ପୂଜା ପାଇଁ ଡାକିନେଇ ଯୁବକକୁ ହତ୍ୟା ଅଭିଯୋଗ

ସମ୍ବଲପୁର: ସଦରଥାନା ଅନ୍ତର୍ଗତ ରାସନପୁର ତାଲପାଲି ଅଞ୍ଚଳରେ ଯୁବକଙ୍କୁ ବିଭତ୍ସ ହତ୍ୟା। ଶୁକ୍ରବାର ବିଳମ୍ବିତ ରାତିରେ ବରୁଣ ନାୟକଙ୍କୁ ତାଙ୍କ ଘରୁ କିଛି ଯୁବକ ଡାକିନେଇ ହତ୍ୟା କରିଥିବା ଅଭିଯୋଗ ହୋଇଛି। ପୋଲିସ ୩୦୨ ଧାରାରେ ମାମଲା ରୁଜୁ କରି ତଦନ୍ତ ଚଳାଇଛି।

ମୃତକଙ୍କ ବରୁଣଙ୍କ ଭାଇ ସୁରେଶ ନାଏକଙ୍କ କହିବା ଅନୁସାରେ, ଶୁକ୍ରବାର ବିଳମ୍ବିତ ରାତିରେ ତାଙ୍କ ଭାଇକୁ ପୂଜା କରିବାକୁ କିଛି ଯୁବକ ଘରୁ ଡାକିନେଇଥିଲେ। କିନ୍ତୁ ବରୁଣ ଘରୁ ଗଲା ପରେ ଆଉ ଫେରିନଥିଲେ। କିଛି ଲୋକ ବରୁଣଙ୍କୁ ଏକ କଲଭର୍ଟ ତଳେ ରକ୍ତ ଜୁଡୁବୁଡୁ ଅବସ୍ଥାରେ  ପଡିଥିବାର ଦେଖି ତାଙ୍କୁ ତୁରନ୍ତ ସମ୍ବଲପୁର ସଦର ମେଡିକାଲ ଆଣିଥିଲେ। ହେଲେ ମେଡିକାଲ ପହଂଚିବା ପୂର୍ବରୁ ବରୁଣଙ୍କର ମୃତ୍ୟୁ ହୋଇଯାଇଥିଲା। 

ଏନେଇ ସଦର ଥାନାରେ ଏକ ହତ୍ୟା ମାମଲା ରୁଜୁ ହୋଇଛି। ତେବେ ହତ୍ୟା (Murder) ର କାରଣ ସ୍ପଷ୍ଟ ଜଣାପଡିନାହିଁ। ପୋଲିସ (Sambalpur Police)  ଅଧିକ ତଦନ୍ତ ଚଳାଇଛି। ସନ୍ଦେହରେ କିଛି ଲୋକଙ୍କୁ ଅଟକ ରଖି ପଚରା ଉଚୁରା ଜାରି ରଖିଥିବା ସୂଚନା ମିଳିଛି।