ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ଏକ ଭିଡିଓରେ ଘୋଡା ସହିତ ରେସ୍ ଲଗାଉଥିବାର ନଜର ଆସିଛନ୍ତି । ଏହି ଭିଡିଓକୁ ତାଙ୍କ ପତ୍ନୀ ସାକ୍ଷୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ଓ ଏହା ସୋସିଆଲ ମିଡିଆରେ ଜୋରଦାର ଭାଇରଲ ହେଉଛି ।
Trending Photos
13
6
6
3 "ଘୋଡା ସହିତ ରେସ୍ ଲଗାଇଲେ ଏମଏସ ଧୋନି")
ନୂଆଦିଲ୍ଲୀ: ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି (MS Dhoni) ଆଇପିଏଲ୍ 2021 (IPL 2021) ସ୍ଥଗିତ ହେବା ପରେ ନିଜ ପରିବାର ସହିତ ରାଞ୍ଚିରେ ରହୁଛନ୍ତି । ଧୋନି ଆଜିକାଲି ନିଜ ପରିବାର ଓ ଗୃହପାଳିତ ପଶୁମାନଙ୍କ ସହିତ ନିଜର ଗୁଣାତ୍ମକ ସମୟ ବିତାଉଛନ୍ତି । ଧୋନି ସୋସିଆଲ ମିଡିଆରେ (Social media) କମ୍ ସକ୍ରିୟ ରହିଥାନ୍ତି କିନ୍ତୁ ତାଙ୍କ ପତ୍ନୀ ସାକ୍ଷୀ ଧୋନି (Sakshi Singh Dhoni) ସୋସିଆଲ ମିଡିଆରେ ବହୁତ ସକ୍ରିୟ ରୁହନ୍ତି ଓ ସେ ପାରିବାରିକ ଫଟୋ ଓ ଭିଡିଓ ସବୁ ପ୍ରାୟତଃ ଅପଲୋଡ୍ କରନ୍ତି ।
ସାକ୍ଷୀ ଶନିବାର ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ନୂଆ ଭିଡିଓ (Dhoni Video) ସେୟାର କରିଛନ୍ତି । ଏହି ଭିଡିଓରେ ଧୋନି ନିଜ ଘୋଡା ସହିତ ଦୌଡୁଥିବାର ନଜର ଆସିଛନ୍ତି । ଭିଡିଓର କ୍ୟାପସନରେ ସାକ୍ଷୀ ଲେଖିଛନ୍ତି - 'ଦ୍ରୁତ, ଶକ୍ତିଶାଳୀ ।' ଭିଡିଓକୁ ଦେଖିଲେ ଲାଗୁଛି ଯେପରି ଘୋଡା ଓ ଧୋନି ନିଜ ନିଜ ମଧ୍ୟରେ ଦୌଛନ୍ତି । ଏହି ଭିଡିଓକୁ ସୋସିଆଲ (Social media) ମିଡିଆରେ ବହୁଳ ଭାବେ ପସନ୍ଦ କରଯାଉଛି ।
ଧୋନି ପଶୁମାନଙ୍କୁ ବହୁତ ଭଲ ପାଆନ୍ତି
ଧୋନି ପଶୁମାନଙ୍କୁ ବହୁତ ଭଲ ପାଆନ୍ତି ଓ ନିଜ ରାଞ୍ଚି ଫାର୍ମହାଉସରେ ଘୋଡା ସହିତ ଚାରିଟି କୁକୁର ମଧ୍ୟ ପୋଷିଛନ୍ତି । ଧୋନି ପୂର୍ବରୁ ତାଙ୍କ ଗୃହପାଳିତ ପଶୁଙ୍କୁ ଅନେକ ଥର ଗେଲ କରୁଥିବାର ଦେଖିବାକୁ ମିଳିଛି । ଧୋନିଙ୍କ ଏହି ଘୋଡାକୁ କିଛି ଦିନ ପୂର୍ବରୁ ଅଣା ଯାଇଥିଲା । ଧୋନି ଓ ସାକ୍ଷୀ ଘୋଡାର ନାମ ଚେତକ ରଖିଛନ୍ତି ।
ଅଧିକ ପଢ଼ନ୍ତୁ: ପେଟ ପୋଷିବାକୁ ଟ୍ୟାକ୍ସି ଚଳାଉଛନ୍ତି ଏହି PAK କ୍ରିକେଟର, ସଚିନ-ସେହୱାଗଙ୍କୁ ମଧ୍ୟ କରିସାରିଛନ୍ତି ଆଉଟ୍
ଘୋଡାକୁ ମସାଜ କରୁଥିବାର ଏକ ଭିଡିଓ ମଧ୍ୟ ସେୟାର କରିଥିଲେ
ନିକଟରେ ସାକ୍ଷୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଘୋଡାକୁ ମାହି ମସାଜ କରୁଥିବାର ଏକ ଭିଡିଓ ସେୟାର କରିଥିଲେ । ସାକ୍ଷୀଙ୍କ ଏହି ଭିଡିଓରେ ଧୋନି ଘୋଡାକୁ ମସାଜ କରି ଗେଲ କରୁଥିବା ଓ ଘୋଡାଟି ଭୂମିରେ ଶୋଇଥିବାର ନଜର ଆସିଥିଲା । ଏହି ଭିଡିଓକୁ ମଧ୍ୟ ସୋସିଆଲ ମିଡିଆରେ ବହୁତ ପସନ୍ଦ କରାଯଇଥିଲା ।
