BSF Recruitment 2024: ଏହି ପଦବୀ ପାଇଁ ବାହାରିଲା ବିଜ୍ଞପ୍ତି, ହାତଛଡା କରନ୍ତୁନି ସୁଯୋଗ

BSF Recruitment 2024: ସୀମା ସୁରକ୍ଷା ବଳ (ବିଏସ୍ଏଫ୍) ରେ ଗ୍ରୁପ୍ ବି ଏବଂ ସି ଅଧୀନରେ ମୋଟ ୧୬୨ ଟି ଖାଲି ପଦବୀ ପୂରଣ ହେବ । ଏଥିପାଇଁ ନିଯୁକ୍ତି ବିଜ୍ଞପ୍ତି ଦିଆଯାଇଛି । ଏହି ନିଯୁକ୍ତି ପାଇଁ ଅନଲାଇନ୍ ଆବେଦନ ପ୍ରକ୍ରିୟା ଆରମ୍ଭ ହୋଇଛି । ଏହି ଆବେଦନ ପ୍ରକ୍ରିୟା ୨୦୨୪ ଜୁଲାଇ ୧ ପର୍ଯ୍ୟନ୍ତ ଚାଲିବ । ବିଏସଏଫରେ ଯୋଗ ଦେଇ ଦେଶ ସେବା କରିବାକୁ ଚାହୁଁଥିବା ପ୍ରାର୍ଥୀମାନେ ଧାର୍ଯ୍ୟ ତାରିଖ ଭିତରେ ଫର୍ମ ପୂରଣ କରିପାରିବେ । ଆବେଦନ ଫର୍ମ କେବଳ ଅନଲାଇନ୍ ମୋଡ୍ ମାଧ୍ୟମରେ ପୂରଣ କରିହେବ ।

ଗ୍ରୁପ୍ ବି ଏବଂ ଗ୍ରୁପ୍ ସି ଅଧୀନରେ ସବ୍-ଇନ୍ସପେକ୍ଟର (SI), ହେଡ୍ କନଷ୍ଟେବଲ୍ ଏବଂ କନଷ୍ଟେବଳଙ୍କ ୧୬୨ ଟି ଥିବା ଖାଲି ପଦବୀ ପୂରଣ ପାଇଁ ବିଏସ୍ଏଫ୍ ଏକ ବିଜ୍ଞପ୍ତି ପ୍ରକାଶ କରିଛି। ଏହି ନିଯୁକ୍ତି ପାଇଁ ଆବେଦନ ପ୍ରକ୍ରିୟାରେ ବର୍ତ୍ତମାନ ଆପଣ ସାମିଲ ହୋଇପାରିବେ । ଏହି ପଦବୀ ପାଇଁ ଉପଯୁକ୍ତ ଯୋଗ୍ୟତା ଥିବା ପ୍ରାର୍ଥୀମାନେ ୧ ଜୁଲାଇ ୨୦୨୪ ନିର୍ଦ୍ଧାରିତ ଶେଷ ତାରିଖ ପର୍ଯ୍ୟନ୍ତ ଅନଲାଇନରେ ଆବେଦନ କରିପାରିବେ ।

ଯେଉଁମାନେ ଆବେଦନ କରିବାକୁ ଚାହୁଁଛନ୍ତି ସେମାନେ, ବିଏସଏଫର ଅଫିସିଆଲ ୱେବସାଇଟ୍ rectt.bsf.gov.in ଭିଜିଟ୍ କରି ଅନଲାଇନ୍ ମୋଡ୍ ମାଧ୍ୟମରେ ଆବେଦନ ଫର୍ମ ପୂରଣ କରିପାରିବେ । ଫର୍ମ ପୂରଣ କରିବା ପୂର୍ବରୁ ପ୍ରାର୍ଥୀମାନେ ଯୋଗ୍ୟତା ଏବଂ ମାନଦଣ୍ଡ ଯାଞ୍ଚ କରିବା ନିତ୍ୟାନ୍ତ ଜରୁରୀ ।

ଯୋଗ୍ୟତା କ’ଣ?
ଏହି ନିଯୁକ୍ତି ପ୍ରକ୍ରିୟାରେ ସାମିଲ ହେବା ପାଇଁ ପ୍ରାର୍ଥୀମାନେ ପୋଷ୍ଟ ଅନୁଯାୟୀ ସମ୍ପୃକ୍ତ କ୍ଷେତ୍ର / ବାଣିଜ୍ୟରେ ITI / ଡିପ୍ଲୋମା ସହିତ 10 + 2 / ମାଟ୍ରିକ୍ / ଦଶମ ପାସ୍ କରିଥିବା ଆବଶ୍ୟକ । ଏହା ସହିତ, ପ୍ରାର୍ଥୀଙ୍କ ସର୍ବନିମ୍ନ ବୟସ ୨୦/୨୨ ରୁ ଅଧିକ ହେବା ଉଚିତ୍ ନୁହେଁ । ପୋଷ୍ଟ ଅନୁଯାୟୀ ସର୍ବାଧିକ ବୟସ ୨୨/୨୫ ବର୍ଷରୁ ଅଧିକ ହେବା ଉଚିତ୍ ନୁହେଁ । ଯୋଗ୍ୟତା ବିଷୟରେ ବିସ୍ତୃତ ସୂଚନା ଜାଣିବା ପାଇଁ, ଆପଣ ପ୍ରକାଶିତ ବିଜ୍ଞପ୍ତି ଦେଖିପାରିବେ ।

କିପରି ଆବେଦନ କରିବେ
ଏହି ନିଯୁକ୍ତି ପାଇଁ ଆବେଦନ କରିବାକୁ ଚାହୁଁଥିଲେ ପ୍ରଥମେ ଅଫିସିଆଲ୍ ୱେବସାଇଟ୍ rectt.bsf.gov.in ଭିଜିଟ୍ କରନ୍ତୁ । ୱେବସାଇଟର ମେନ୍ ପେଜରେ ନିଯୁକ୍ତି ସମ୍ବନ୍ଧୀୟ ଆପ୍ଲିକେସନ୍ ଲିଙ୍କ୍ ଉପରେ କ୍ଲିକ୍ କରନ୍ତୁ । ବର୍ତ୍ତମାନ ସମସ୍ତ ସୂଚନା ପର୍ଯ୍ୟାୟ କ୍ରମେ ପୂରଣ କରି ଆବେଦନ ପ୍ରକ୍ରିୟା ସଂପୂର୍ଣ୍ଣ କରନ୍ତୁ । ଶେଷରେ, ପ୍ରାର୍ଥୀ ନିର୍ଦ୍ଧାରିତ ଶୁଳ୍କ ଜମା କରିବା ଉଚିତ । ସଂପୂର୍ଣ୍ଣ ଭରାଯାଇଥିବା ଫର୍ମର ଏକ ପ୍ରିଣ୍ଟଆଉଟ୍ ନେଇ ଏହାକୁ ଆପଣ ନିଜ ପାଖେ ସୁରକ୍ଷିତ ରଖିବା ଉଚିତ୍ ।

ଆବେଦନ ଶୁଳ୍କ 
ଏହି ନିଯୁକ୍ତି ପାଇଁ ଆବେଦନ କରିବାକୁ ଚାହୁଁଥିଲେ ଜେନେରାଲ, ଓବିସି, ଇଡବ୍ଲ୍ୟୁଏସ୍ (ଗ୍ରୁପ୍ ବି) ପ୍ରାର୍ଥୀଙ୍କୁ ୨୦୦ ଟଙ୍କା ଜମା କରିବାକୁ ପଡିବ । ଜେନେରାଲ୍, ଓବିସି, ଇଡବ୍ଲୁଏସ୍ (ଗ୍ରୁପ୍ ସି) ବର୍ଗ ପ୍ରାର୍ଥୀଙ୍କୁ ୧୦୦ ଟଙ୍କା ଜମା କରିବାକୁ ପଡିବ । SC, ST ଏବଂ ESM ବର୍ଗର ପ୍ରାର୍ଥୀମାନେ ଏହି ନିଯୁକ୍ତିରେ ଯୋଗଦେବା ପାଇଁ ମାଗଣାରେ ଆବେଦନ କରିପାରିବେ ।