ଭୟଙ୍କର ଷଡ଼ଯନ୍ତ୍ର! ଭଉଣୀକୁ ଦୁଷ୍କର୍ମ ଅଭିଯୋଗରେ ଜେଲରେ ବିତିଲା ୨ ବର୍ଷ, ସମସ୍ତଙ୍କୁ ଆଚମ୍ବିତ କରିଦେଲା ସତ

ମୁମ୍ବାଇ: ମହାରାଷ୍ଟ୍ରର ରାଜଧାନୀ ମୁମ୍ବାଇରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଜଣେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ଦୁଇ ବର୍ଷ ଜେଲରେ ରହିବା ପରେ ଜଣେ ବ୍ୟକ୍ତିଙ୍କୁ ମୁକ୍ତ କରାଯାଇଛି। ଭଉଣୀ POCSO କୋର୍ଟରେ ସ୍ୱୀକାର କରିଛନ୍ତି ଯେ, ସେ ତାଙ୍କ ଭାଇଙ୍କୁ ମିଥ୍ୟା ମାମଲାରେ ଫସାଇଥିଲେ। ଏହା ପରେ ଅଭିଯୁକ୍ତ ଭାଇଙ୍କୁ ମୁକ୍ତ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।

ଟାଇମ୍ସ ଅଫ୍ ଇଣ୍ଡିଆର ରିପୋର୍ଟ ଅନୁଯାୟୀ, ୨ ବର୍ଷ ପୂର୍ବେ ଜୈନିକ ବ୍ୟକ୍ତି ତାଙ୍କ ନାବାଳିକା ଭଉଣୀକୁ ବାରମ୍ବାର ଦୁଷ୍କର୍ମ କରିଥିବା ଅଭିଯୋଗରେ ଜେଲଯାଇଥିଲେ। କିନ୍ତୁ ବର୍ତ୍ତମାନ ଝିଅଟି ତାଙ୍କ ପ୍ରେମିକଙ୍କ ନିର୍ଦ୍ଦେଶରେ ତାଙ୍କ ଭାଇଙ୍କୁ ଦୁଷ୍କର୍ମ ମାମଲାରେ ଫସାଇ ଦେଇଥିବା ସ୍ୱିକାର କରିଛନ୍ତି। ଝିଅଟି କୋର୍ଟରେ କହିଛି ଯେ, ଯେତେବେଳେ ସେ ନିଜ ପ୍ରେମିକ ସହିତ ବାହାରକୁ ଯାଉଥିଲେ, ତାଙ୍କ ଭାଇ ତାଙ୍କୁ ଅଟକାଇ ମାଡ଼ ମାରୁଥିଲେ। ଏହି କାରଣରୁ ସେ ତାଙ୍କ ଭାଇଙ୍କ ଉପରେ ରାଗି ଯାଇଥିଲେ ଏବଂ ପ୍ରେମିକଙ୍କ ନିର୍ଦ୍ଦେଶରେ ସେ ତାଙ୍କ ଭାଇଙ୍କ ବିରୋଧରେ ଦୁଷ୍କର୍ମ ମାମଲା ଦାୟର କରିଥିଲେ।

୨୦୧୯ ମସିହାରେ ଝିଅଟି କୁଲ ଥାନାକୁ ଯାଇ ତାଙ୍କ ଭାଇଙ୍କ ବିରୋଧରେ ଯୌନ ନିର୍ଯାତନା ମାମଲା ଦାୟର କରିଥିଲା। ଏହା ପରେ ଅଭିଯୁକ୍ତକୁ ଗିରଫ କରାଯାଇଥିଲା ଏବଂ ସେବେଠାରୁ ସେ ଜେଲରେ ଥିଲେ। ଅଭିଯୋଗରେ ଝିଅଟି କହିଥିଲେ ଯେ, ଅଗଷ୍ଟ ୨୦୧୭ରେ ପିତାମାତା ଘରେ ନଥିବା ବେଳେ ତାଙ୍କ ଭାଇ ତାଙ୍କୁ ଦୁଷ୍କର୍ମ କରିଥିଲେ। ନଭେମ୍ବର ୨୦୧୮ରେ ପୁଣଇ ତାଙ୍କ ଭାଇ ତାଙ୍କୁ ଦୁଷ୍କର୍ମ କରିଥିବା ସେ କହିଥିଲେ।

ନାବାଳିକା ଏବଂ ତଦନ୍ତ ଅଧିକାରୀଙ୍କ ସମେତ ଦୁଇଜଣ ସାକ୍ଷୀଙ୍କ ବାୟନ ଆଧାରରେ କୋର୍ଟ ନିଜ ରାୟ ଶୁଣାଇଛନ୍ତି। ଝିଅର ବୟାନରେ ବିରୋଧାଭାଷ ଥିଲା, ତେଣୁ କୋର୍ଟ ତାଙ୍କୁ ବିଶ୍ୱାସଯୋଗ୍ୟ ନୁହେ ବୋଲି କହିଥିଲେ। ନାବାଳିକାଙ୍କ ସ୍ୱୀକାରୋକ୍ତି ପରେ କୋର୍ଟ ଅଭିଯୁକ୍ତ ଭାଇଙ୍କୁ ନିର୍ଦ୍ଦୋଶରେ ଖଲାସ କରିବାକୁ ନିଷ୍ପତ୍ତି ନେଇଥିଲେ।