ଟିଭି ପରଦାକୁ ଫେରୁଛି କଫି ୱିଥ କରନ; ପ୍ରଥମ ଏପିସୋଡରେ ସାମିଲ ହେବେ ରଣବୀର-ଆଲିଆ !

ବଲିଉଡର ଫେମସ ନିର୍ଦ୍ଦେଶକ କରନ ଜୋହର ପୁଣିଥରେ ଟିଭି ପରଦାରେ ଧମାଲ କରିବା ପାଇଁ ପୁରା ପୁରି ପ୍ରସ୍ତୁତ ହୋଇଛନ୍ତି । କରନଙ୍କ ଚାଟ୍ ଶୋ କଫି ୱିଥ୍ କରନ-୭ ଖୁବ ଶୀଘ୍ର ଟିଭି ପରଦାକୁ ଆସିବ । ଏହି ଶୋର ବଲିଉଡ ଷ୍ଟାରଙ୍କ ସହ ସାଉଥ ଷ୍ଟାର ମଧ୍ୟ ସାମିଲ ହେବା ନେଇ ଚର୍ଚ୍ଚା ହେଉଛି।

ନୂଆଦିଲ୍ଲୀ: ଡାଇରେକ୍ଟର ଏବଂ ପ୍ରଡ୍ୟୁସର କରନ ଜୋହର (Karan Johar)ଙ୍କ ଫେମସ ଚାଟ୍ ଶୋ ପୁଣି ଥରେ ଫ୍ଲୋରକୁ ଆସିବା ପାଇଁ ପ୍ରସ୍ତୁତ ହେଉଛି । କରନଙ୍କ ଶୋ'  'କଫି ୱିଥ୍ କରନ୍ ' (Koffee With Karan)ର ନୂଆ ସିଜିନ  ଆସୁଛି ।ଏହି ସିଜିନର ପ୍ରଥମ ଶୋ ବହୁତ ଧମାକାଦାର ହେବ ବୋଲି ଚର୍ଚ୍ଚା ହେଉଛି । କାହିଁକି ନା ଏହି ଶୋରେ ବଲିଉଡର ନିୟୁଲି ୱେଡ କପଲ ସେଲିବ୍ରିଟିଙ୍କ ଏଣ୍ଟ୍ରି ହେବାକୁ ଯାଉଛି । ଯେଉଁଥିରେ କରନ ସେଲିବ୍ରିଟି କପଲଙ୍କୁ ଅଜବଗଜବ ପ୍ରଶ୍ନ ପଚାରିବେ ।ବଲିଉଡର ଫେମସ ନିର୍ଦ୍ଦେଶକ କରନ ଜୋହର ପୁଣିଥରେ ଟିଭି ପରଦାରେ ଧମାଲ କରିବା ପାଇଁ ପୁରା ପୁରି ପ୍ରସ୍ତୁତ ହୋଇଛନ୍ତି ।

କରନଙ୍କ ଚାଟ୍ ଶୋ କଫି ୱିଥ୍ କରନ-୭ ଖୁବ ଶୀଘ୍ର ଟିଭି ପରଦାକୁ ଆସିବ । ଏହି ଶୋକୁ ଆସିବାକୁ ଥିବା ସେଲିବ୍ରିଟିଙ୍କ ଲିଷ୍ଟ ମଧ୍ୟ କରନ ପ୍ରସ୍ତୁତ କରିସାରିଛନ୍ତି । ଏହି ଖବର ଏବେ ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରୀରେ ଚର୍ଚ୍ଚାର ଶିରୋନାମା ପାଲଟିଛି । ଏହି ଶୋର ଫ୍ୟାନ ଫଲୋଇଂ ମଧ୍ୟ ଅଧିକ ରହିଛି । ଶୋ ପୁଣି ଥରେ ଟିଭି ପରଦାକୁ ଫେରୁଥିବା ଖବର ଶୁଣି ଫ୍ୟାନ୍ସ ଖୁସି ହୋଇଯାଇଛନ୍ତି । ମିଡିଆ ରିପୋର୍ଟ ଅନୁସାରେ କରନ ଜୋହରଙ୍କ ଚାଟ୍ ଶୋ 'କଫି ୱିଥ୍ କରନ୍ ' (Koffee With Karan)ରେ କେଉଁ ଅତିଥି ପ୍ରଥମ ଏପିସୋଡରେ ଆସିବେ ସେନେଇ ଚର୍ଚ୍ଚା ଜୋର ଧରିଛି । କଫି ୱିଥ୍ କରନ ସିଜିନ ୭  (Koffee With Karan 7)ର ପ୍ରଥମ ଏପିସୋଡ୍ ପାଇଁ କରନ ଜୋହର ରଣବୀର କପୁର  (Ranbir Kapoor) ଆଉ ଆଲିଆ ଭଟ୍ଟ  (Alia Bhatt)ଙ୍କ ନାଁକୁ ଫାଇନାଲ କରିଥିବା ଜଣାପଡ଼ିଛି ।

ଶୁଣିବାକୁ ମିଳୁଛି ଯେ ବଲିଉଡର ଏହି ପାୱାର କପଲ କରନଙ୍କ କଫି ୱିଥ୍ କରନ ସିଜିନ ୭ର ପ୍ରଥମ ଏପିସୋଡରେ ନିଜ ଲଭ୍ ଲାଇଫ୍ , ପର୍ସନାଲ ଲାଇଫ ନେଇ ଖୁଲାସା କରିବେ । କରନଙ୍କ ଅଜବଗଜବ ପ୍ରଶ୍ନର ମଧ୍ୟ ଉତ୍ତର ରଖିବେ । ଏହି ଶୋର ବଲିଉଡ ଷ୍ଟାରଙ୍କ ସହ ସାଉଥ ଷ୍ଟାର ମଧ୍ୟ  ସାମିଲ ହେବା ନେଇ ଚର୍ଚ୍ଚା ହେଉଛି। ଏପରିକି ଗତ ବର୍ଷ ବିବାହ ବନ୍ଧନରେ ବାନ୍ଧି ହୋଇଥିବା ଭିକ୍କି କୌଶଲ (Vicky Kaushal) ଆଉ କଟ୍ରିନା କୈଫ (Katrina Kaif)ମଧ୍ୟ ଏହି ଶୋରେ ଭାଗନେବେ ବୋଲି ଚର୍ଚ୍ଚା ହେଉଛି ।

କଫି ୱିଥ୍ କରନ ସିଜିନ ୭  (Koffee With Karan 7) ପୁଣି ଥରେ ଟିଭି ପରଦାକୁ ଆସୁଥିବାରୁ ଫ୍ୟାନ୍ସ ବହୁତ ଖୁସି ଅଛନ୍ତି । ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ କରନ ଜୋହର ନିଜ ଶୋ କଫି ୱିଥ୍ କରନରୁ ଦୂରେଇ ଯାଇଥିଲେ । କଫି ୱିଥ୍ କରନ ସିଜିନ ୬ ବହୁତ ବିବାଦ ଘେରରେ ଫସିଥିଲା । ସେହି ସମୟରେ ଶୁଣିବାକୁ ମିଳୁଥିଲା ଯେ ଆଉ କେବେ ଏହି ଶୋ ଟିଭି ପରଦାକୁ ଆସିବ ନାହିଁ ।  ସବୁ ଗୁଜବକୁ ଖଣ୍ଡନ କରି  ଏହି ଶୋ ପୁଣି ଫେରୁଛି । ଦୀର୍ଘ ଦିନ ପରେ ଏବେ ଫେରୁଛି କରନଙ୍କ ସହ କଫି ୱିଥ୍ କରନ ସିଜିନ , ଏଥର ନୂଆ ସିଜିନରେ ବହୁତ କିଛି ନୂଆ ଜିନିଷ ଦେଖିବାକୁ ମିଳିବ ।