 "Orissa High Court Recruitment: ଓଡ଼ିଶା ହାଇକୋର୍ଟରେ ଚାକିରି ପାଇଁ ସୁବର୍ଣ୍ଣ ସୁଯୋଗ, ଖାଲି ପଡ଼ିଛି ୧୮୨ଟି ପୋଷ୍ଟ...")
Orissa High Court Recruitment: ଓଡ଼ିଶା ହାଇକୋର୍ଟରେ ଚାକିରି କରିବାକୁ ଚାହୁଁଥିବା ଯୁବକଙ୍କ ପାଇଁ ସୁବର୍ଣ୍ଣ ସୁଯୋଗ। BA, B.Sc., B.Com ପାଶ୍ କରିଥିବା ପ୍ରାର୍ଥୀମାନେ କରିପାରିବେ ଆବେଦନ।ଇଚ୍ଛୁକ ପ୍ରାର୍ଥୀମାନେ ନିଜର ଶିକ୍ଷାଗତ ଯୋଗ୍ୟତା ଅନୁସାରେ ଅନ୍ଲାଇନ୍ ମାଧ୍ୟମରେ ଆବେଦନ କରିପାରିବେ। ଏନେଇ ଉଭୟ ମହିଳା ଓ ପୁରୁଷ ଆବେଦନ କରିପାରିବେ। ଯୋଗ୍ୟ ଓ ଆଗ୍ରହୀ ପ୍ରାର୍ଥୀମାନେ ଓଡ଼ିଶା ହାଇକୋର୍ଟର ଅଫିସିଆଲ୍ ୱେବ୍ସାଇଟ୍ https://orissahighcourt.nic.in / କୁ ଯାଇ ଯାଞ୍ଚ କରିପାରିବେ।
ଆବେଦନ ତାରିଖ:
ଅନ୍ଲାଇନ୍ ଆବେଦନ ତାରିଖ ମେ ୨୦ ତାରିଖରେ ଆରମ୍ଭ ହେବାକୁ ଥିବା ବେଳେ ଅନ୍ଲାଇନ୍ ଆବେଦନ ଶେଷ ତାରିଖ ହେଉଛି ଜୁନ୍ ୧୮ ତାରିଖ।
ଖାଲି ପଦବୀ:
ଜୁନିଅର ଷ୍ଟେନୋଗ୍ରାଫର ପାଇଁ ୩୫ଟି ପୋଷ୍ଟ ଖାଲି ପଡ଼ିଥିବା ବେଳେ ଆସିଷ୍ଟାଣ୍ଟ୍ ସେକ୍ସନ୍ ଅଫିସର ପାଇଁ ଖାଲି ପଡ଼ିଛି ୧୪୭ଟି ପୋଷ୍ଟ। ମୋଟ ୧୮୨ଟି ପୋଷ୍ଟ ଖାଲି ପଡ଼ିଛି।
ଶିକ୍ଷାଗତ ଯୋଗ୍ୟତା:
-ଜୁନିଅର ଷ୍ଟେନୋଗ୍ରାଫର ପୋଷ୍ଟ ପାଇଁ ଯେକୌସି ବିଷୟରେ ସ୍ନାତକ ଡିଗ୍ରୀ। ସର୍ଟହ୍ୟାଣ୍ଟ୍ ସ୍ପିଡ୍ ପ୍ରତି ମିନିଟ୍ରେ ୮୦ ଶବ୍ଦ ଏବଂ ଟାଇପିଂ ସ୍ପିଡ୍ ପ୍ରତି ମିନିଟ୍ରେ ୪୦ ଶବ୍ଦ। ଏହା ବ୍ୟତୀତ କମ୍ପ୍ୟୁଟର ଜ୍ଞାନ ମଧ୍ୟ ଗୁରୁତ୍ୱପୂର୍ଣ୍ଣ।
-ସେହିପରି ଆସିଷ୍ଟାଣ୍ଟ୍ ସେକ୍ସନ୍ ଅଫିସର ପାଇଁ ଯେକୌଣସି ବିଭାଗରେ ସ୍ନାତକ ଡିଗ୍ରୀ ହାସଲ କରିଥିବା ଆବଶ୍ୟକ।
ବୟସ ସୀମା:
ଆବେଦନ ପାଇଁ ସର୍ବନିମ୍ନ ବୟସସୀମା ୨୧ ବର୍ଷ ହୋଇଥିବା ବେଳେ ସର୍ବାଧିକ ବୟସସୀମା ୩୨ ବର୍ଷ ରଖାଯାଇଛି। ମାତ୍ର SC/ST/SEBEଙ୍କ ପାଇଁ ୫ ବର୍ଷ ଓ ଦିବ୍ୟାଙ୍ଗଙ୍କ ପାଇଁ ୧୦ ବର୍ଷ କୋହଳ କରାଯାଇଛି।
ଦରମା:
ଜୁନିଅର ଷ୍ଟେନୋଗ୍ରାଫର – ୨୫,୫୦୦ – ୮୧,୧୦୦ ଟଙ୍କା
ଆସିଷ୍ଟାଣ୍ଟ୍ ସେକ୍ସନ୍ ଅଫିସର – ୩୫,୪୦୦ – ୧,୧୨,୪୦୦ ଟଙ୍କା
ବିସ୍ତୃତଭାବେ ଜାଣିବା ପାଇଁ ବିଜ୍ଞପ୍ତି ଦେଖନ୍ତୁ
ଅଧିକ ପଢ଼ନ୍ତୁ: DRDO Recruitment: ଇଞ୍ଜିନିୟରିଂ କରିଥିଲେ ସୁବର୍ଣ୍ଣ ସୁଯୋଗ
)