Rishabh Shetty: ଋଷଭ ଶେଟ୍ଟୀ ଓ ସପ୍ତମୀ ଗୌଡାଙ୍କ ଅଭିନୀତ ଫିଲ୍ମ 'କାନ୍ତାରା' । ଫିଲ୍ମଟି ବକ୍ସ ଅଫିସରେ ଧମାଲ ମଚାଉଛି । ଫିଲ୍ମଟି କନ୍ନଡ ଓ ହିନ୍ଦି ଭାଷାରେ ରିଲିଜ୍ ହୋଇଛି । ବଲିଉଡର ସମସ୍ତ ଫିଲ୍ମକୁ ପଛରେ ପକାଇ ଦେଇଛି ଏହି ଫିଲ୍ମର କଲେକସନ୍।
Trending Photos
12
7
5
12 "ସୌଜନ୍ୟ : ସୋସିଆଲ ମିଡିଆ")
Rishabh Shetty: ଋଷଭ ଶେଟ୍ଟୀ ଓ ସପ୍ତମୀ ଗୌଡାଙ୍କ ଅଭିନୀତ ଫିଲ୍ମ 'କାନ୍ତାରା' । ଫିଲ୍ମଟି ବକ୍ସ ଅଫିସରେ ଧମାଲ ମଚାଉଛି । ଫିଲ୍ମଟି କନ୍ନଡ ଓ ହିନ୍ଦି ଭାଷାରେ ରିଲିଜ୍ ହୋଇଛି । ବଲିଉଡର ସମସ୍ତ ଫିଲ୍ମକୁ ପଛରେ ପକାଇ ଦେଇଛି ଏହି ଫିଲ୍ମର କଲେକସନ୍। ଏହି ଫିଲ୍ମଟି କେବଳ ଭାରତ ନୁହେଁ ବରଂ ବିଦେଶରେ ମଧ୍ୟ ଉଚ୍ଚ କୋଟିର ପ୍ରଦର୍ଶନ କରୁଛି । ଏଯାଏ ଏହି ଫିଲ୍ମ ତିନି କୋଟି ଟଙ୍କାର ବିଜନେସ କରି ସାରିଲାଣି। କାନ୍ତାରା ଫିଲ୍ମ ରିଲିଜ ହେବା ପର ଠାରୁ ଦର୍ଶକ ମାନଙ୍କର ଲଗାତାର ଭଲ ପାଇବା ପାଉଛି। କ୍ରମାଗତ ଭାବେ ଏହି ଫିଲ୍ମ ଭଲ ପ୍ରଦର୍ଶନ କରୁଛି । ବିକ୍ରମ ବେଧା, ପିଏସ୍-୧, ଗଡଫାଦର ଭଳି ବଡ ବଡ ଫିଲ୍ମ ରିଲିଜ ହୋଇଥିବା ସମୟରେ କାନ୍ତାରା ଫିଲ୍ମ ସମସ୍ତ ଫିଲ୍ମର ରେକର୍ଡ ଭାଙ୍ଗୁଥିବା ନଜରକୁ ଆସିଛି। ଗୁରୁବାର, ଦକ୍ଷିଣ ଆଫ୍ରିକାର ଲୋକପ୍ରିୟ କ୍ରିକେଟର ତଥା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ତାରକା ଏବି ଡି ଭିଲିୟର୍ସ(South African Cricketer AB de Villiers ) ଙ୍କୁ ଭେଟିଛନ୍ତି ଋଷଭ ଶେଟ୍ଟୀ । ଏନେଇ ଋଷଭ ଶେଟ୍ଟୀ ନିଜ ଇନଷ୍ଟାରେ ଏକ ଭିଡିଓ ସେୟାର କରିଛନ୍ତି । ଏନେଇ ସେ ଏକ କ୍ୟାପସନ ମଧ୍ୟ ଲେଖିଛନ୍ତି । ଏବଂ ପ୍ରଶଂସକମାନେ ଏଥିରେ ଢେର ସାରା କମେଣ୍ଟ ଦେଇଛନ୍ତି । ନଭେମ୍ବର୨୦୨୧ରେ, ଏବି ଡି ଭିଲିୟର୍ସ ସମସ୍ତ ପ୍ରକାର କ୍ରିକେଟରୁ ଅବସର ଘୋଷଣା କରିଥିଲେ।
ସେପ୍ଟେମ୍ବର ୩୦ରେ ରିଲିଜ ହୋଇଥିଲା ଋଷଭ ଶେଟ୍ଟୀ ଓ ସପ୍ତମୀ ଗୌଡାଙ୍କ ଅଭିନୀତ ଫିଲ୍ମ 'କାନ୍ତାରା' । କେବଳ ଭାରତ ନୁହେଁ, ବିଦେଶରେ ମଧ୍ୟ ଫିଲ୍ମର କ୍ରେଜ୍ ରହିଛି । ଫିଲ୍ମଟି ବିଶ୍ବବ୍ୟାପି ୩୦୦ କୋଟିକୁ ଅଧିକ କଲେକସନ କରିସାରିଛି । ସର୍ବଭାରତୀୟ ସ୍ତରରେ ଏପର୍ଯ୍ୟନ୍ତ ୩୦୦ କୋଟି ଏବଂ ବର୍ଷର ସର୍ବାଧିକ ଆୟକାରୀ ଭାବରେ ତାଙ୍କ ନାମ ଅର୍ଜନ କରିଛି ।
ଏହାବି ପଢନ୍ତୁ : Odia Movie Daman Release: ମଶାଙ୍କ ଦୌରାତ୍ମ୍ୟ ବେଳକୁ ଆସିଲା ବାବୁଶାନଙ୍କ ମ୍ୟାଲେରିଆ ଫିଲ୍ମ
ଏହାବି ପଢନ୍ତୁ : Pathaan : ଶାହରୁକ୍ ଖାନଙ୍କ ଏହି ଫିଲ୍ମକୁ ଟ୍ରୋଲ କଲେ ୟୁଜର୍ସ, କହିଲେ ହଲିଉଡରୁ ହୋଇଛି କପି
ନିକଟରେ ସାଉଥ ସୁପରଷ୍ଟାର ରଜନୀକାନ୍ତ ଫିଲ୍ମର ନିର୍ଦ୍ଦେଶକ ତଥା ଅଭିନେତା ଋଷଭ ଶେଟ୍ଟୀଙ୍କୁ ଭେଟି ପ୍ରଶଂସା କରିଥିଲେ। ଏବଂ ରଜନୀକାନ୍ତ ଋଷଭଙ୍କ ପାଇଁ ଟୁଇଟ କରିଥିଲେ। ସେ ,ଟୁଇଟରେ ଲେଖିଥିଲେ ଯେ, "ଅଜ୍ଞାତ ଜଣାଶୁଣା ଠାରୁ ବଡ ଅଟେ। ସିନେମାରେ ହୋମବଲ ଚଳଚ୍ଚିତ୍ର ଅପେକ୍ଷା କେହି ଏହା ଭଲ କହିପାରିବେ ନାହିଁ ଏବଂସେ ଆହୁରି ମଧ୍ୟ ଲେଖିଛନ୍ତି, ଯେ ଜଣେ ଲେଖକ, ନିର୍ଦ୍ଦେଶକ ତଥା ଅଭିନେତା ଭାବରେ ଆପଣଙ୍କୁ ସଲାମ୍ "। ଏହା ପୂର୍ବରୁ ,ଏହି ଫିଲ୍ମକୁ ବଲିଉଡ ଅଭିନେତ୍ରୀ କଙ୍ଗନା ରଣାଓ୍ବାତ ମଧ୍ୟ ପ୍ରଶଂସା କରିଥିଲେ । ଏବଂ ଋଷଭ ଶେଟ୍ଟୀଙ୍କ ଅଭିନୟକୁ ଚମକ୍କାର ବୋଲି କହିଥିଲେ।
