ଜମି ବିବାଦ ଓ ସାମନ୍ୟ କଳହକୁ ନେଇ ଗାଡି ଜାଳି ଦେଲେ ଦୁର୍ବୃତ୍ତ

ଜମି ବିବାଦ ଘଟଣାକୁ କେନ୍ଦ୍ର କରି ଗାଡି ଜାଳି ଦେଲେ ଦୁର୍ବୃତ୍ତ।

ଝାରସୁଗୁଡା: ଜମି ବିବାଦ ଓ ସାମନ୍ୟ କଳହକୁ ନେଇ ଜଣେ ବ୍ୟକ୍ତିଙ୍କ ଗାଡି ଜାଳି ଦେଲେ ଦୁର୍ବୃତ୍ତ। ଏ ଘଟଣାରେ ଜଡିତ ରହିଥିବା ଅଭିଯୋଗରେ ଜଣେ ବୁନୁ ପାଣ୍ଡେ ନାମକ ଜଣେ ଯୁବକଙ୍କୁ ଅଟକ ରଖିଛି ସଦରଥାନା ପୋଲିସ। ବିଟିଏମ ମାଉଲିଗୁଡି ନିବାସୀ ଦୀପକ ନାୟକଙ୍କ ସହ ଗତକାଲି ସକାଳେ ତାଙ୍କ ପଡୋଶୀ ବୁନୁ ପାଣ୍ଡେ ଏବଂ ତାଙ୍କ ବାପା ନାରାୟଣ ପାଣ୍ଡେ ଜମି ପାଇଁ ଝଗଡା କରିଥିଲେ। ଏହାସହ ବୁନୁ ଜାମୁ କୋଲି ଖାଇ ଦୀପକଙ୍କ ଉପରେ ଫିଙ୍ଗିଥିଲେ ବୋଲି ଅଭିଯୋଗ ହୋଇଛି।

ଦୀପକ ଏହାକୁ ବିରୋଧ କରିବାରୁ ବୁନୁ ଏବଂ ତାଙ୍କ ବାପା ତାଙ୍କୁ ଜୀବନରେ ମାରିଦେବା ପାଇଁ ଧମକ ଦେଇଥିଲେ। ଏହା ପରେ ଗତକାଲି ରାତିରେ ଦୀପକ ନାୟକଙ୍କ ପରିବାର ଲୋକେ ଘରେ ଶୋଇଥିବା ବେଳେ ବୁନୁ ପାଣ୍ଡେ ଏବଂ ତାଙ୍କ ବାପା ଯାଇ ଦୀପକଙ୍କ ଘରେ ଭଡା ରହୁଥିବା ପ୍ରମୋଦ ଜସୱାଲଙ୍କ ପଲସର ବାଇକ (Pulsar Bike) ସିଜି ୧୧ ଏଇ ୧୧୯୩ (CG-11AE-1193) ଗାଡିକୁ ପୋଡି ଦେଇଥିଲେ। 

ଏହା ଦେଖି ଅନ୍ୟ ପଡୋଶୀ ଦୀପକଙ୍କୁ ଘଟଣା ବାବଦରେ ଜଣାଇବା ପରେ ପରେ ସେ ନିଆଁ ଲିଭାଇଥିଲେ ଚେଷ୍ଟା କରିଥିଲେ ମଦ୍ୟ ଗାଡିଟି ସମ୍ପୂର୍ଣ୍ଣ ଭାବରେ ପୋଡି ଯାଇଛି। ଏ ଘଚଣାରେ ସେ ସୋମବାର ସକାଳେ ସଦର ଥାନାରେ ଲିଖିତ ଅଭିଯୋଗ କରିବା ସହ ଅଭିଯୁକ୍ତ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉବୋଲି ଦାବି କରିଛନ୍ତି।