Kartik Aaryan: ରୋମାଣ୍ଟିକ୍ ନୁହେଁ, ଏଥର ବକ୍ସର ଭୂମିକାରେ ନଜର ଆସିବେ କାର୍ତ୍ତିକ୍

Kartik Aaryan: ବଲିଉଡ୍ ଅଭିନେତା କାର୍ତ୍ତିକ ଆର୍ଯ୍ୟାନ୍ । 'ହେରାଫେରି ୩' ରେ କାର୍ତ୍ତିକ ଆର୍ଯ୍ୟାନ ନଜର ଆସିବେ ବୋଲି ଚର୍ଚ୍ଚା ଜୋର ଧରିଥିଲା । 'ହେରାଫେରି ୩'ରେ ଅକ୍ଷୟଙ୍କ ସ୍ଥାନ କାର୍ତ୍ତିକ ନେବେ ବୋଲି ଚର୍ଚ୍ଚା ଜୋର ଧରିଥିଲା। ହେଲେ ଏସବୁ କଥାକୁ ପୂର୍ଣ୍ଣଛେଦ ପକାଇଛନ୍ତି ଅଭିନେତା ସୁନୀଲ ସେଟ୍ଟୀ । ସେ କହିଛନ୍ତି ଯେ, ''ହେରାଫେରି ୩' ରେ ଅକ୍ଷୟଙ୍କୁ ବଦଳା ଯାଇ ନାହିଁ ବରଂ କାର୍ତ୍ତିକ ଆର୍ଯ୍ୟାନଙ୍କୁ ଏହି ଫିଲ୍ମରେ ଅନ୍ୟ ଏକ ଚରିତ୍ର ପାଇଁ ପ୍ରଯୋଜକ ଯୋଗାଯୋଗରେ ଅଛନ୍ତି । ହେଲେ ଏହାରି ଭିତରେ କାର୍ତ୍ତିକଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି । କାର୍ତ୍ତିକ ତାଙ୍କ ଆଗାମୀ ଫିଲ୍ମ ପାଇଁ ଏବେଠୁ ସେ ନିଜକୁ ପ୍ରସ୍ତୁତ କରୁଛନ୍ତି । କାର୍ତ୍ତିକଙ୍କ ଆଗାମୀ ଫିଲ୍ମ ସାଜିଦ ନାଦିଆଡୱାଲାଙ୍କ ପ୍ରଡକ୍ସନ୍ ଦ୍ୱାରା ନିର୍ମିତ ହେବ ଏବଂ ଏହାର ନିର୍ଦ୍ଦେଶନା ଦେବେ କବୀର ଖାନ।

ଉଲ୍ଲେଖଥାଉ କି, କାର୍ତ୍ତିକ ଆର୍ଯ୍ୟାନଙ୍କ ଅଧିକାଂଶ ଫିଲ୍ମ କମେଡି ଓ ରୋମାଣ୍ଟିକ୍। କିନ୍ତୁ ତାଙ୍କ ଆଗାମୀ ଚଳଚ୍ଚିତ୍ରରେ ଭିନ୍ନ ଏକ ଚରିତ୍ରରେ ନଜର ଆସିବେ କାର୍ତ୍ତିକ।  ପରବର୍ତ୍ତୀ ଫିଲ୍ମରେ ତାଙ୍କୁ ଜଣେ ବକ୍ସର ଭୂମିକାରେ ଦେଖିବାକୁ ମିଳିବ ବୋଲି ସୂଚନା ମିଳିଛି। ଏନେଇ ଅଭିନେତା ଜଣକ ଆଗାମୀ ଫିଲ୍ମ ପାଇଁ ଏବେଠୁ ନିଜକୁ ପ୍ରସ୍ତୁତ କରୁଛନ୍ତି । ମିଡିଆ ରିପୋର୍ଟ ଅନୁଯାୟୀ କାର୍ତ୍ତିକ ଏହି ଚଳଚ୍ଚିତ୍ର ପାଇଁ ଅନେକ ବ୍ୟାୟାମ କରିବେ ଏବଂ ତାଙ୍କ ଖାଦ୍ୟପେୟରେ ପରିବର୍ତ୍ତନ ଆଣିବେ। କାର୍ତ୍ତିକ ଆର୍ଯ୍ୟଙ୍କ ପାଇଁ ଏହା ଏକ ଚ୍ୟାଲେଞ୍ଜିଂ ଭୂମିକା ହେବ । କିନ୍ତୁ ଫିଲ୍ମର  ନାଁ ଏପର୍ଯ୍ୟନ୍ତ ଘୋଷଣା ହୋଇନାହିଁ । ଗଣମାଧ୍ୟମ ରିପୋର୍ଟ ଅନୁଯାୟୀ, ଏଥିପାଇଁ ସେ ରାଜକୋଟରେ ପ୍ରଶିକ୍ଷକ ରାହୁଲ ଭଟ୍ଟଙ୍କ ସହ ଟ୍ରେନିଂ ଆରମ୍ଭ କରିଛନ୍ତି ଯେଉଁଠାରେ ସେ ତାଙ୍କ ଚଳଚ୍ଚିତ୍ର 'ସତ୍ୟପ୍ରେମ କି କଥା'(Satyaprem Ki Katha )ର ସୁଟିଂ ମଧ୍ୟ କରୁଛନ୍ତି। ତେବେ, ପ୍ରଶିକ୍ଷକ ରାହୁଲ ଭଟ୍ଟ ମଧ୍ୟ  ଫିଲ୍ମ 'ଦଙ୍ଗଲ' ପାଇଁ ମଧ୍ୟ ଅମୀରଙ୍କୁ ପ୍ରଶିକ୍ଷଣ ଦେଇଥିଲେ । 

ଏହାବି ପଢନ୍ତୁ : Sonu Sood: ରାସ୍ତାକଡରେ ଗୀତ ଗାଉଥିଲ ଦିବ୍ୟାଙ୍ଗ, କୂଳରେ ଲଗାଇଲେ ସୋନୁସୁଦ

ଏହାବି ପଢନ୍ତୁ : Priyanka Chopra: କଙ୍ଗନାଙ୍କ ପରେ ବଲିଉଡକୁ ନେଇ ବଡ ଖୁଲାସା କଲେ ଦେଶୀ ଗାର୍ଲ, କହିଲେ କିଛି ଏମିତି

ଏହାବି ପଢନ୍ତୁ : Rahul Gandhi: ଭାରତ ଯୋଡ ଯାତ୍ରାରେ ରାହୁଲ ଗାନ୍ଧୀଙ୍କ ସହ ସାମିଲ ହେଲେ ଏହି ଅଭିନେତ୍ରୀ, ସୋସିଆଲ ମିଡିଆରେ ଭାଇରାଲ ହେଲା ଫଟୋ

ଯଦି ଆମେ କାର୍ତ୍ତିକ ଆର୍ଯ୍ୟାନଙ୍କ ଓ୍ବାର୍କଫ୍ରଣ୍ଟ କଥା କହିବା, ତେବେ ତାଙ୍କ ହାତରେ ବର୍ତ୍ତମାନ ଅନେକ ବଡ ପ୍ରୋଜେକ୍ଟ ରହିଛି । ଖୁବଶିଘ୍ର, କାର୍ତ୍ତିକ ଅଭିନୀତ ଫିଲ୍ମ 'ଫ୍ରେଡି' ଓଟିଟିରେ ରିଲିଜ୍ ହେବାକୁ ଯାଉଛି । ନିକଟରେ ଏହାର ଟ୍ରେଲର ରିଲିଜ୍ ହୋଇଛି । ଏଥିରେ କାର୍ତ୍ତିକଙ୍କୁ ଜଣେ ଡାକ୍ତର ଭୂମିକାରେ ଦେଖିବାକୁ ମିଳିଛି । କାର୍ତ୍ତିକଙ୍କ ସହ ଏହା ଆଲାୟାଙ୍କର ପ୍ରଥମ ଚଳଚ୍ଚିତ୍ର।