ଆପଣ ନିଦ୍ରାହୀନତା ରୋଗରେ ପୀଡିତ କି? ଶୀଘ୍ର ହୋଇପାରେ ମୃତ୍ୟୁ, ଗବେଷଣାରେ ଖୁଲାସା

ଯେପରି ଭାବରେ ବଞ୍ଚିବା ପାଇଁ ଖାଦ୍ୟ ଓ ଜଳ ଆବଶ୍ୟକ, ଠିକ ସେହିପରି ଭାବେ ସୁସ୍ଥ ଜୀବନ ପାଇଁ ମଧ୍ୟ ଭଲ ନିଦହେବା ଅତ୍ୟନ୍ତ ଆବଶ୍ୟକ ।

ନୂଆଦିଲ୍ଲୀ: ଡାକ୍ତରୀ ବିଶେଷଜ୍ଞମାନେ କହିଛନ୍ତି ଯେ ଜଣେ ବ୍ୟକ୍ତିଙ୍କୁ ପ୍ରତିଦିନ ୬ ରୁ ୮ ଘଣ୍ଟା ଶୋଇବା ଜରୁରୀ । ଯଦି ସେ ଏହା ନ କରିବେ ତେବେ ତାଙ୍କ ଶରୀର ରୋଗଗ୍ରସ୍ତ ହୋଇପାରେ । ଯାହାର ଫଳାଫଳ ମଧ୍ୟ ମୃତ୍ୟୁ (Death) ହୋଇପାରେ ।

ATZ ନ୍ୟୁଜ୍ ଅନୁଯାୟୀ, ଶୋଇବା ଉପରେ ଏକ ଆଶ୍ଚର୍ଯ୍ୟଜନକ ଗବେଷଣା ସାମ୍ନାକୁ ଆସିଛି । ଜର୍ଣ୍ଣଲ ଅଫ ସ୍ଲିପ ରିସର୍ଚ୍ଚ (Journal of Sleep Research) ପତ୍ରିକାରେ ପ୍ରକାଶିତ ଏହି ଗବେଷଣାକୁ ନ୍ୟାସନାଲ ହେଲଥ ଆଣ୍ଡ ଏଜିଂ ଟ୍ରେଣ୍ଡ ଷ୍ଟଡି (NHATS) ଦ୍ୱାରା ବିଶ୍ଳେଷଣ କରାଯାଇଛି । ଏହି ଗବେଷଣା ପାଇଁ ୨୦୧୧ ରୁ ୨୦୧୮ ମଧ୍ୟରେ ସଂଗୃହିତ ତଥ୍ୟ ପରୀକ୍ଷା କରାଯାଇଥିଲା । ଗବେଷଣାରୁ ଜଣାପଡିଛି ଯେ ନିଦ୍ରାହୀନତା (Insomnia) ରୋଗରେ ପୀଡିତ ଲୋକମାନଙ୍କର ଅଧିକାଂଶ ରାତି, ଏପରିକି ପ୍ରତ୍ୟେକ ରାତିରେ ମଧ୍ୟ ଏପରି ସମସ୍ୟା ରହିଛି ।

ହାର୍ଭାର୍ଡ ମେଡିକାଲ୍ ସ୍କୁଲର ମେଡିସିନ୍ ଇନଷ୍ଟକ୍ଟର ରେବିକା ରବିନ୍ସନଙ୍କ ଅନୁଯାୟୀ, 'ଏହି ଗବେଷଣା ଦର୍ଶାଏ ଯେ ପ୍ରତ୍ୟେକ ରାତିରେ ଶୋଇବା ଆମ ଜୀବନ ପାଇଁ କେତେ ମହତ୍ତ୍ୱପୂର୍ଣ୍ଣ । ଭଲ ନିଦରେ ଶୋଇବା କେବଳ ଆମର ସ୍ନାୟୁଗତ ପ୍ରଣାଳୀ ପାଇଁ ଲାଭଦାୟକ ନୁହେଁ ବରଂ ମୃତ୍ୟୁ ବିପଦକୁ ମଧ୍ୟ ହ୍ରାସ କରିଥାଏ । ନିଦ୍ରାହୀନତା ରୋଗରେ ପୀଡିତ ଲୋକମାନେ ଡିମେନ୍ସିଆ ନାମକ ଏକ ରୋଗ ହେବାର ଆଶଙ୍କା ଥାଏ । ଏହିପରି ଲୋକମାନେ ଶୀଘ୍ର ମରିପାରନ୍ତି ।

ଅଧିକ ପଢ଼ନ୍ତୁ: ଟ୍ରେନ୍ ଟିକେଟ୍ ବାତିଲ୍ କଲେ ତୁରନ୍ତ ଫେରସ୍ତ ମିଳିବ ଟଙ୍କା, IRCTC ଆରମ୍ଭ କଲା ଏହି ସୁବିଧା

ରିପୋର୍ଟ ଅନୁଯାୟୀ, ଆମେରିକାରେ ପ୍ରାୟ ୫ ରୁ ୭୦ ନିୟୁତ ଲୋକ ନିଦ୍ରାଜନିତ ରୋଗରେ ପୀଡିତ ଅଛନ୍ତି । ବିଶେଷଜ୍ଞମାନେ ଏହାକୁ ଏକ 'ଜନସ୍ୱାସ୍ଥ୍ୟ ସମସ୍ୟା' ବୋଲି କହିଛନ୍ତି । ସେ କହିଛନ୍ତି ଯେ ଶୋଇବା ସହ ଜଡିତ ଏହି ସମସ୍ୟା ମଧୁମେହ, ଷ୍ଟ୍ରୋକ୍, ହୃଦ୍‌ରୋଗ ଓ ଡିମେନ୍ସିଆ ସହିତ ମଧ୍ୟ ଜଡିତ ।

'ୱାର୍ଲଡ ସ୍ଲିପ ସୋସାଇଟି' ଅନୁଯାୟୀ କମ ନିଦ ହେବା ବିଶ୍ୱର ୪୫% ଲୋକଙ୍କ ସ୍ୱାସ୍ଥ୍ୟ ପାଇଁ ବିପଦପୂର୍ଣ୍ଣ ଅଟେ । ସାଧାରଣତ ଲୋକମାନଙ୍କୁ ପ୍ରତି ରାତିରେ ଅତି କମରେ ୭ ରୁ ୧୦ ଘଣ୍ଟା ପର୍ଯ୍ୟାପ୍ତ ଶୋଇବା ଉଚିତ୍ । କିନ୍ତୁ ଆମେରିକା ସମେତ ଅଧିକାଂଶ ଦେଶର ଲୋକମାନେ ଏହି ଶୋଇବା ସମୟକୁ ଅନୁସରଣ କରିବାକୁ ସକ୍ଷମ ନୁହଁନ୍ତି ।

ଅଧିକ ପଢ଼ନ୍ତୁ: କୋରୋନା ଭୟରେ ଜୋରସୋରରେ ପିଉ ଯାଉଛନ୍ତି କି କାଢ଼ା? ହୋଇପାରେ ଏହି ଘାତକ ରୋଗ

ଗବେଷଣାରୁ ଜଣାପଡିଛି ଯେ ଶୋଇବା ସମସ୍ୟାର ସମ୍ମୁଖୀନ ହେଉଥିବା ୪୪ ପ୍ରତିଶତ ଲୋକଙ୍କର ଏକାଧିକ କାରଣରୁ ମୃତ୍ୟୁ ହେବାର ଆଶଙ୍କା ଅଧିକ ଥାଏ । ଏଥି ସହିତ, ୫୬% ଲୋକ ଯେଉଁମାନେ ରାତିରେ ପ୍ରାୟତ ନିଦ୍ରାହୀନତା ସମସ୍ୟାର ଶିକାର ହୁଅନ୍ତି, ସେମାନେ ଶୀଘ୍ର ମରିଯିବାର ଆଶଙ୍କା ଥାଏ । ରାତିରେ କ୍ରମାଗତ ନିଦ ସହିତ ସଂଘର୍ଷ କରୁଥିବା ୪୯ ପ୍ରତିଶତ ଲୋକଙ୍କର ମଧ୍ୟ ଡିମେନ୍ସିଆ ହେବାର ଆଶଙ୍କା ରହିଥାଏ ।