Entertainment News: ଲୁହରେ ଭିଜିଲା କଳା ଜଗତ, ଆଉ ନାହାଁନ୍ତି ଏହି ଜଣାଶୁଣା ଅଭିନେତ୍ରୀ

Entertainment News: ପୁଣି କଳା ଜଗତରୁ ଆସିଲା ଦୁଃଖଦ ଖବର।  ଲୁହରେ ଭିଜିଲା ସିନେ ଜଗତ। କର୍କଟ ରୋଗରେ ପ୍ରାଣ ହରାଇଲେ  ଆମେରିକାର ଜଣାଶୁଣା ଅଭିନେତ୍ରୀ ତଥା କମେଡିଆନ୍ ଇରିକା ଆସ୍। ମୃତ୍ୟୁ ବେଳକୁ ତାଙ୍କୁ ୪୬ ବର୍ଷ ହୋଇଥିଲା। ଦିର୍ଘ ଦିନ ଧରି ସେ କର୍କଟ ରୋଗରେ ପୀଡିତ ଥିଲେ। ତାଙ୍କର ଏହି ଅକାଳ ବିୟୋଗକୁ ସହଜରେ କେହି ଭୁଲିପାରୁ ନାହାଁନ୍ତି। ତାଙ୍କ ମୃତ୍ୟୁରେ ପୂରା ହଲିଉଡ ଜଗତରେ ଶୋକର ଛାୟା ଖେଳି ଯାଇଛି। ତାଙ୍କର ଅମର ଆତ୍ମାର ସଦଗତି ପାଇଁ ତାଙ୍କ ଫ୍ୟାନ୍ସ ଓ କାଳମାନେ ମାନେ ଶ୍ରଦ୍ଧାଜ୍ଞଳୀ ଅର୍ପଣ କରିଛନ୍ତି। 

ସୂଚନା ଅନୁସାରେ, ଇରିକା ଦିର୍ଘ ଦିନ ଧରି କର୍କଟ ରୋଗରେ ପୀଡିତ ଥିଲେ। ଏବଂ ଚିକିତ୍ସିତ ମଧ୍ୟ ହେଉଥିଲେ। କିନ୍ତୁ ଗତକାଲି ତାଙ୍କର ଦେହାନ୍ତ ହୋଇଛି। ଇରିକା ଆସ୍ ଏକାଧାରରେ ଜଣେ ଅଭିନେତ୍ରୀ ,କମେଡିଆନ୍,ସିଙ୍ଗର  ଓ ମଡେଲର । ସେ ଲୋକପ୍ରିୟ ଫିଲ୍ମ ସ୍କାରି (scary movie)ରେ ଅଭିନୟ କରି ଦର୍ଶନକଙ୍କ ହୃଦୟ ଜିତିଥିଲେ। ମ୍ୟାଡ଼ ଟିଭିରେ ପ୍ରସାରିତ ହେଉଥିବା ଫକ୍ସ ସ୍କେଚ୍ କମେଡି ଶୋ ଓ ହଲିଉଡର ରିଅଲ୍  ହଜବାଣ୍ତ ଅଫ୍ ଓଲିଉଡ଼ ସିଜନରେ (Real Husbands of Hollywood Season) ମଧ୍ୟ ତାଙ୍କୁ ଦେଖିବାକୁ ମିଳିଥିଲା। ସେ ତାଙ୍କ କ୍ୟାରିୟର ମଧ୍ୟରେ ଅନେକ ଫିଲ୍ମ ଓ ଓ୍ବେବ୍ ସିରିଜରେ କାମ କରିଛନ୍ତି। ସେ 'ହାବ୍ ଏ ଘୋଷ୍ଟ' (Have a Ghost) ଫିଲ୍ମରେ ଦମଦାର୍ ଅଭିନୟ କରିଥିଲେ। ଯାହାକି ଦର୍ଶକଙ୍କ ହୃଦୟରେ ଚିରସ୍ମରଣୀୟ ହୋଇ ରହିବ। କେବଳ ଏତିକି ନୁହେଁ, ସେ ୨୦୧୮ ମସିହାରେ (Uncle Drew) 'ଅଙ୍କର ଡ୍ରିଉ'ରେ ନଜର ଆସିଥିଲେ।

ନିକଟରେ, ବ୍ରାଜିଲ୍ ର ଅଭିନେତା ତଥା ଟିଭି ଆକ୍ଟର ଥୋମି ସିଆବୋଙ୍କର ମୃତ୍ୟୁ ହୋଇଥିଲା। ଯାହା କଳା ଜଗତ ପାଇଁ ଏକ ଅପୂରଣୀୟ କ୍ଷତି କହିଲେ ଅତୃକ୍ତି ହେବ ନାହିଁ। ମୃତ୍ୟୁ ବେଳକୁ ତାଙ୍କୁ ୩୯ ବର୍ଷ ବୟସ ହୋଇଥିଲା। ଅଭିନେତାଙ୍କ ଅକାଳ ମୃତ୍ୟୁକୁ ଫ୍ୟାନ୍ସମାନେ କେହି ସହଜରେ ଗ୍ରହଣ କରିପାରୁ ନାହାଁନ୍ତି। ମିଳିଥିବା ସୂଚନା ଅନୁସାରେ, ସେ ତାଙ୍କ ଘର ବାଲକୋନୀରୁ ଖସି ପଡ଼ି ପ୍ରାଣ ହରାଇଥିବା ଜଣାପଡିଛି। ତେବେ, ଏହା ଆତ୍ମହତ୍ୟା ନା ହତ୍ୟା ତାହା ଏପର୍ଯ୍ୟନ୍ତ ଜଣା ପଡି ନାହିଁ। ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । କିଭଳି ସ୍ଥିତିରେ ଏହି ଅଘଟଣ ଘଟିଲା ସେନେଇ ଛାନଭିନ୍ ଜାରି ରହିଛି।