ବୌଦ୍ଧ ଜିଲ୍ଲାରେ ନଅ ଜଣ ଅନାଥ ଶିଶୁଙ୍କୁ ପୋଷ୍ୟ ଭାବେ ଗ୍ରହଣ, ସାହାରା ପାଇଲେ ମା ଛେଉଣ୍ଡ ଛୁଆ।

ବୌଦ୍ଧ ଜିଲାରେ କିଛି ଦିନ ମଧ୍ୟରେ ୯ଟି ଅନାଥ ଶିଶୁଙ୍କୁ ପୋଷ୍ୟ ଭାବେ ଗ୍ରହଣ କରାଯାଇଛି। ଅନିଛାତ୍ମକ ଶିଶୁ ଜନ୍ମ ହେବାପରେ ତାକୁ ରାସ୍ତା କଡରେ ପିଙ୍ଗିଦେବା ଭଳି ଅନେକ ଘଟଣା ନଜିର ରହିଛି । ଏହା ସହିତ ଦାରିଦ୍ରତା ଯୋଗୁଁ ଶିଶୁ ଜନ୍ମ ପରେ ପିତାମାତା ଶିଶୁର ଲାଳନ ପାଳନରେ ସମର୍ଥ ନ ହେବା କିମ୍ବା କୋମଳମତି ଶିଶୁମାନେ ଦୁନିଆଁ ଚିହ୍ନିବା ପୁର୍ବରୁ ବାପା ମାଆଙ୍କୁ ହରାଇ ବସୁଛନ୍ତି

(ବୌଦ୍ଧରୁ ହିମାଂଶୁ ଶେଖର୍ ସାହୁ)

 ବୌଦ୍ଧ ଜିଲାରେ ଆଠ ବର୍ଷରେ ହେଲେଣି ୯ ଶିଶୁ ପୋଷ୍ୟ । ଅନିଛାତ୍ମକ ଶିଶୁ ଜନ୍ମ ହେବାପରେ ତାକୁ ରାସ୍ତା କଡରେ ପିଙ୍ଗିଦେବା ଭଳି ଅନେକ ଘଟଣା ନଜିର ରହିଛି । ଏହା ସହିତ ଦାରିଦ୍ରତା ଯୋଗୁଁ ଶିଶୁ ଜନ୍ମ ପରେ ପିତାମାତା ଶିଶୁର ଲାଳନ ପାଳନରେ ସମର୍ଥ ନ ହେବା କିମ୍ବା କୋମଳମତି ଶିଶୁମାନେ ଦୁନିଆଁ ଚିହ୍ନିବା ପୁର୍ବରୁ ବାପା ମାଆଙ୍କୁ ହରାଇ ବସୁଛନ୍ତି । ଏଭଳି ସନ୍ତାନ ମାନଙ୍କୁ ପୋଷ୍ୟ ସନ୍ତାନ ଭାବରେ ଗ୍ରହଣ କରାଯାଉଛି । ଜିଲାରେ ଏଭଳି ୯ ଗୋଟି ଶିଶୁଙ୍କୁ ପୋଷ୍ୟ ସନ୍ତାନ ଭାବରେ ଗ୍ରହଣ କରାଯାଇଥିବା ଜିଲା ଶିଶୁ ସୁରକ୍ଷା ୟୁନିଟ ସୁତ୍ରରୁ ଜଣାପଡିଛି । ମିଳିଥିବା ସୂଚନା ଅନୁଯାଇ, ଜିଲାରେ ଶିଶୁ ସୁରକ୍ଷା ଆଇନ କଡାକଡି ଭାବରେ ଲାଗୁ କରାଯିବାପରେ ୨୦୧୫ ମସିହାରେ ପ୍ରଥମେ ପରିତ୍ୟକ୍ତ ଅବସ୍ଥାରେ ଏକ ପୁତ୍ର ସନ୍ତାନକୁ ଉଦ୍ଧାର କରାଯାଇଥିଲା । ୨୦୧୭ ମସିହାରେ ଗୋଟିଏ ଝିଅକୁ ଶିଶୁ ସୁରକ୍ଷା ୟୁନିଟକୁ ସମର୍ପିତ କରାଯାଇଥିଲା ।

୨୦୧୮ରେ ସର୍ବାଧିକ ୩ଟି ଶିଶୁପୁତ୍ରକୁ ଉଦ୍ଧାର କରାଯାଇ ଜିଲା ଶିଶୁ ସୁରକ୍ଷା ୟୁନିଟକୁ ହସ୍ତାନ୍ତର କରାଯାଇଥିଲା । ସେହିପରି ୨୦୧୯ରେ ୩ ଜଣ ଶିଶୁଙ୍କୁ ଉଦ୍ଧାର କରାଯାଇଥି ବାବେଳେ ସେଥିମଧ୍ୟରୁ ଗୋଟିଏ ପୁତ୍ର ସନ୍ତାନ ଥିବାବଳେ ୨ଟି କନ୍ୟା ସନ୍ତାନ ଥିବାବେଳେ , ଅନ୍ୟଟି ପୁତ୍ର ସନ୍ତାନଟି ସମର୍ପିତ ଥିବା ଜଣାପଡିଛି । ୨୦୨୧ରେ ଜଣେ ମାତ୍ର ପରିତ୍ୟକ୍ତ ଶିଶୁ ପୁତ୍ରକୁ ଉଦ୍ଧାର କରାଯାଇଛି ।

ଏହି ଶିଶୁମାନଙ୍କୁ ଜିଲା ଶିଶୁ ସୁରକ୍ଷା ୟୁନିଟ ପକ୍ଷରୁ ଉଦ୍ଧାର କରାଯିବାପରେ ଜିଲା ଶିଶୁ ମଙ୍ଗଳ କମିଟି ନିକଟରେ ହାଜର କରିଥାଏ । ଜିଲାରେ ପୋଷ୍ୟ ସନ୍ତାନ ଗ୍ରହଣ ପାଇଁ ସୁବିଧା ନ ଥିବାରୁ ପ୍ରଥମେ କନ୍ଧମାଳ ଜିଲ୍ଲାର ବାଲିଗୁଡାଠାରେ ଥିବା ବନବାସୀ ସେବା ସମିତି ନିକଟକୁ ପଠାଯାଉଥିଲା । ସେଠାରେ ପୋଷ୍ୟ ସନ୍ତାନ ଗ୍ରହଣ ପାଇଁ ସମସ୍ତ ଆଇନକୁ ଦୃଷ୍ଟିରେ ରଖି ଶିଶୁ ମାନଙ୍କୁ ପୋଷ୍ୟ ସନ୍ତାନ ପାଇଁ ଯୋଗ୍ୟ ଲୋକଙ୍କୁ ଦିଆଯାଉଥିଲା । ର୍ବତମାନ ସମୟ ଓ ଦୂରତା ଦୃଷ୍ଟିରୁ ସୋନପୁରଠାରେ ଥିବା ଯୁବ ଜ୍ୟୋତି ଯୁବକ ସଂଘ ମାଧ୍ୟମରେ ପୋଷ୍ୟ ସନ୍ତାନ ଗ୍ରହଣ କରାଯାଉଥିବା ଜଣାପଡିଛି । ପୋଷ୍ୟ ସନ୍ତାନ ଭାବରେ ଗ୍ରହଣ କରାଯାଇଥିବା ଶିଶୁମାନେ ରାଜ୍ୟ ଓ ରାଜ୍ୟ ବାହାରେ ଭଲ ଭାବରେ ରହିଥିବା ଜଣାପଡିଛି ।