ବିନା ପରୀକ୍ଷାରେ ପାସ୍ କରିବେ ଦ୍ୱାଦଶ ଛାତ୍ର-ଛାତ୍ରୀ, ରେଜଲ୍ଟକୁ ନେଇ ଅସନ୍ତୁଷ୍ଟ ପିଲାଙ୍କୁ ମିଳିବ ଏହି ବିକଳ୍ପ

କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ନିର୍ଦ୍ଧାରିତ ସମୟ ସୀମା ମଧ୍ୟରେ ଓ ଯୁକ୍ତିଯୁକ୍ତ ଭିତ୍ତିରେ ଦ୍ୱାଦଶ ଫଳାଫଳ ପ୍ରସ୍ତୁତ କରିବ । କିନ୍ତୁ ଫଳାଫଳକୁ ନେଇ ଅସନ୍ତୁଷ୍ଟ ଛାତ୍ରଛାତ୍ରୀ ମାନେ କୋରୋନାର ପରିସ୍ଥିତି ସ୍ୱାଭାବିକ ହେବା ପରେ ପରୀକ୍ଷା ଦେବାର ବିକଳ୍ପ ପାଇବେ ।

ଜଗଦୀଶ୍ ବାରିକ୍, ନୂଆଦିଲ୍ଲୀ: କୋରୋନା ଭାଇରସ୍ ମହାମାରୀର (Coronavirus Pandemic) ଦ୍ୱିତୀୟ ଲହରକୁ ଦୃଷ୍ଟିରେ ରଖି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡର (CBSE) ଦ୍ୱାଦଶ ଶ୍ରେଣୀ ପରୀକ୍ଷାକୁ ବାତିଲ କରିବାକୁ ନିଷ୍ପତ୍ତି ନେଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ (Narendra Modi) କହିଛନ୍ତି ଯେ ଛାତ୍ରଛାତ୍ରୀଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି ।

ଫଳାଫଳକୁ ଅପେକ୍ଷା କରିବାକୁ ପଡିବ 
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଧାର୍ଯ୍ୟ ସମୟ ସୀମା ମଧ୍ୟରେ ଓ ଏକ ଯୁକ୍ତିଯୁକ୍ତ ଭିତ୍ତିରେ ଦ୍ୱାଦଶ ଫଳାଫଳ ପ୍ରସ୍ତୁତ ହେବ । ଫଳାଫଳ ପାଇଁ ଶିକ୍ଷା ମନ୍ତ୍ରଣାଳୟ ଅନେକ ବିକଳ୍ପ ପ୍ରସ୍ତୁତ କରିଛି । ଏଥିରେ ପ୍ରଥମଟି ହେଉଛି - ନବମ, ଦଶମ ଓ ଏକାଦଶର ସମସ୍ତ ତିନୋଟିର ଇଣ୍ଟରନାଲ ଏସେସମେଣ୍ଟ କରାଯିବ । ଏହା ପରେ ଏହି ଆଧାରରେ ଦ୍ୱାଦଶ ଫଳାଫଳ ଦିଆଯିବ । ଅନ୍ୟପକ୍ଷରେ ଦଶମ ଛାତ୍ରଙ୍କ ପରି ଆଭ୍ୟନ୍ତରୀଣ ମୂଲ୍ୟାଙ୍କନ ମଧ୍ୟ ଗ୍ରହଣ କରାଯାଇପାରେ । ଏ ବାବଦରେ ଚୂଡ଼ାନ୍ତ ବିଜ୍ଞପ୍ତି ଶୀଘ୍ର ପ୍ରକାଶ ପାଇବ ବୋଲି ଆଶା କରାଯାଉଛି ।

ଫଳାଫଳକୁ ନେଇ ଅସନ୍ତୁଷ୍ଟ ଛାତ୍ର-ଛାତ୍ରୀ ମାନେ ଏହି ବିକଳ୍ପ ପାଇବେ
ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏହା ମଧ୍ୟ ନିଷ୍ପତ୍ତି ନିଆଯାଇଛି ଯେ ବିଦ୍ୟମାନ ବ୍ୟବସ୍ଥାରେ ସନ୍ତୁଷ୍ଟ ନଥିବା ଛାତ୍ରମାନଙ୍କୁ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ମଧ୍ୟ ଏକ ବିକଳ୍ପ ଦେବ । ତେବେ କୋରୋନା ଭୂତାଣୁ ପରିସ୍ଥିତି ସ୍ୱାଭାବିକ ହେବା ପରେ ଦ୍ୱାଦଶ ଛାତ୍ରଛାତ୍ରୀ ପରୀକ୍ଷା ଦେଇପାରିବେ ।

ଆହୁରି ପଢ଼ନ୍ତୁ: ଇନଷ୍ଟାଗ୍ରାମରେ କେବଳ ଏହି ୬ ଜଣଙ୍କୁ ଫଲୋ କରନ୍ତି ଶାହାରୁଖ ଖାନ; ଜାଣନ୍ତୁ ଏହି ଭାଗ୍ୟଶାଳୀ ଚେହେରା କିଏ

ଛାତ୍ର-ଛାତ୍ରୀ ମାନଙ୍କ ସ୍ୱାର୍ଥରେ ନିଆଯାଇଛି ଏହି ନିଷ୍ପତ୍ତି
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, 'ସିବିଏସ୍ଇର ଦ୍ୱାଦଶ ଶ୍ରେଣୀ ପରୀକ୍ଷା ଛାତ୍ରଛାତ୍ରୀଙ୍କ ସ୍ୱାର୍ଥକୁ ନେଇ ନିଷ୍ପତ୍ତି ନିଆଯାଇଛି । କୋଭିଡ-୧୯ ଏକାଡେମିକ କ୍ୟାଲେଣ୍ଡରକୁ ବହୁତ ପ୍ରଭାବିତ କରିଛି ଓ ବୋର୍ଡ ପରୀକ୍ଷା ପ୍ରସଙ୍ଗ ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକମାନଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି । ଯାହାକୁ ଶେଷ କରିବାକୁ ହେବ । ସେ କହିଛନ୍ତି ଯେ ଏଭଳି ଉତ୍ତେଜନାପୂର୍ଣ୍ଣ ପରିବେଶରେ ଛାତ୍ରଛାତ୍ରୀମାନେ ପରୀକ୍ଷାରେ ଯୋଗଦେବାକୁ ଚାପ ପକାଇବା ଉଚିତ ନୁହେଁ ।

ଆହୁରି ପଢ଼ନ୍ତୁ: ଭାରତ ପାଇଁ ବଡ ଖୁସି ଖବର, ଟେଷ୍ଟ ସିରିଜରୁ ବାହାରିଲେ ଇଂଲଣ୍ଡର ଏହି ଷ୍ଟାର ଖେଳାଳି!

CISCE ଦ୍ୱାଦଶ ବୋର୍ଡ ପରୀକ୍ଷା ମଧ୍ୟ ବାତିଲ ହେଲା
କୋବିଡ -୧୯ ର ପରିସ୍ଥିତିକୁ ଦୃଷ୍ଟିରେ ରଖି, CBSE ପରେ, CISCE ମଧ୍ୟ ଚଳିତ ବର୍ଷ ଶ୍ରେଣୀ ୧୨ ବୋର୍ଡ ପରୀକ୍ଷା ବାତିଲ କରିବାକୁ ନିଷ୍ପତ୍ତି ନେଇଛି । ଫଳାଫଳ ସମ୍ପର୍କରେ କାଉନସିଲ୍ ଫର୍ ଇଣ୍ଡିଆନ୍ ସ୍କୁଲ୍ ସାର୍ଟିଫିକେଟ୍ ପରୀକ୍ଷା (CISCE) ବୋର୍ଡ କହିଛି, 'ପରୀକ୍ଷା ଫଳାଫଳ ଏକ ସିଷ୍ଟମ ଆଧାରରେ ପ୍ରସ୍ତୁତ ହେବ, ଯେଉଁଥିରେ ବିଦ୍ୟାଳୟଗୁଡ଼ିକ ଦ୍ୱାରା ପରିଚାଳିତ ଆଭ୍ୟନ୍ତରୀଣ ପରୀକ୍ଷା ମଧ୍ୟ ଅନ୍ତର୍ଭୁକ୍ତ ହେବ । ଆଗାମୀ ସମୟରେ ଏହି ବ୍ୟବସ୍ଥା ବିଷୟରେ ବିଦ୍ୟାଳୟଗୁଡ଼ିକୁ ସୂଚନା ଦିଆଯିବ । ଅନ୍ୟପକ୍ଷରେ ଫଳାଫଳ ଘୋଷଣା ପରେ ଯଦି କିଛି ଛାତ୍ରଛାତ୍ରୀ ସେମାନଙ୍କ ମାର୍କରେ ସନ୍ତୁଷ୍ଟ ନୁହଁନ୍ତି, ତେବେ ପରିସ୍ଥିତି ସ୍ୱାଭାବିକ ହେବା ପରେ CISCE ଏପରି ଛାତ୍ରମାନଙ୍କୁ ଲିଖିତ ପରୀକ୍ଷା ଦେବାକୁ ଏକ ବିକଳ୍ପ ଦେବ ।