Driver Strike Odisha: ଷ୍ଟିୟରିଂ ଛାଡ଼ି ରାଜରାସ୍ତାରେ ଡ୍ରାଇଭରଙ୍କ ଗର୍ଜନ, ଲୋକେ ହନସନ୍ତ

Driver Strike Odisha: ଷ୍ଟିୟରିଂଛାଡ଼ି ରାଜ ରାସ୍ତାରେ ଡ୍ରାଇଭରଙ୍କ ଗର୍ଜନ । ୧୦ ଦଫା ଦାବି ପୂରଣ ନହେବାରୁ ରାଜଧାନୀ ଭୁବନେଶ୍ବର ସମେତ ସାରା ରାଜ୍ୟରେ ରାଜରାସ୍ତାକୁ ଓହ୍ଲାଇଛନ୍ତି ଶହ ଶହ ଡ୍ରାଇଭର । ବୁଧବାରଠାରୁ ଅନିର୍ଦ୍ଦିଷ୍ଟ କାଳ ଯାଏଁ ଷ୍ଟିୟରିଂ ଛାଡ଼ି ଆନ୍ଦୋଳନ ଡା଼କରା ଦେଇଛି ଡ୍ରାଇଭର ଏକତା ମହାସଂଘ ।

Driver Strike Odisha: ଷ୍ଟିୟରିଂ ଛାଡ଼ି ରାଜ ରାସ୍ତାରେ ଡ୍ରାଇଭରଙ୍କ ଗର୍ଜନ(Driver Protest Odisha) । ୧୦ ଦଫା ଦାବି ପୂରଣ ନହେବାରୁ ରାଜଧାନୀ ଭୁବନେଶ୍ବର ସମେତ ସାରା ରାଜ୍ୟରେ ରାଜରାସ୍ତାକୁ ଓହ୍ଲାଇଛନ୍ତି ଶହ ଶହ ଡ୍ରାଇଭର । ବୁଧବାରଠାରୁ ଅନିର୍ଦ୍ଦିଷ୍ଟ କାଳ ଯାଏଁ ଷ୍ଟିୟରିଂ ଛାଡ଼ି ଆନ୍ଦୋଳନ ଡା଼କରା ଦେଇଛି ଡ୍ରାଇଭର ଏକତା ମହାସଂଘ । ଡ୍ରାଇଭର ମାନେ ହଳଦିଆ ନମ୍ବର ଥିବା ସମସ୍ତ ମାଲବାହୀକୁ ଅଟକାଉଥିବା ଦେଖିବାକୁ ମିଳିଛି । ଦାବି ପୂରଣ ନହେବା ଯାଏଁ ଏହି ଆନ୍ଦୋଳନ ଜାରି ରହିବା ନେଇ ଡ୍ରାଇଭରଙ୍କ ପକ୍ଷରୁ ଚେତାବନୀ ଦିଆଯାଇଛି । ସାରା ରାଜ୍ୟରେ ଏହାର ପ୍ରଭାବରେ ଗାଡ଼ି ଚଳାଚଳ ବାଧ୍ଯାପ୍ରାପ୍ତ ହୋଇଛି ।

ଆଜିଠୁ ରାଜରାସ୍ତାରେ ଦେଖାଦେଇଛି ଡ୍ରାଇଭରଙ୍କ ହଲ୍ଲାବୋଲ(Driver Association Strike) । ବୀମା, ପେନସନ, ସାମାଜିକ ନିରାପତ୍ତା, ଡ୍ରାଇଭର ପାଣ୍ଠି ଗଠନ ଇତ୍ୟାଦି ୧୦ ଦଫା ଦାବି ନେଇ ଆଜି ରାଜଧାନୀ ସମେତ ପୂରା ରାଜ୍ୟରେ ଷ୍ଟିୟରିଂ ଛାଡ଼ି ଆନ୍ଦୋଳନରେ ମାତିଛନ୍ତି ଡ୍ରାଇଭର । ତେବେ ପୂର୍ବରୁ ଏନେଇ ସରକାରଙ୍କ ନିକଟରେ ଦାବି କରିଥିଲା ସଂଘ କିନ୍ତୁ ରାଜ୍ୟ ସରକାରଙ୍କ ସହ ଡ୍ରାଇଭର ଏକତା ମହାସଂଘର ଆଲୋଚନା ବିଫଳ ହୋଇଥିବାରୁ ଆନ୍ଦୋଳନର ପନ୍ଥା ଆପଣାଇଛି ଡ୍ରାଇଭର ସଂଘ । ଏନେଇରେ ୧୬ନଂ ଜାତୀୟ ରାଜପଥ ପିଏନ କଲେଜ ଛକ ନିକଟରେ ଶାନ୍ତିପୂର୍ଣ୍ଣ ଧାରଣା ଦେଇଛି ଖୋର୍ଦ୍ଧା ଜିଲ୍ଲା ଡ୍ରାଇଭର ସଙ୍ଘ । ଯାହାଫଳରେ ରାସ୍ତାର ଉଭୟ ପାର୍ଶ୍ବରେ ଶତାଧିକ ଗାଡ଼ି ଅଟକି ରହିଛି ।

ଅନ୍ୟପଟେ ପାରାଦୀପରେ ମଧ୍ୟ ଓଡିଶା ଡ୍ରାଇଭର ମହାସଂଘ ପକ୍ଷରୁ ଆନ୍ଦୋଳନକୁ ଜୋରଦାର କରାଯାଇଛି। କାଁ ଭାଁ ସ୍ଥାନରେ ଗାଡି଼ ଯାତାୟାତ କରୁଥିବା ବେଳେ ଡ୍ରାଇଭରମାନଙ୍କୁ ଆନ୍ଦୋଳନରେ ସାମିଲ ନେଇ ଅନୁରୋଧ କରଯାଉଛି । ପାରାଦୀପ ବନ୍ଦରକୁ ଯାତାୟାତ କରୁଥିବା ଆଇରନ ଟ୍ରକ ଗୁଡିକୁ ଅଟକାଇ ଡ୍ରାଇଭର ମାନଙ୍କୁ ମିଠା ଖୁଆଇ ଛାଡୁଥିବାର ଦେଖିବାକୁ ମିଳିଛି । ଆନ୍ଦୋଳନ ଯୋଗୁଁ ବସ୍ ଚଳାଚଳ ସମ୍ପୂର୍ଣ୍ଣ ଠପ୍ ହୋଇଛି ।

ପାରାଦୀପରେ ମଧ୍ୟ ଆନ୍ଦୋଳନକୁ ଓହ୍ଲାଇଛନ୍ତି ଡ୍ରାଇଭର ସଂଘ। ଆନ୍ଦୋଳନକୁ ନେଇ କଣ କହୁଛନ୍ତି ସଂଘ ସଦସ୍ୟ ଶୁଣନ୍ତୁ...
ସବିଶେଷ ସୂଚନା ପାଇଁ https://t.co/LysdaIf0Kq ଲିଙ୍କରେ କ୍ଲିକ କରନ୍ତୁ।#DriverAssociation #driverprotest #Paradeep pic.twitter.com/cNsUUY9hK9

— ZEE Odisha News (@ZeeOdisha) March 15, 2023

କୋରାପୁଟ ଜିଲ୍ଲା ସେମିଳିଗୁଡାର ଦାମନଯୋଡି ଛକ ନିକଟ ୨୬ନଂ ଜାତୀୟ ରାଜପଥରେ ସଂଘ ପକ୍ଷରୁ ଆନ୍ଦୋଳନ ଜାରି ରହିଛି। ଡ୍ରାଇଭର ମାନେ ପିକେଟିଂ କରି ଯାତାୟାତ କରୁଥିବା କିଛି ଗାଡି଼କୁ ବନ୍ଦ କରୁଥିବା ଦେଖିବାକୁ ମିଳିଛି। ଘଟଣାସ୍ଥଳରେ ପୋଲିସ ମୁତୟନ କରାଯାଇଛି । ସେପଟେ ପୁରୀରେ ମଧ୍ଯ ଆନ୍ଦୋଳନର ପ୍ରଭାବ ଦେଖିବାକୁ ମିଳିଛି । ଜିଲ୍ଲା ଡ୍ରାଇଭର ସଂଘ ପକ୍ଷରୁ ବିଭିନ୍ନ ସ୍ଥାନରେ ଆନ୍ଦୋଳନକୁ ତୀବ୍ରତର କରାଯାଇଛି। ସହରର ମଙ୍ଗଳାଘାଟ ବାଇପାସ, ହରେକୃଷ୍ଣପୁର ଛକ, ବାଲିଘାଟ ଛକ ଆଦିରେ ସଂଘ ପକ୍ଷରୁ ଗାଡି ମଟର ବନ୍ଦ କରାଯାଇଛି । କେବଳ ସେତିକି ନୁହେଁ ଜିଲ୍ଲାର ବିଭିନ୍ନ ବ୍ଲକରେ ମଧ୍ୟ ଚକାବନ୍ଦ ଆନ୍ଦୋଳନକୁ କଡାକଡି଼ କରାଯାଇଛି। ସେପଟେ ଭୁବନେଶ୍ବରେ ମଧ୍ୟ ଆନ୍ଦୋଳନ ଜୋର ଧରିଛି । ଏହି ସମୟରେ ଯେପରି ଲୋକେ ଅସୁବିଧାର ସମ୍ନୁଖୀନ ନହୁଅନ୍ତି ସେନେଇ କଡ଼ା ଆଭିମୁଖ୍ୟ ଗ୍ରହଣ କରିଛି କମିଶନରେଟ ପୋଲିସ । ପବ୍ଲିକ୍ ଟ୍ରାନ୍ସପୋର୍ଟ ଓ ଅଟୋ ଟ୍ୟାକ୍ସି ଚଳାଚଳରେ ବାଧା ସୃଷ୍ଟି କଲେ, ସାଧାରଣ ଲୋକେ ବା ଯାତ୍ରୀଙ୍କୁ ହଇରାଣ କଲେ ଦୃଢ କାର୍ଯ୍ୟନୁଷ୍ଠାନ ନିଆଯିବ ବୋଲି ପୋଲିସ କମିଶନର ସୂଚନା ଦେଇଛନ୍ତି ।

୧୦ ଦଫା ଦାବି ନେଇ ତମାମ ରାଜ୍ୟରେ ଆନ୍ଦୋଳନକୁ ଓହ୍ଲାଇଛି ଡ୍ରାଇଭର ସଂଘ। ଏନେଇ ସମ୍ବଲପୁରରେ ସବିଶେଷ ଆଲୋଚନା କରିଥିଲେ ଆମ ରିପୋର୍ଟର। ଶୁଣନ୍ତୁ କଣ କହୁଛନ୍ତି ଡ୍ରାଇଭର ସଂଘର ସଦସ୍ୟମାନେ...#ProtestbyDriver #Sambalpur pic.twitter.com/9cKjmG7DGg

— ZEE Odisha News (@ZeeOdisha) March 15, 2023

ଆନ୍ଦୋଳନ ବେଳେ ସ୍କୁଲ ଗାଡି଼, ଆମ୍ବୁଲାନ୍ସ, ମେଡି଼କାଲ କର୍ମଚାରୀ, ଜରୁରୀ ଆବଶ୍ଯକୀୟ ପରିବହନ କରୁଥିବା ଯାନବାହନକୁ ଏଥିରୁ ବାଦ ଦିଆଯାଇଛି । ସେପଟେ କିନ୍ତୁ ଆନ୍ଦୋଳନ ଯୋଗୁଁ ହନସନ୍ତ ହେଉଛନ୍ତି ଯାତ୍ରୀ । ବସ ଚଳାଛଚଳ ଠପ୍ ଯୋଗୁଁ ଯାତ୍ରୀଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଛି । ଅନ୍ୟପଟେ ଲୋକଙ୍କୁ ସହଯୋଗ ପାଇଁ ଡ୍ରାଇଭର ସଂଘକୁ ନିବେଦନ କରିବା ସହ ଉଚ୍ଚ ସ୍ତରୀୟ କମିଟି କରି ବିଚାର କରାଯିବ ବୋଲି ପରିବହନ ମନ୍ତ୍ରୀ କହିଛନ୍ତି ।