ରଜନୀ ଅସୁସ୍ଥ ଥିବାରୁ ସ୍ୱାମୀ ସଉକି ସାହୁଙ୍କ ସହ ଏକ ଟିଭିଏସ୍ ଏକ୍ସଲ୍ ମୋପେଡରେ ଚିକିତ୍ସା ପାଇଁ ବଲାଙ୍ଗିର ଡାକ୍ତରଖାନାକୁ ଯାଉଥିବା ବେଳେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପଛପଟୁ ଦ୍ରୁତ ଗତିରେ ଆସୁଥିବା ଏକ କୋଇଲା ବୋଝେଇ ଟ୍ରକ୍ ଧକ୍କା ଦେଇଥିଲା ।
Trending Photos
ବଲାଙ୍ଗିର: ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ମର୍ମନ୍ତୁଦ ଦୁର୍ଘଟଣା । କୋଇଲା ବୋଝେଇ ଟ୍ରକ୍ ମାଡିଯିବାରୁ ଘଟଣାସ୍ଥଳରେ ମହିଳାଙ୍କ ମୃତ୍ୟୁ ଘଟିଛି । ମୃତ ମହିଳା ଜଣକ ବଲାଙ୍ଗିର ସଦରଥାନା ଅନ୍ତର୍ଗତ ଚନ୍ଦନଭାଟି ଗାଁର ରଜନୀ ସାହୁ ବୋଲି ଜଣାପଡ଼ିଛି । ରଜନୀ ଅସୁସ୍ଥ ଥିବାରୁ ସ୍ୱାମୀ ସଉକି ସାହୁଙ୍କ ସହ ଏକ ଟିଭିଏସ୍ ଏକ୍ସଲ୍ ମୋପେଡରେ ଚିକିତ୍ସା ପାଇଁ ବଲାଙ୍ଗିର ଡାକ୍ତରଖାନାକୁ ଯାଉଥିବା ବେଳେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପଛପଟୁ ଦ୍ରୁତ ଗତିରେ ଆସୁଥିବା ଏକ କୋଇଲା ବୋଝେଇ ଟ୍ରକ୍ ଧକ୍କା ଦେଇଥିଲା ।
ରଜନୀ ତଳକୁ ଛିଟିକି ପଡିବା ପରେ ଟ୍ରକଟି ତାଙ୍କ ମୁଣ୍ଡ ଉପରେ ଚଢ଼ି ଯାଇଥିଲା । ତେବେ ବଲାଙ୍ଗିର ଟାଉନ ପୋଲିସର ପିସିଆର୍ ଭ୍ୟାନ୍ ଦୁର୍ଘଟଣା ଘଟାଇଥିବା ଟ୍ରକକୁ ପିଛା କରି ବଲାଙ୍ଗିର-ସୋନପୁର ରାସ୍ତାର ସୁଦପଡା କଲ୍ୟାଣମଣ୍ଡପ ସମ୍ମୁଖରେ କାବୁ କରିଛି । ଟ୍ରକଟି ବିଶାଖାପାଟଣାରୁ ରାଜଗାଙ୍ଗପୁର ଅଭିମୁଖେ ଯାଉଥିବା ବେଳେ ପୋଲିସ ଅଭିଯୁକ୍ତ ଡ୍ରାଇଭର୍ ଓ ହେଲପରକୁ ଥାନାରେ ଅଟକ ରଖିଛି ।
ଆଜି(ଶନିବାର) କୋରୋନାରେ ବଲାଙ୍ଗିର ଜିଲ୍ଲା ସଟଡାଉନ ଥିବା ବେଳେ ସହରର ସମସ୍ତ ଛକରେ ପୋଲିସ ମୃତୟନ ରହିଛି । ଟ୍ରକଟି ଏତେ ଦ୍ରୁତ ଗତିରେ କେମତି ଆସିଲା ? ପୋଲିସ ମୃତୟନ ଥିବା ସମୟରେ ଏହିଭଳି ଘଟଣା କେମିତି ଘଟିଲା ? ତାକୁ ନେଇ ଜିଲ୍ଲାରେ ତୀବ୍ର ଅସନ୍ତୋଷ ଦେଖାଦେଇଛି । ଏହାସହ ପୋଲିସ ପ୍ରଶାସନ ପ୍ରତି ନିନ୍ଦା କରାଯାଇଛି । ପୂର୍ବରୁ ମଧ୍ୟ ଏହି ଭଳି ଅନେକ ଘଟଣା ଘଟି ଲୋକଙ୍କ ଜୀବନ ଯାଇଛି ।