Kendrapara Accident: ଦୋଳ ବିମାନ ନେଉ ଯାଉଥିବା ବେଳେ ଚାପି ଦେଲା ପିକଅପ ଭ୍ୟାନ୍, ଦୁଇ ମୃତ ଓ ୩ ଗୁରୁତର

Kendrapara Accident: କେନ୍ଦ୍ରାପଡ଼ାରେ ମର୍ମନ୍ତୁଦ ସଡ଼କ ଦୁର୍ଘଟଣା । ସଦର ଥାନା ଅଧିନ କଟକ-ଚାନ୍ଦବାଲି ରାସ୍ତାର ଜମଧର ନିକଟରେ ଦୋଳ ନେଇ ଯାଇଥି୍ବା ବେଳେ ମାଡି଼ଗଲା ପିକଅପ ଭ୍ୟାନ୍ । ଦୁର୍ଘଟଣାରେ ୨ ଜଣକଙ୍କ ମୃତ୍ୟୁ ହୋଇଥିବା ବେଳେ ୩ ଜଣଙ୍କ ଅବସ୍ଥା ଗୁରୁତର ରହିଛି । ଗୁରୁତର ମାନଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି।

 ସୁଚନା ମୁତାବକ ଗତକାଲି ବିଳମ୍ବିତ ରାତିରେ ବାଲିଆ ଅଧିକାରୀ ବିଭାନ ନାମକ ଠାକୁର ଗାଦି ଭୋଗ ଖାଇ ଦୁହୁରିଆରୁ ବାଲିଆ ଫେରୁଥିବା ବେଳେ କଟକ-ଚାନ୍ଦବାଲି ରାସ୍ତାର ଜମଧର ନିକଟରେ କଟକ ଆଡୁ଼ ଦ୍ରୁତଗତିରେ ଆସୁଥିବା OD 05-AR-9309 ନମ୍ବର ବିଶିଷ୍ଟ ମାଛ ବୋଝେଇ ପିକଅପ୍ ଭ୍ୟାନ ଦୋଳ ବିମାନକୁ ସାମ୍ନା ପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଠାକୁର କାନ୍ଧେଇ ଥିବା ସ୍ଥାନୀୟ ବଡ଼ ଗାଁର ସୋମନାଥ ସାହୁଙ୍କ ମୃତ୍ୟୁ ଘଟିଥିବା ବେଳେ କଟକ ମେଡି଼କାଲରେ ଅଧିକାରୀ ଠାକୁରଙ୍କ ମାଲିକ ଦିବ୍ୟଜ୍ୟୋତି ଦାଶଙ୍କ ମୃତ୍ୟୁ ହୋଇଛି । ଅନ୍ୟ ୩ ଜଣଙ୍କ ଅବସ୍ଥା ଗୁରୁତର ରହିଥିବା ବେଳେ ସେମାନଙ୍କୁ କଟକ ମେଡି଼କାଲରେ ଭର୍ତ୍ତି କରାଯାଇଛି । ଗୁରୁତରଙ୍କ ମଧ୍ଯରୁ ଜଣଙ୍କ ଅବସ୍ଥା ସଂକଟାପନ୍ନ ରହିଥିବା ଜଣାପଡି଼ଛି। ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇ ଥିବା ପିକଅପ ଭ୍ୟାନକୁ ଜବତ କରିଛି । ଦୁର୍ଘଟଣାରେ ଦୋଳ ବିମାନ ସଂପୂର୍ଣ୍ଣ ଭାଙ୍ଗିରୁଜି ଯାଇଛି ।  ତେବେ ଏନେଇ ତଦନ୍ତ ଆରମ୍ଭ କରିଛି ପୋଲିସ । ଘଟଣାସ୍ଥଳରୁ ଡ୍ରାଇଭର ଫେରାର ହୋଇଯାଇଥିବା ସୂଚନା ମିଳିଛି ।

ଅଧିକ ଅପଡ଼େଟ ପାଇଁ ଯୋଡ଼ି ହୋଇ ରହୁନ୍ତୁ ।