କ ସେଲୁନରେ କେଶ କାଟୁଥିବା ଦେଖିବାକୁ ମିଳିଥିଲା।ଅଭିନେତା ହାକିମଙ୍କ ଦ୍ୱାରା କେଶର ଏକ ଅଂଶ ଭାବରେ ପରିକଳ୍ପିତ ଏକ ଦାଗକୁ ସୂଚାଇ କହିଛନ୍ତି, "ଏହା ମୋ ଜୀବନରେ ଏକ ଦାଗ, କିନ୍ତୁ ମୁଁ ଏହାକୁ ହଟାଇବି। ମୁଁ ଶୀଘ୍ର ଏହି କର୍କଟ ରୋଗରୁ ମୁକ୍ତି ପାଇବି।"

ନଅ ବର୍ଷର ଯାଆଁଳା ସନ୍ତାନ ଶାହାରନ୍ ଏବଂ ଇକ୍ରାଙ୍କ ସହ ସମୟ କାଟିବାକୁ  ସଞ୍ଜୟ ଦତ୍ତ, ନିର୍ମାତା-ପତ୍ନୀ ମାନ୍ୟତା ଦତ୍ତଙ୍କ ସହ ଗତ ମାସରେ ଦୁବାଇ ଯାଇଥିଲେ। ନିକଟରେ "ସଡ଼କ ୨" ରେ ଅଭିନୟ କରିଥିବା ଏହି ଅଭିନେତାଙ୍କୁ ପରବର୍ତ୍ତୀ ସମୟରେ "କେଜିଏଫ୍: ଅଧ୍ୟାୟ ୨" ଏବଂ ରଣବୀର କପୁର-ଅଭିନୀତ "ଶ୍ୟାମଶେରା" ଫିଲ୍ମରେ ଦେଖିବାକୁ ମିଳିବ। ସଞ୍ଜୟ ଦତ୍ତ କହିଛନ୍ତି ଯେ ସେ ଆସନ୍ତା ମାସରେ ଫିଲ୍ମର ସୁଟିଂ ଆରମ୍ଭ ହେଉଥିବାରୁ ସେ ୨୦୧୮ ଆକ୍ସନ୍-ଡ୍ରାମା "କେଜିଏଫ୍" ସିକ୍ୱେଲ୍ ପାଇଁ ନିଜର ଦାଢି ବଢାଉଛନ୍ତି। ୟଶଙ୍କ ଅଭିନୀତ କନ୍ନଡ ଆକ୍ସନ୍ ଫିଲ୍ମ 'ପିରିୟଡ୍'ରେ ଏହି ବଲିଉଡ ଷ୍ଟାର ଡେବ୍ୟୁ କରିବାକୁ ଯାଉଛନ୍ତି।

ସେ ଆହୁରି ମଧ୍ୟ କହିଛନ୍ତି, "ନଭେମ୍ବରରୁ ଚଳଚ୍ଚିତ୍ର ଆରମ୍ଭ କରିବା ପାଇଁ ମୋର ଲୁକ୍ ଦରକାର। ମୁଁ ପୁନର୍ବାର ସେଟରେ ଥିବାରୁ ଖୁସି ଅଟେ। ସେଠାରେ 'ଶ୍ୟାମଶେରାଙ୍କ ଡବିଂ ମଧ୍ୟ ଆରମ୍ଭ ହେଉଛି, ଏହା ଆନନ୍ଦ ଦେବ। ଅଭିନୟ ଗଦୁନିଆକୁ ଫେରିବା ଭଲ ଲାଗିବ।" ଭିଡିଓର ଶେଷ ଆଡକୁ, ଯେତେବେଳେ ହାକିମ କହିଥିଲେ ଯେ ଅଭିନେତା ସଞ୍ଜୟଙ୍କ ଭଲ ମୁଡ୍ ଦେଖି ସେ ଖୁସି ଅଛନ୍ତି, ସଞ୍ଜୟ ଦତ୍ତ ଉତ୍ତର ଦେଇଥିଲେ ଯେ ଚିକିତ୍ସା ହେତୁ ଓଜନ ହ୍ରାସ ପାଇବା   ପରେ ସେ ପୁଣି କାମ କରିବା ଆରମ୍ଭ କରିଛନ୍ତି। ସେ କହିଛନ୍ତି, "ମୁଁ ମୋର ମାଂସପେଶୀକୁ ଫେରି ପାଇଛି, ଏସବୁ ଧୀରେ ଧୀରେ ଫେରି ଆସୁଛି। ମୁଁ କ୍ୟାନସରରୁ ଶୀଘ୍ର ବାହାରି ଆଯିବି।" ସଞ୍ଜୟ ଦତ୍ତ ହେଉଛନ୍ତି ବଲିଉଡର ସ୍ୱର୍ଗତ ନର୍ଗିସ୍ ଏବଂ ସୁନୀଲ ଦତ୍ତଙ୍କ ଜ୍ୟେଷ୍ଠ ସନ୍ତାନ। ତାଙ୍କର ଦୁଇ ଭଉଣୀ ଅଛନ୍ତି ପ୍ରିୟା ଦତ୍ତ ଏବଂ ନମ୍ରତା ଦତ୍ତ । ଏହି ଅଭିନେତାଙ୍କ ପ୍ରଥମ ପତ୍ନୀ ରିଚା ଶର୍ମାଙ୍କ ଠାରୁ ଝିଅ ତ୍ରିଶାଲା ଦତ୍ତ ମଧ୍ୟ ଅଛନ୍ତି ।