ବରକୁ ଉଠାଇ ନେଲା ପୋଲିସ, ଜାଣନ୍ତୁ ଏହା ପଛର କାରଣ

ସମ୍ୱଲପୁର: Sambalpur: ଧୂମଧାମରେ ଚାଲିଛି ବାହାଘର (Marriage) । ବାହାବେଦୀରେ ପ୍ରଥମ ପତ୍ନୀଙ୍କର ଏଣ୍ଟ୍ରି । ସାଙ୍ଗରେ ଦୁଇଟି ଛୁଆ । ଆରମ୍ଭ କଲେ ହଙ୍ଗାମା । ଅଭିଯୋଗ କଲେ ପ୍ରଥମ ପତ୍ନୀ ଥାଉ ଥାଉ ଏ ବାହାଘର ଅସମ୍ଭବ । ସ୍ଥିତି ଗମ୍ଭୀର ହେବାରୁ ପୋଲିସର ଏଣ୍ଟ୍ରି । ବର (Groom) କୁ ନେଇ ଥାନାକୁ ଗଲା ପୋଲିସ । 

ଗତକାଲି ଏଭଳି ଦୃଶ୍ୟ ଦେଖିବାକୁ ମିଳିଛି ସମ୍ୱଲପୁର ଟାଉନ (Sambalpur Town) ଥାନା ଅନ୍ତର୍ଗତ ଗୁରୁପଡାର ଏକ ବିବାହ ମଣ୍ଡପରେ । ବାହାଘର ଚାଲିଥିବା ବେଳେ ବାହାବେଦୀରେ ପ୍ରଥମ ପତ୍ନୀଙ୍କର ଏଭଳି ବିରୋଧ ଦେଖିବାକୁ ମିଳିଥିଲା । ଗୋଟିଏ ସ୍ତ୍ରୀ ଥାଉ ଥାଉ ଆଉ ଗୋଟିଏ ସ୍ତ୍ରୀଙ୍କୁ ବାହା ଘଟଣା ବରକୁ ପଡ଼ିଛି ମହଙ୍ଗା । ଏପରିକି ବାହା ହେଉଥିବା ବରର ପ୍ରଥମ ସ୍ତ୍ରୀ ଆସି ବିବାହ ମଣ୍ଡପରେ ପ୍ରତିବାଦ କରିବାରୁ ରସକିଆ ବରର ଦ୍ୱିତୀୟ ବିବାହ କରିବା ଯୋଜନା ଫସର ଫାଟିବା ସହ ବିବାହଟି ଅଧାରୁ ବନ୍ଦ ହୋଇଯାଇଥିଲା । 

ସୂଚନା ଅନୁସାରେ, ସମ୍ବଲପୁର ଟାଉନ ଥାନା ଅନ୍ତର୍ଗତ ଗୁରୁପଡା ଏକ କଲ୍ୟାଣମଣ୍ଡପରେ ଏକ ବିବାହ ଅନୁଷ୍ଠିତ ହେଉଥିଲା । ତେବେ ବିବାହ ମଣ୍ଡପରେ ବର କନ୍ୟା ବସି ବିବାହ କାଯ୍ୟ ଚାଲିଥିବା ବେଳେ ହଠାତ୍ ଜଣେ ମହିଳା ଦୁଇଟି ଛୁଆକୁ ଧରି ସେଠାରେ ପହଂଚି ଥିଲେ ଓ ନିଜକୁ ବରର ସ୍ତ୍ରୀ ବୋଲି ହଂଗାମା ଆରମ୍ଭ କରିଥିଲେ । ଯଶୋଦା ବାଗ ନାମକ ଏହି ମହିଳାଙ୍କ ସହ କିଛି ମହିଳା ଓ ସାମାଜିକ କର୍ମୀ ମଧ୍ୟ ଉପସ୍ଥିତ ରହିଥିଲେ । ମହିଳା ଯୁକ୍ତି କରିଥିଲେ ଯେ ବିବାହ କରୁଥିବା ବର ସୁଜିତ ବାଗ ପୂର୍ବରୁ ତାଙ୍କୁ ବିବାହ କରିଥିବା ବେଳେ ତାଙ୍କର  ଦୁଇଟି ସନ୍ତାନ ମଧ୍ୟ  ଅଛନ୍ତି । ୨୦୧୪ ମସିହା ମାର୍ଚ୍ଚ ୯ ତାରିଖ ବିନକା ଠାରେ ରୀତିନୀତି ଅନୁସାରେ ତାଙ୍କ ସହ ସୁଜିତ ବାଗ ବିବାହ କରିଥିଲେ । ତେବେ କିଛି ଦିନର ପାରିବାରିକ ସମ୍ପର୍କ ପରେ ଉଭୟ ପତି ପତ୍ନୀ ଦୂରେଇ ଯାଇଥିଲେ । ଏବେ ସୁଜିତ ଦ୍ୱିତୀୟ ବିବାହ କରୁଥିବା ବେଳେ କିଛି ସ୍ୱେଚ୍ଛାସେବୀଙ୍କ ସହ ଯଶୋଦା ଆସି ବିବାହ ବନ୍ଦ କରିବାକୁ ଚେଷ୍ଟା କରିଥିଲେ ।

ତେଣେ ଘଟଣା ସ୍ଥଳରେ ଟାଉନ ଥାନା ପୋଲିସ ପହଞ୍ଚି ବରକୁ ଥାନାକୁ ନେଇ ତଦନ୍ତ ଆରମ୍ଭ କରିଥିଲା । ସୂଚନା ଅନୁଯାୟୀ, ୨୦୧୪ ମସିହାରେ ସୁଜିତ ଯଶୋଦାଙ୍କୁ ବିବାହ କରିଥିଲେ । କିନ୍ତୁ ଦୁଇ ଜଣଙ୍କ ମଧ୍ୟରେ ସମ୍ପର୍କ ଠିକ ରହୁ ନ ଥିବାରୁ ସୁଜିତ କୋର୍ଟର ଦ୍ୱାରସ୍ଥ ହୋଇଥିବାର କହିଛନ୍ତି । କିନ୍ତୁ ଇତିମଧ୍ୟରେ ସୁଜିତ ବାଗ ଯେଉଁ କାର୍ଯ୍ୟାଳୟରେ କାମ କରୁଛନ୍ତି ସେଠାରେ ଥିବା ଏକ ଯୁବତୀଙ୍କ ସହ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା । ଏହି ସମ୍ପର୍କ ଏବେ ବିବାହରେ ପରିଣତ ହେବାକୁ ଯାଉଥିବା ବେଳେ ଠିକ ସମୟରେ ଯଶୋଦା ବିବାହକୁ ଭଣ୍ଡୁର କରି ଦେଇଥିଲେ । ତେବେ ଯଶୋଦା ଓ ସୁଜିତଙ୍କ ବିବାହ ବିଚ୍ଛେଦ ହୋଇନଥିବା ବେଳେ ସେ କିପରି ଆଉ ଜଣକୁ ବିବାହ କରୁଛନ୍ତି ବୋଲି ପ୍ରଶ୍ନ କରି ବିବାହ ମଣ୍ଡପ ନିକଟରେ ପ୍ରତିବାଦ କରିବାରୁ ବିବାହଟି ଅଧାରୁ ବନ୍ଦ ହୋଇଯାଇଥିଲା । ତେଣେ ଘଟଣାର ଖବର ପାଇ ସମ୍ବଲପୁର ଟାଉନ ଥାନା ପୋଲିସ ସେଠାରେ ପହଞ୍ଚି ଏନେଇ ତାର ତଦନ୍ତ ଆରମ୍ଭ କରିଥିବା ଜଣାପଡ଼ିଛି । 

ଏହା ବି ପଢ଼ନ୍ତୁ:-ରାଜଧାନୀରେ ଚାଞ୍ଚଲ୍ୟ, ବିଜେପି ନେତାଙ୍କୁ ଗୁଳି କରି ହତ୍ୟା

ଏହା ବି ପଢ଼ନ୍ତୁ:-ଗୁଜୁରାଟର କଂଗ୍ରେସ ବିଧାୟକଙ୍କୁ ଗିରଫ କଲା ଆସାମ ପୋଲିସ, ଜାଣନ୍ତୁ କ'ଣ ରହିଛି କାରଣ

ଅନ୍ୟପକ୍ଷରେ ବିବାହ କରୁଥିବା ବର ସୁଜିତ ବାଗ କହିଛନ୍ତି ଯେ ତାଙ୍କର ପ୍ରଥମ ପତ୍ନୀଙ୍କ ସହ ତାଙ୍କର ବିବାହ ବିଚ୍ଛେଦ ହୋଇ ସାରିଛି । ତାଙ୍କ ପାଖରେ ଏହାର ସବୁ ରେକର୍ଡ ପତ୍ର ମଧ୍ୟ ରହିଛି । ଏଣୁ ତାଙ୍କର ଯେ ହେତୁ ପ୍ରଥମ ପତ୍ନୀ ଠାରୁ ବିବାହ ବିଚ୍ଛେଦ ହୋଇସାରିଛି ସେଥିପାଇଁ ତାଙ୍କର ଦ୍ୱିତୀୟ ବିବାହ କରିବାରେ କୌଣସି ଅସୁବିଧା ନାହିଁ । ଏହାସହ ତାଙ୍କର ପ୍ରଥମ ପତ୍ନୀ ତାଙ୍କୁ ବଦନାମ କରିବାକୁ ଏପରି କାଣ୍ଡ ଘଟାଇ ତାଙ୍କର ବିବାହକୁ ବନ୍ଦ କରିଦେବାକୁ ଚେଷ୍ଟା କରୁଛନ୍ତି ବୋଲି ସୁଜିତ କହିଛନ୍ତି । କୋର୍ଟରେ ସୁଜିତ ଛାଡ଼ପତ୍ର ମାମଲା ଫାଇଲ କରିଥିଲେ । ମାନ୍ୟବର କୋର୍ଟ ସୁଜିତଙ୍କ ସପକ୍ଷରେ ରାୟ ଦେଇଥିବା କହିଛନ୍ତି ତାଙ୍କ ଓକିଲ ।

ଦ୍ୱିତୀୟ ବିବାହ କରୁଥିବା ବର ସୁଜିତ ଥାନାରେ ତାଙ୍କର ପ୍ରଥମ ସ୍ତ୍ରୀଙ୍କ  ସହ ହୋଇଥିବା ଛାଡପତ୍ରର ରେକର୍ଡ଼ ପତ୍ର ଦେଖାଇବା ପରେ ପୋଲିସ ତାଙ୍କୁ ଦ୍ୱିତୀୟ ବିବାହ ପାଇଁ ଅନୁମତି ଦେଇଥିଲା । ପରେ ଗତକାଲି ରାତିରେ ବିବାହ ମଣ୍ଡପରେ ଦ୍ୱିତୀୟ ପତ୍ନୀ ସହ ସୁଜିତଙ୍କର ବିବାହ ସଂପନ୍ନ ହୋଇଥିଲା ।