ନିଜ ବାୟୋପିକ୍ ପାଇଁ ସୁଶାନ୍ତଙ୍କଠାରୁ ୨୨ ଗୁଣ ଅଧିକ ଟଙ୍କା ନେଇଥିଲେ ଧୋନି, ଜାଣିଲେ ଚକିତ ହେବେ

ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ଏମଏସ ଧୋନିଙ୍କ ଜୀବନୀ ଉପରେ ଆଧାରିତ ଫିଲ୍ମ 'ଏମଏସ ଧୋନି: ଦି ଅନଟୋଲ୍ଡ ଷ୍ଟୋରୀ' ୨୦୧୬ ମସିହାରେ ରିଲିଜ କରିଥିଲା । ଧୋନି ନିଜ ବାୟୋପିକ୍ ପାଇଁ ପ୍ରଚୁର ପରିମାଣ ଅର୍ଥ ଅର୍ଜନ କରିଥିଲେ ।

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ (MS Dhoni) ଜୀବନୀ ଉପରେ ଆଧାରିତ ଫିଲ୍ମ 'ଏମଏସ ଧୋନି: ଦି ଅନଟୋଲ୍ଡ ଷ୍ଟୋରୀ' ୨୦୧୬ ରେ ରିଲିଜ ହୋଇଥିଲା । ଧୋନିଙ୍କ ଚରିତ୍ରକୁ ଏହି ଫିଲ୍ମରେ ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତ (Sushant Singh Rajput) ଅଭିନୟ କରିଥିଲେ । ଧୋନି ନିଜ ବାୟୋପିକ୍ ପାଇଁ ପ୍ରଚୁର ପରିମାଣରେ ଅର୍ଥ ଅର୍ଜନ କରିଥିଲେ ।

ଧୋନିଙ୍କୁ କୋଟି କୋଟି ଟଙ୍କା ମିଳିଥିଲା
ଫିଲ୍ମ 'ଏମ୍ଏସ୍ ଧୋନି: ଦି ଅନଟୋଲ୍ଡ ଷ୍ଟୋରୀ' ପାଇଁ ମାହି (MS Dhoni) ବିପୁଳ ପରିମାଣର ଟଙ୍କା ନେଇଥିଲେ । ଏକ ସୂତ୍ର ଅନୁଯାୟୀ ଧୋନି ଏହି ଫିଲ୍ମ ପାଇଁ ମୋଟ ୪୫ କୋଟି ଟଙ୍କା ନେଇଥିଲେ । ଦି କ୍ୱିଣ୍ଟ ସହ କଥାବାର୍ତ୍ତା ବେଳେ ଏକ ସୂତ୍ରରୁ ପ୍ରକାଶ ଯେ ଧୋନି ନିଜ ବାୟୋପିକ ପାଇଁ ୪୫ କୋଟି ଟଙ୍କା ପାଇଛନ୍ତି ।

ଧୋନିଙ୍କ ରୋଜଗାର ସୁଶାନ୍ତଙ୍କଠାରୁ ପ୍ରାୟ ୨୨ ଗୁଣ ଅଧିକ
ସେ କହିଛନ୍ତି, 'ଧୋନିଙ୍କୁ (MS Dhoni) ତାଙ୍କ ଜୀବନକୁ ନେଇ ଏକ ଫିଲ୍ମ ନିର୍ମାଣ କରିବାର ଅଧିକାର ଓ ବ୍ୟକ୍ତିଗତ ସୂଚନା, ଦଲିଲ ଏବଂ ଫଟୋଗ୍ରାଫର ପ୍ରବେଶ ସହିତ ଫିଲ୍ମର ମାର୍କେଟିଂ ଓ ପ୍ରମୋସନ ପାଇଁ ଧୋନିଙ୍କ ଉପଲବ୍ଧତା ପାଇଁ ୪୫ କୋଟି ଟଙ୍କା ଦିଆଯାଇଥିଲା । ଅପରପକ୍ଷେ ଧୋନି ଭୂମିକାରେ ଅଭିନୟ କରିବାକୁ ସୁଶାନ୍ତ ସିଂ ରାଜପୁତଙ୍କୁ ୨ କୋଟି ଟଙ୍କା (Sushant Singh Rajput) ପ୍ରଦାନ କରାଯାଇଥିଲା । ବାସ୍ତବରେ ଧୋନିଙ୍କ ବ୍ୟବସାୟ ପରିଚାଳକ ଅରୁଣ ପାଣ୍ଡେ, ଯିଏ ଏହି ଫିଲ୍ମର ସହ-ନିର୍ମାତା ମଧ୍ୟ ସୁଶାନ୍ତଙ୍କଠାରୁ ଅଧିକ ଟଙ୍କା ପାଇଥିଲେ । ପାଣ୍ଡେଙ୍କୁ ୫ କୋଟି ଟଙ୍କା ମିଳିଥିଲା ।

ଅଧିକ ପଢ଼ନ୍ତୁ: WTC ଫାଇନାଲର ବିଜେତାକୁ ମିଳିବ ଏତିକି ପୁରସ୍କାର ରାଶି, ଜାଣି ଚକିତ ହେବେ ଆପଣ!

ବକ୍ସ ଅଫିସରେ ସୁପର ହିଟ୍ ହୋଇଥିଲା ଫିଲ୍ମ
ସ୍ୱର୍ଗତ ସୁଶାନ୍ତ ସିଂ ରାଜପୁତ (Sushant Singh Rajput), କିଆରା ଆଡଭାନୀ ଓ ଦିଶା ପଟାନୀଙ୍କ ଅଭିନୀତ 'ଏମଏସ ଧୋନି: ଦି ଅନଟୋଲ୍ଡ ଷ୍ଟୋରୀ' ବଲିଉଡର ଅନ୍ୟତମ ସଫଳ ବାୟୋପିକ୍ ଅଟେ । ନୀରଜ ପାଣ୍ଡେଙ୍କ ଦ୍ୱାରା ନିର୍ମିତ ଏହି ଫିଲ୍ମଟି ଏମଏସ ଧୋନିଙ୍କୁ (MS Dhoni) ଏକ ଛୋଟ ପିଲା ସମୟରୁ ତାଙ୍କର କ୍ରିକେଟ୍ ପ୍ରତି ଭଲପାଇବା, ରେଳ ଷ୍ଟେସନରେ ଟିକେଟ୍ କଲେକ୍ଟର ଭାବରେ କାର୍ଯ୍ୟ କରିବା ଓ ତାଙ୍କ ବ୍ୟକ୍ତିଗତ ଜୀବନ ଓ କ୍ୟାରିୟରର ଉତ୍ଥାନ ଓ ପତ୍ତନ ବିଷୟରେ ଦର୍ଶାଇଥାଏ ।