Trending Photos
ନୂଆଦିଲ୍ଲୀ: ରେଳ ବିଭାଗ ଉପରେ ସିଏଜି ରିପୋର୍ଟକୁ ନେଇ ଲାଲୁଙ୍କ ଟ୍ୱିଟ । ରେଳ ବିଭାଗ ଏବେ କ୍ଷତିରେ ଚାଲିଥିବା ସିଏଜି ରିପୋର୍ଟ କହୁଛି । ଆଉ ଏହାକୁ ନେଇ କେନ୍ଦ୍ର ସରକାରଙ୍କୁ ତେରଛା ତୀର ମାରିଛନ୍ତି ପୂର୍ବତନ ରେଳମନ୍ତ୍ରୀ ଲାଲୁ ପ୍ରସାଦ ଯାଦବ । ମଜାଳିଆ ଅନ୍ଦାଜରେ କଥା କହି ସବୁବେଳେ ବେଶ ଚର୍ଚ୍ଚିତ ରହୁଥିବା ଲାଲୁ ମଜାଳିଆ ଢଙ୍ଗରେ ସରକାରଙ୍କୁ କଟାକ୍ଷ କରିଛନ୍ତି ।
ଟ୍ୱିଟ କରି ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ କହିଛନ୍ତି, ବୋଧେ ମୋତେ ଏବେ କେହି ମନେପକାଉଛନ୍ତି । ବହୁତ ହାକୁଟି ଆସୁଛି । ରେଳ ମନ୍ତ୍ରୀ ଥିବା ବେଳେ ରେଳ ବିଭାଗ ପ୍ରତି ଲାଲୁଙ୍କ ବେଶ ଅବଦାନ ରହିଥିଲା । ଯେଉଁ କଥାକୁ ଇଙ୍ଗିତ କରି ସେ ଏପରି କହିଛନ୍ତି । କାହିଁକିନା ସିଏଜି ରିପୋର୍ଟ କହୁଛି, ବିଗତ ୧୦ ବର୍ଷ ମଧ୍ୟରେ ରେଲୱେ କ୍ଷତି ସର୍ବୋଚ୍ଚ ସ୍ତରରେ ପହଞ୍ଚିଛି ।
मुझे अभी किसी ने याद किया क्या?
बहुत हिचकी आ रही है..मोहब्बत हमारी भी, बहुत असर रखती है,
बहुत याद आयेंगे, जरा भूल के तो देखो...https://t.co/EDuZTSej5M— Lalu Prasad Yadav (@laluprasadrjd) December 3, 2019
ଏବେ ସଂସଦରେ ରେଳ ବିଭାଗ ଉପରେ ସିଏଜି ରିପୋର୍ଟ ଉପସ୍ଥାପିତ ହୋଇଥିଲା । ଏହି ରିପୋର୍ଟ ଅନୁସାରେ ୨୦୧୫-୧୬ରେ ରେଲୱେ ପରିଚାଳନା ଅନୁପାତ ୯୦ ପ୍ରତିଶତ ରହିଥିଲା । ୨୦୧୬-୧୭ରେ ଏହା ୯୬ ପ୍ରତିଶତ ଥିଲା । ତେବେ ୨୦୧୭-୧୮ ଆର୍ଥିକ ବର୍ଷରେ ଏହା ୯୮ ପ୍ରତିଶତରେ ପହଞ୍ଚିଛି । ଅତ୍ୟଧିକ ପରିଚାଳନା ଖର୍ଚ୍ଚ ଏହାର ମୁଖ୍ୟ କାରଣ ବୋଲି କୁହାଯାଉଛି ।
ଆହୁରି ପଢନ୍ତୁ; 'ବିଜେପିର ବଳ ମୋଦି , ରାହୁଲ କଂଗ୍ରେସର ଏକ ଦୁର୍ବଳତା'