ଏସିଆ ମହିଳା କପ୍ ପାଇଁ ଥିମ୍ ସଙ୍ଗ ପ୍ରସ୍ତୁତ କଲେ ଓଡ଼ିଆ ଯୁବକ

ସୌଭାଗ୍ୟ ରଞ୍ଜନ ମିଶ୍ର, ନୂଆଦିଲ୍ଲୀ: ନଭି ମୁମ୍ବାଇ ଠାରେ ଆୟୋଜିତ ଏଏଫ୍ ସି ୱିମେନସ ଏସିଆନ କପର ଥିମ୍ ସଙ୍ଗ ପ୍ରସ୍ତୁତ କରି ଓଡ଼ିଆ ଯୁବକ ଏବେ ଚର୍ଚ୍ଚାରେ । ସେ ହେଉଛନ୍ତି ଯୁବ ଓଡ଼ିଆ ସଙ୍ଗୀତ ନିର୍ଦ୍ଦେଶକ ଅନୁରାଗ ପଟ୍ଟନାୟକ। ଜାନୁଆରୀ ୨୦ ରୁ ଫେବୃଆରୀ ୬ ତାରିଖ ଯାଏ ପୁନେ, ମୁମ୍ବାଇ ଓ ନଭି ମୁମ୍ବାଇ ରେ ଅନୁଷ୍ଠିତ ହେଉଥିବା ଏଏଫସି ୱିମେନସ ଏସିଆନ କପ୍ ର ଥିମ୍ ସଙ୍ଗ ପ୍ରସ୍ତୁତ କରିବା ପାଇଁ ତାଙ୍କୁ ନଭି ମୁମ୍ବାଇ ମ୍ୟୁନିସିପାଲ କର୍ପୋରେସନ୍ ପକ୍ଷରୁ ଏହି ଅଫର୍ ମିଳିଥିଲା। 

ଆଉ ଏଭଳି ସଫଳତାକୁ ହାତଛଡା କରିନଥିଲେ ସେ। ଅନୁରାଗଙ୍କ ସଙ୍ଗୀତ ନିର୍ଦ୍ଦେଶନାରେ ଏଥିରେ କଣ୍ଠ ଦାନ କରିଛନ୍ତି ନାବ୍ୟା ଜୟତି । ଗୀତ ରଚନା କରିଛନ୍ତି ଇମ୍ରାନ ଫର୍ ହାନ (Imran Farhan) । କ୍ୟାମେରା ପରିଚାଳନା ଓ ସମ୍ପାଦନା ରେ ଅଛନ୍ତି ମୌସମ୍ ସାହୁ । କ୍ରିଏଟିଭ ହେଡ ଅଛନ୍ତି ପ୍ରଶାନ୍ତ ନନ୍ଦୀ । ଷ୍ଟୁଡିଓ 6ରେ ଏହାକୁ ରେକର୍ଡ କରାଯାଇଛି। 

ସୂଚନାଯୋଗ୍ୟ ଯେ ଏଏଫସି ୱିମେନସ ଏସିଆନ କପ୍ ରେ ଭାରତ ସମେତ ଚାଇନା ପିଆର, ଚାଇନିଜ ତାଇପେଇ, ଆଇ ଆର ଇରାନ, ଅଷ୍ଟ୍ରେଲିଆ, ଥାଇଲାଣ୍ଡ, ଫିଲିପାଇନସ, ଇଣ୍ଡୋନେସିଆ, ଜାପାନ, କୋରିଆ ରିପବ୍ଲିକ, ଭିଏତନାମ ଓ ମିଆମାର ଆଦି ୧୨ଟି ଦଳ ଭାଗ ନେଉଛନ୍ତି। ତେବେ ଅନୁରାଗ, ନାବ୍ୟା ଓ ମୌସମଙ୍କ ଏହି ସଫଳତା ଓଡି଼ଶାବାସୀ (Odisha) ଙ୍କ ପାଇଁ ନିଶ୍ଚିତ ଗର୍ବର ବିଷୟ।