'ଦ କାଶ୍ମୀର ଫାଇଲ୍ସ'କୁ ନେଇ କଙ୍ଗନାଙ୍କ ବିବାଦୀୟ ବୟାନ, କହିଲେ ବଲିଉଡ ଚାମଚାଙ୍କୁ...

 ନୂଆଦିଲ୍ଲୀ: ଏବେ ସମସ୍ତଙ୍କ ମୁହଁରେ ସେହି ଗୋଟିଏ ଫିଲ୍ମର ନାଁ 'ଦ କାଶ୍ମୀର ଫାଇଲ୍ସ'। ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ ବଲିଉଡ ଚଳଚ୍ଚିତ୍ର 'ଦ କାଶ୍ମୀର ଫାଇଲ୍ସ' ବିନା ସେତେଟା ପ୍ରମୋସନରେ ବକ୍ସ ଅଫିସରେ ରାଜ କରିବାରେ ଲାଗିଛି ।ବଲିଉଡର ଛୋଟ ବଡ଼ କଳାକାରଙ୍କଠୁ ଆରମ୍ଭ କରି ଦେଶର ବଡ଼ ବଡ଼ ରାଜନେତା ପର୍ଯ୍ୟନ୍ତ ସମସ୍ତଙ୍କ ମୁହଁରେ ଫିଲ୍ମ 'ଦ କାଶ୍ମୀର ଫାଇଲ୍ସ'ର ପ୍ରଶଂସା ।ସବୁ ମହଲରୁ ଏବେ ନିର୍ଦ୍ଦେଶକ ଓ କଳାକାରଙ୍କ ପାଇଁ  ଛୁଟୁଛି ପ୍ରଶଂସାର ସୁଅ। 

ହେଲେ ଏହାରି ଭିତରେ ବଲିଉଡ ଅଭିନେତ୍ରୀ କଙ୍ଗନା ରଣାୱତ ମଧ୍ୟ ଚଳଚ୍ଚିତ୍ର ନିର୍ମାତା ଓ କଳାକାରଙ୍କୁ  'ଦ କାଶ୍ମୀର ଫାଇଲ୍ସ' (The Kashmir Files)ର ସଫଳତା ନେଇ ବଧେଇ ଜଣାଇଛନ୍ତି, ହେଲେ ତାହା ବି ଟିକେ ବିବାଦୀୟ ଢଙ୍ଗରେ । ଅବଶ୍ୟ ଏହା କୌଣସି ଆଶ୍ଚର୍ଯ୍ୟ ହେଲା ଭଳି କଥା ନୁହେଁ କାରଣ ଏମିତି ଏନେକ ବିବାଦୀୟ ବୟାନ ଦେଇ କଣ୍ଟ୍ରୋଭର୍ସିର ଶୀର୍ଷରେ ତାଙ୍କ ନାଁ ପକ୍କା କରିସାରିଛନ୍ତି କଙ୍ଗନା। 

ତେବେ ନିକଟରେ କଙ୍ଗନା (Kangana Ranaut) ଫିଲ୍ମର ପ୍ରଶଂସା କରିବା ସହ ବଲିଉଡକୁ ଇଙ୍ଗିତ କରି ଖୁବ୍ କଡ଼ା ଶବ୍ଦର ବ୍ୟବହାର କରିଛନ୍ତି। ସେ ବଲିଉଡର ଅନ୍ୟ ଫିଲ୍ମ ନିର୍ମାତାଙ୍କ ଚଳଚ୍ଚିତ୍ର ନିର୍ମାଣ ଶୈଳୀକୁ ନେଇ କଟାକ୍ଷ କରିଛନ୍ତି । କଙ୍ଗନା ଫିଲ୍ମକୁ ନେଇ ନିଜ ସୋସିଆଲ ମିଡିଆ (Social Media) ହ୍ୟାଣ୍ଡେଲରେ ଏକ ଲମ୍ବା ପୋଷ୍ଟ କରିଛନ୍ତି। ସେ ଲେଖିଛନ୍ତି ଫିଲ୍ମ 'ଦ କାଶ୍ମୀର ଫାଇଲ୍ସ'ର ସଫଳତାକୁ ନେଇ ଏବେ ବଲିଉଡରେ ଦେଖାଦେଇଥିବା ନିରବତାକୁ ଟିକେ ନୋଟିସ କରନ୍ତୁ। ଏହି ଚଳଚ୍ଚିତ୍ରର ନା କେବଳ କାହାଣୀ ବରଂ ବକ୍ସ ଅଫିସରେ ଏହାର ରୋଜଗାର ମଧ୍ୟ ଖୁବ ଭଲ ହୋଇଛି ।

ଫିଲ୍ମରେ ନିବେଶ କରାଯାଇଥିବା ଟଙ୍କା ଓ ଏଥିରୁ ମିଳିଥିବା ଲାଭକୁ ଯଦି ଦେଖାଯାଏ ତେବେ ପୁରା ବର୍ଷକର ଏହା ହେଉଛି ଏକ ସଫଳ ଚଳଚ୍ଚିତ୍ର। ଏହି ଚଳଚ୍ଚିତ୍ର ବଲିଉଡର ଅନେକ ବଡ଼ ବଜେଟର ସିନେମାର ରେକର୍ଡକୁ ବ୍ରେକ୍ କରିଛି । ମଲ୍ଟିପ୍ଲେକ୍ସ ସିନେମା ହଲରେ ସକାଳ ୬ଟାର ସୋ ଖଚାଖଚ ଦର୍ଶକରେ ଭରିଥିବା ଦେଖିବାକୁ ମିଳୁଛି। ଯାହାକି ପ୍ରକୃତରେ ଅବିଶ୍ୱସନୀୟ। ସେ ଲେଖିଛନ୍ତି ଯେ କେରୋନା ମହାମାରୀ (Corona Pandemic) ପରେ ଏହା ଏକ ମନଗଢ଼ା କାହାଣୀ ଥିଲା ଯେ ସିନେମା ହଲ୍ ଏବେ କେବଳ ବଡ଼ ବଜେଟର ଫିଲ୍ମ ବା VFX ପାଇଁ ଚାଲିଛି । ଏବେ ବଲିଉଡ ଓ ତା'ର ସବୁ ଚାମଚାମାନଙ୍କୁ ବଡ଼ ଝଟକା ଲାଗିଛି। ଏଥିପାଇଁ କିଛି ଶବ୍ଦ ନାହିଁ,ପୁରା ଦୁନିଆ ଏହାକୁ ଦେଖୁଛି । ଏହାର ସମୟ ଏବେ ଶେଷ ହୋଇଯାଇଛି ।

'ଦ କାଶ୍ମୀର ଫାଇଲ୍ସ' ଏବେ ବକ୍ସ ଅଫିସରେ ଭଲ ରୋଜଗାର କରିବାରେ ଲାଗିଛି ।ପ୍ରଥମ ଦିନରେ ଏହି ଫିଲ୍ମ ୩.୫୫ କୋଟି ଓ ଦ୍ୱିତୀୟ ଦିନରେ ୮.୫୫କୋଟି ରୋଜଗାର କରିଛି। ଏହି ଚଳଚ୍ଚିତ୍ରର ମୋଟ ବଜେଟ୍ ୧୪ କୋଟି ବା ଫିଲ୍ମ ନିର୍ମାତା ପାଖାପାଖି ୧୪କୋଟି ଟଙ୍କା ବ୍ୟୟରେ ଏହି ଚଳଚ୍ଚିତ୍ରଟି ନିର୍ମାଣ କରିଛନ୍ତି ।ମାତ୍ର ୨ ଦିନରେ ଏହି ଚଳଚ୍ଚିତ୍ର ପାଖାପାଖି ୧୨ କୋଟି ଟଙ୍କା ଆୟ କରିଛି ଏବଂ ବର୍ତ୍ତମାନ ମଧ୍ୟ ଏହା ଖୁବ ସଫଳତାର ସହ ଦେଶର ଅନେକ ସିନେମା ଘରମାନଙ୍କରେ ଆଗେଇ ଚାଲିଛି । ଯାହାକି ଫିଲ୍ମ ନିର୍ମାତାଙ୍କ ପାଇଁ ଏକ ବଡ଼ ଉପଲବ୍ଧି।ତେବେ ଏହି ଫିଲ୍ମରେ ସମସ୍ତ କଳାକାର  ଅତି ସୁନ୍ଦର ଅଭିନୟ ଭାବେ ଅଭିନୟ କରିଛନ୍ତି, ମାତ୍ର ଏଥିରେ ଅନୁପମ ଖେର (Anupam Kher) ଙ୍କ ନିଖୁଣ ଅଭିନୟ ଏବେ ଖୁବ ଚର୍ଚ୍ଚାରେ ।