Lightning Safety Tips: ପ୍ରତିଦିନ ରାଜ୍ୟରେ ଅନେକ ଜୀବନ ନେଉଛି ବଜ୍ରପାତ, ଏହି ଟିପ୍ସ ଆପଣାଇ ନିଜକୁ ରଖିପାରିବେ ସୁରକ୍ଷିତ

ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (NDMA) ଅନୁଯାୟୀ, ପ୍ରତିବର୍ଷ ହାରାହାରି ୨୫୦୦ ଲୋକ ବଜ୍ରପାତରେ ମୃତ୍ୟୁ ବରଣ କରନ୍ତି। ଆମ ରାଜ୍ୟ ଓଡ଼ିଶା ସମେତ ଅନେକ ରାଜ୍ୟରେ ପ୍ରତିଦିନ ବଜ୍ରପାତର ଘଟଣା ଦେଖିବାକୁ ମିଳୁଛି। ଏପରି ପରିସ୍ଥିତିରେ ଆସନ୍ତୁ ଜାଣିବା କିପରି ଆମେ ନିଜକୁ ବଜ୍ରପାତ ବିପଦରୁ ରକ୍ଷା କରିପାରିବା।

ବଜ୍ରପାତରୁ ନିଜକୁ ରକ୍ଷା କରିବାର ଉପାୟ ବର୍ଷା ସମୟରେ କ୍ଷେତ, ଖୋଲା ପଡିଆ, ଗଛ କିମ୍ବା କୌଣସି ଉଚ୍ଚ ପୋଲ ନିକଟକୁ ଯାଆନ୍ତୁ ନାହିଁ। କାରଣ ଏଥିରେ ବଜ୍ରପାତ ହେବାର ସମ୍ଭାବନା ସର୍ବାଧିକ।

ବଜ୍ରପାତରୁ ନିଜକୁ ରକ୍ଷା କରିବାର ସର୍ବୋତ୍ତମ ଉପାୟ ହେଉଛି ଏକ ସୁରକ୍ଷିତ, ଆବଦ୍ଧ ସ୍ଥାନ ଖୋଜିବା। ଝଡ଼ ବର୍ଷା ସମୟରେ ଖୋଲା ପଡ଼ିଆ, ପର୍ବତ ଶିଖର ଓ ଉଚ୍ଚ ଭୂମିରୁ ଦୂରେଇ ରୁହନ୍ତ। ବଜ୍ରପାତ ଏକ ଅଞ୍ଚଳର ସର୍ବୋଚ୍ଚ ସ୍ଥାନରେ  ହୁଏ, ତେଣୁ ସମ୍ଭାବ୍ୟ ବିଦ୍ୟୁତ୍ ପୋଲଠାରୁ ଦୂରରେ ରହିବା ଜରୁରୀ ଅଟେ। ଯଦି ଆପଣ ବାହାରେ ଅଛନ୍ତି ତେବେ ଆପଣ ମାଟି ତଳ ସ୍ଥାନ କିମ୍ବା ଉପତ୍ୟକା ଆଦି ସ୍ଥାନରେ ରହିପାରିବେ।

ଝଡ଼ ସମୟରେ ହ୍ରଦ, ନଦୀ ଓ ପୋଖରୀ ପରି ସ୍ଥାନଠାରୁ ଦୂରରେ ରୁହନ୍ତୁ। ବଜ୍ରପାତ ସମୟରେ ବୈଦ୍ୟୁତିକ ଉପକରଣ ଯେପରିକି ଲ୍ୟାଣ୍ଡଲାଇନ ଫୋନ୍, କମ୍ପ୍ୟୁଟର କିମ୍ବା ଅନ୍ୟାନ୍ୟ ପ୍ଲଗ୍ ଇନ୍ ଉପକରଣ ବ୍ୟବହାର କରିବା ଠାରୁ ଦୂରେଇ ରୁହନ୍ତୁ। ବିଦ୍ୟୁତ ତାର ଦ୍ୱାରା ବଜ୍ରପାତ ମାରିପାରେ ଓ ବିପଦ ସୃଷ୍ଟି କରିପାରେ।

ଝଡ଼ ବର୍ଷା ସରିବା ପରେ ମଧ୍ୟ ତୁରନ୍ତ ବାହାରକୁ ଯାଆନ୍ତୁ ନାହିଁ। ଅତିକମରେ ୩୦ ମିନିଟ୍ ଅପେକ୍ଷା କରିବା ଆବଶ୍ୟକ। ବିଳମ୍ବରେ ବଜ୍ରପାତ ହୋଇପାରେ, ଏବଂ ଝଡ଼ ପୂରା ନଯିବା ପର୍ଯ୍ୟନ୍ତ ବିପଦ ରହିପାରେ। ଖରାପ ପାଗରେ ଭୂମି ସହିତ ସିଧାସଳଖ ଯୋଗାଯୋଗରୁ ଦୂରେଇ ରୁହନ୍ତୁ ଏବଂ ଖଟ କିମ୍ବା ବେଡରେ ଶୁଅନ୍ତୁ। କିମ୍ବା ଭୂମିରେ ଖାଲି ପାଦରେ ଚାଲନ୍ତୁ ନାହିଁ। ରବର ଚପଲ ବ୍ୟବହାର କରନ୍ତୁ।

ଏହା ଜାଣିବା ସହଜ ଯେ କେତେବେଳେ କାହାକୁ ବିଜୁଳି ଆଘାତ ଲାଗିବାକୁ ଯାଉଛି। ଏଥିପାଇଁ ଯେତେବେଳେ ବି ଆପଣ ଖରାପ ପାଗରେ ଘରୁ ବାହାରକୁ ଯାଆନ୍ତି କିମ୍ବା ଘର ଭିତରେ ରହନ୍ତି ଓ ଆପଣଙ୍କ ମୁଣ୍ଡରେ କେଶ ଛିଡା ହୁଏ ଓ ଚର୍ମ ଟାଙ୍କୁରିବା ଆରମ୍ଭ କରେ, ତେବେ ବୁଝନ୍ତୁ ଯେ ଆପଣଙ୍କୁ କରେଣ୍ଟ ଲାଗିପାରେ। ଏହି କାରଣରୁ ତୁରନ୍ତ ନଇଁପଡି ନିଜ କାନକୁ ନିଜ ହାତରେ ଢାଙ୍କି ନିଅନ୍ତୁ।