Rahu Gochar: ରାହୁଙ୍କ ରାଶି ପରିବର୍ତ୍ତନ ବଦଳାଇଦେବ ୩ ରାଶିର ଆର୍ଥିକ ସ୍ଥିତି

Rahu Gochar 2025: ରାହୁ ୨୦୨୫ ମସିହାରେ ଶନିଙ୍କ ରାଶି କୁମ୍ଭରେ ପ୍ରବେଶ କରିବେ । ରାହୁ ଏବଂ କେତୁ ସର୍ବଦା ରିଟ୍ରୋଗ୍ରେଡ୍ ଗ୍ରହ ବୋଲି ଗଣନା କରାଯାଏ ।

Rahu Gochar 2025: ବୈଦିକ ଜ୍ୟୋତିଷ ଶାସ୍ତ୍ର ଅନୁଯାୟୀ, ରାହୁଙ୍କୁ ଏକ ଛାୟା ଏବଂ ପାପପୂର୍ଣ୍ଣ ଗ୍ରହ ଭାବେ ବିବେଚନା କରାଯାଏ । ନଅଟି ଗ୍ରହ ମଧ୍ୟରେ, ରାହୁ ଗ୍ରହ ଅତ୍ୟନ୍ତ ପ୍ରଭାବଶାଳୀ ବୋଲି ଜ୍ୟୋତିଷ ମତ ଦିଅନ୍ତି । ଶନିଙ୍କ ପରେ ରାହୁ ହେଉଛନ୍ତି ଦ୍ୱିତୀୟ ଗ୍ରହ ଯାହା ଧୀର ଗତିରେ ଚଳନ କରନ୍ତି । ରାହୁ ପ୍ରାୟ ୧୮ ମାସ ପର୍ଯ୍ୟନ୍ତ ଗୋଟିଏ ରାଶିରେ ରୁହନ୍ତି । ଆପଣଙ୍କୁ ସୂଚନା ଦେବାକୁ ଚାହୁଁ ଯେ, ରାହୁ ବର୍ତ୍ତମାନ ବୃହସ୍ପତିଙ୍କ ରାଶି ମୀନରେ ଚଳନ କରୁଛନ୍ତି । ୨୦୨୫ ମସିହାରେ ରାହୁ ପୁଣିଥରେ ରାଶି ପରିବର୍ତ୍ତନ କରିବେ । ରାହୁ ୨୦୨୫ ମସିହାରେ ଶନିଙ୍କ ରାଶି କୁମ୍ଭରେ ପ୍ରବେଶ କରିବେ । ରାହୁ ଏବଂ କେତୁ ସର୍ବଦା ରିଟ୍ରୋଗ୍ରେଡ୍ ଗ୍ରହ ବୋଲି ଗଣନା କରାଯାଏ ।

ବୈଦିକ ଜ୍ୟୋତିଷ ଶାସ୍ତ୍ର ଅନୁଯାୟୀ, ରାହୁ ୧୮ ମଇ ୨୦୨୫ରେ ଶନିଙ୍କ ମୂଳ ତ୍ରିକୋଣ ରାଶି କୁମ୍ଭରେ ଚଳନ କରିବେ। ରାହୁ କୁମ୍ଭରେ ପ୍ରାୟ ୧୮ ମାସ ପର୍ଯ୍ୟନ୍ତ ରହିବା ପରେ ଡିସେମ୍ବର ୫, ୨୦୨୬ ରେ ଶନିଙ୍କ ଦ୍ୱିତୀୟ ରାଶି ମକରରେ ପ୍ରବେଶ କରିବେ । ରାହୁଙ୍କ ଏହି ରାଶି ପରିବର୍ତ୍ତନ ନିଶ୍ଚିତ ଭାବରେ ସମସ୍ତ ୧୨ ଟି ରାଶିର ବ୍ୟକ୍ତିବିଶେଷଙ୍କ ଜୀବନରେ ଉଭୟ ସକରାତ୍ମକ ଏବଂ ନକରାତ୍ମକ ପ୍ରଭାବ ପକାଇବ । ଆସନ୍ତୁ ଜାଣିବା କେଉଁ ରାଶିର ବ୍ୟକ୍ତିଙ୍କୁ ରାହୁଙ୍କ ଏହି ଚଳନ ଶୁଭଫଳ ପ୍ରଦାନ କରିବ ।

କନ୍ୟା ରାଶି
ରାହୁଙ୍କ କୁମ୍ଭ ରାଶିରେ ଚଳନ ଆପଣଙ୍କୁ ଶୁଭଫଳ ଦେବ । ଆପଣଙ୍କ ରାଶିର ଷଷ୍ଠ ଘରେ ଏହି ଚଳନ ହେବାକୁ ଯାଉଛି । ଜ୍ୟୋତିଷ ଶାସ୍ତ୍ର ଅନୁଯାୟୀ, ଯେତେବେଳେ ରାହୁ ଜଣେ ବ୍ୟକ୍ତିଙ୍କ ରାଶିଫଳର ଷଷ୍ଠ ଘରେ ପ୍ରବେଶ କରନ୍ତି, ଏହାର ପ୍ରଭାବ ଭଲ ହୋଇଥାଏ । ଆପଣ ଶତ୍ରୁଙ୍କୁ ପରାସ୍ତ କରିବାରେ ସକ୍ଷମ ହେବେ । କର୍ମକ୍ଷେତ୍ରରେ ଆପଣଙ୍କ କାର୍ଯ୍ୟ ପ୍ରଶଂସିତ ହେବ । ଚାକିରି କରୁଥିବା ବ୍ୟକ୍ତିମାନେ ଭଲ ସୁଯୋଗ ପାଇବେ । ଭାଗ୍ୟ ଆପଣଙ୍କ ସପକ୍ଷରେ ରହିବ । ସମସ୍ତ ଯୋଜନା ପ୍ରଭାବଶାଳୀ ଏବଂ ସଫଳ ହେବ । ଦୀର୍ଘ ଦିନ ଧରି ପଡି ରହିଥିବା କାର୍ଯ୍ୟକୁ ଶେଷ କରିବେ । ଅର୍ଥନୈତିକ ଅବସ୍ଥା ଭଲ ହେବ।

ତୁଳା ରାଶି
ରାହୁ ଆପଣଙ୍କ ରାଶିର ପଞ୍ଚମ ଘରେ ରହିବେ । ଯାହାର ସୁ ପ୍ରଭାବ ଆପଣଙ୍କ ଉପରେ ପଡିବ । ଆପଣ କର୍ମକ୍ଷେତ୍ରରେ ଭଲ ଫଳାଫଳ ପାଇବେ । ଅସମାପ୍ତ କାର୍ଯ୍ୟ ଶୀଘ୍ର ଶେଷ ହେବ । ଭବିଷ୍ୟତ ଯୋଜନା ସଫଳ ହେବ । ଆର୍ଥିକ ଲାଭ ପାଇଁ ଭଲ ସୁଯୋଗ ମିଳିବ । କ୍ୟାରିୟର-ବ୍ୟବସାୟ ଦୃଷ୍ଟିକୋଣରୁ ଆଗାମୀ ସମୟ ଆପଣଙ୍କ ପାଇଁ ଅତ୍ୟନ୍ତ ଅନୁକୂଳ ହେବ । ରାହୁଙ୍କ ରାଶି ପରିବର୍ତ୍ତନ ପ୍ରଭାବ ବିଦ୍ୟାର୍ଥୀଙ୍କ ପାଇଁ ଭଲ ହେବ ।

ଧନୁ ରାଶି
ଆପଣଙ୍କ ରାଶିର ତୃତୀୟ ଘରେ ରାହୁଙ୍କ ଚଳନ ହେବ । ରାଶିର ପରିବର୍ତ୍ତନ ହେତୁ ଆପଣ ବ୍ୟବସାୟରେ ଭଲ ଲାଭ ପାଇବା ସହ ପ୍ରଗତି କରିବେ । ଆପଣଙ୍କ ପାଇଁ ଏହି ଚଳନ ସମୟ ଆରାମରେ ବିତିବ । ନୂଆ ଯାନ, ଜମି କିମ୍ବା ଘର କିଣିବାର ସୁଯୋଗ ମିଳିବ । କର୍ମକ୍ଷେତ୍ରରେ ସମୟ ବହୁତ ଭଲ ପ୍ରମାଣିତ ହେବ । ହଠାତ୍ ଅର୍ଥ ଲାଭ ହେବାର ଦୃଢ ସମ୍ଭାବନା ରହିଛି ।

ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ, ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬ 

Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)