ଏହି ମାସରେ ଦେଇଛନ୍ତି କି ଶିଶୁକୁ ଜନ୍ମ, ତେବେ ହୋଇଯାଆନ୍ତୁ ସତର୍କ !

ଏଥିରେ କୌଣସି ସନ୍ଦେହ ନାହିଁ ଯେ, ଗୋଟିଏ ମହିଳା ୨ ଥର ଗର୍ଭଧାରଣରେ ଦୁଇଟି ଭିନ୍ନ ଭିନ୍ନ ସମସ୍ୟାର ସମ୍ମୁଖୀନ ହୋଇଥାନ୍ତି । କାରଣ ପ୍ରତ୍ୟେକ ଗର୍ଭଧାରଣ ପରସ୍ପରଠାରୁ ଭିନ୍ନ । ଗର୍ଭାବସ୍ଥାରେ ଦେଖାଯାଉଥିବା ଲକ୍ଷଣଠାରୁ ଆରମ୍ଭ କରି ମୁଡ୍ ସୁଇଙ୍ଗ୍ ଏବଂ ପ୍ରସବ ପ୍ରଣାଳୀ ଅର୍ଥାତ୍ ସାଧାରଣ କିମ୍ବା ସିଜରିଆନ୍ ପର୍ଯ୍ୟନ୍ତ ସବୁକିଛି ଭିନ୍ନ ହୋଇପାରେ । କିନ୍ତୁ ଗର୍ଭାବସ୍ଥା ସହିତ ଜଡିତ ଅନ୍ୟ ଏକ ସମସ୍ୟା ଯାହା ବିଷୟରେ ପୂର୍ବରୁ ଆଲୋଚନା କରାଯାଇନଥିଲା କିନ୍ତୁ ବର୍ତ୍ତମାନ ଖୋଲାଖୋଲି ଭାବରେ ଆଲୋଚନା ହେଉଛି ତାହା ହେଉଛି Postpartum depression , ଅର୍ଥାତ୍ ଏକ ସନ୍ତାନକୁ ଜନ୍ମ ଦେବା ପରେ ଜଣେ ମାଆର ଉଦାସୀନତା ମନୋଭାବ ।

ଏକ ଅନୁସନ୍ଧାନ ଅନୁଯାୟୀ, ବର୍ଷର କେଉଁ ମାସରେ ଜଣେ ଗର୍ଭବତୀ (Pregnant Lady) ମହିଳା ନିଜର ଶିଶୁଙ୍କୁ ଜନ୍ମ ଦିଅନ୍ତି ତାହା ଉପରେ ନିର୍ଭର କରେ ତାସହ ମହିଳା ଜଣଙ୍କ କେଉଁ ସ୍ତର ପର୍ଯ୍ୟନ୍ତ ଉଦାସୀନତାର ସମ୍ମୁଖୀନ ହୋଇଥାନ୍ତି ସେ ବିଷୟରେ ମଧ୍ୟ ଅନୁସନ୍ଧାନ କରାଯାଇଛି । ଏକ ଖବର ସରବରାହ ସଂସ୍ଥାର ପ୍ରକାଶିତ ରିପୋର୍ଟ ଅନୁଯାୟୀ, ଏହି ଅଧ୍ୟୟନ ପାଇଁ ଅନୁସନ୍ଧାନକାରୀମାନେ ୨୦ ହଜାର ମହିଳାଙ୍କୁ ନେଇ ଏକ ପରୀକ୍ଷା କରିଥିଲେ । ଯେଉଁମାନେ ଜୁନ୍ ୨୦୧୫ ରୁ ଅଗଷ୍ଟ ୨୦୧୭ ମଧ୍ୟରେ ଜନ୍ମ ଦେଇଥିଲେ। 

Add Zee News as a Preferred Source

ଅଧ୍ୟୟନର ଫଳାଫଳ ଦର୍ଶାଇଲା ଯେ, ଯେଉଁ ମହିଳାମାନେ ଶୀତ କିମ୍ବା ବସନ୍ତରେ ଜନ୍ମ ଦେଇଥିଲେ, ସେମାନଙ୍କ କ୍ଷେତ୍ରରେ Postpartum depression  ବା ଅବସାଦ ଭଳି ରୋଗ କମ ଦେଖାଦେଇଥାଏ । ସେହିପରି ଗରମ (Summer) ଓ ଶରତ ଋତୁରେ ଯେଉଁ ମହିଳାମାନେ ଜନ୍ମ ଦେଇଛନ୍ତି ସେମାନେ ବେଶି ଅବସାଦରେ ରହିଛନ୍ତି । ଆମେରିକୀୟ ସୋସାଇଟି ଅଫ୍ ଆନାସ୍ଥେସିଓଲୋଜିଷ୍ଟ ମାନଙ୍କର ଏକ ବୈଠକରେ ଅନୁସନ୍ଧାନକାରୀମାନେ ଏହି ଅଧ୍ୟୟନ ଉପସ୍ଥାପନ କରିଥିଲେ।

ଏହା ବ୍ୟତୀତ, ପ୍ରଥମ ସନ୍ତାନର ମାଆ ହୋଇଥିବା ମହିଳାଙ୍କ ଓଜନ, ପ୍ରସବ ସମୟରେ ଏପିଡୁରାଲ୍ ବ୍ୟବହାର ଏବଂ ଶିଶୁଟି କେତେ ଦିନ ମାତୃ ଗର୍ଭ (ରେ ରହିଆସିଛି, ସେଥିରେ ଅନେକ ବିପଦ କାରଣ ରହିଥିବା ନେଇ ମଧ୍ୟ ଅନୁସନ୍ଧାନରେ କୁହାଯାଇଛି । ଯେଉଁ ମହିଳା ଗ୍ରୀଷ୍ମ କିମ୍ବା ଶରତରେ ସନ୍ତାନ ପ୍ରସବ କରନ୍ତି, ସେ ଅବସାଦ ହେବାର ଆଶଙ୍କା ଅଧିକ । ପ୍ରଥମ ଏବଂ ମୁଖ୍ୟ କାରଣ ହେଉଛି, ଶିଶୁଟିର ଯତ୍ନ ନେବା କାରଣରୁ ପ୍ରଥମ କରି ମାତୃତ୍ୱ ଲାଭ କରିଥିବା ମାଆ ଅନେକ ମାସ ଧରି ଘରୁ ବାହାରକୁ ଯାଇପାରୁନାହାଁନ୍ତି ଏବଂ ତେଣୁ ସୂର୍ଯ୍ୟକିରଣ ଅଭାବରୁ ଶରୀରରେ ଭିଟାମିନ୍ ଡି ଅଭାବରୁ ଏହି ଅବସାଦର ପ୍ରଥମ ସୋପାନ ଆରମ୍ଭ ହୋଇଥାଏ । ଉଦାସୀନତା ପାଇଁ ଭିଟାମିନ୍ ଡି (Vitamin-D)  ଅଭାବ ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଓ ବଡ଼ ବିପଦର କାରଣ ।  

ପ୍ରସବ ପରବର୍ତ୍ତୀ ଅବସାଦ ଏକ ଗୁରୁତର ସମସ୍ୟା ଯାହା ପ୍ରସବ ପରେ ଜଣେ ମହିଳାଙ୍କ ଠାରେ ତୁରନ୍ତ ଦେଖାଦିଏ । ଏବଂ ତାହା ୪ ରୁ ୬ ସପ୍ତାହ ପର୍ଯ୍ୟନ୍ତ ଲାଗିରହିଥାଏ। କେତେକ କ୍ଷେତ୍ରରେ, ଏହି ପ୍ରକାରର ଉଦାସୀନତା ଗର୍ଭାବସ୍ଥାରେ ଆରମ୍ଭ ହୁଏ ଏବଂ ପ୍ରଥମ କରି ମାତୃତ୍ୱ ଲାଭ କରୁଥିବା ମାଆ ପ୍ରାୟ ଏକ ବର୍ଷ ପର୍ଯ୍ୟନ୍ତ ଏହି ସମସ୍ୟା ସହିତ ସଂଗ୍ରାମ ଜାରି ରଖନ୍ତି । ଏହି ଉଦାସୀନତାର ଲକ୍ଷଣ ମଧ୍ୟରେ ଭୋକ ନହେବା, ଅତ୍ୟଧିକ କାନ୍ଦିବା, ଅତ୍ୟଧିକ ଥକ୍କା, ଅସ୍ଥିରତା ଏବଂ ଚିନ୍ତା, ଅନିଦ୍ରା, ଶିଶୁ ସହିତ ମାଆର ବନ୍ଧନରେ ଅସୁବିଧା, ସବୁବେଳେ କ୍ରୋଧିତ ହେବା ଅନ୍ତର୍ଭୁକ୍ତ ରହିଛି ।