Short Story In Odia: 'ଜୀବନ ବୁଝିବାର ଦୁଇଟି ରାସ୍ତା'

Short Story In Odia: କାହାଣୀ ଶୁଣିବାକୁ କାହାକୁ ବା ଭଲ ନଲାଗେ। ବ୍ୟସ୍ତବହୁଳ ଜୀବନରେ ସମସ୍ତେ ଏବେ ଫୋନର ବ୍ୟବହାର ଅଧିକ କରୁଛନ୍ତି। ଆଉ ସେ ଜେଜେ ମା କାହାଣୀ ଶୁଣିବାକୁ ମିଳୁନି। ଏବେ ସଭିଁଏ କାହାଣୀ ପଢିବାକୁ ହେଲେ ଗୋଟିଏ କ୍ଲିକରେ ଫୋନରୁ ବୁଢୀ ମା କାହାଣୀ ସଂଗ୍ରହ କରିନେଉଛନ୍ତି। ଆଉ ଏହି ଚାହିଦାକୁ ନେଇ ଜୀ ଓଡ଼ିଶା ପରିବାର ପକ୍ଷରୁ ଏହି ସ୍ୱତନ୍ତ୍ର ପ୍ରୟାସ କରାଯାଉଛି। ଏଣିତକି ପ୍ରତିଦିନ ଏକ କୁନି କାହାଣୀକୁ ଆମେ ସ୍ଥାନ ଦେବାକୁ ଯାଉଛୁ। ପଞ୍ଚତନ୍ତ୍ର କାହାଣୀ ଠାରୁ ଆରମ୍ଭ କରି ନୀତିଶିକ୍ଷା ପର୍ଯ୍ୟନ୍ତ ସବୁ କିଛି ପାଇପାରିବେ ଗୋଟିଏ କ୍ଲିକ୍ ରେ...

Short Story In Odia: ପିଲାଟିଏ ଧୁ ଧୁ ଖରାବେଳେ ଖାଲିପାଦରେ ଚାଲି ଚାଲି ଫୁଲ ବିକ୍ରି କରୁଥାଏ । ଠିକ୍ ସେତିକି ବେଳେ ଜଣେ ଭଦ୍ରବ୍ୟକ୍ତି ପିଲାଟିକୁ ଓ ତାର କଷ୍ଟକୁ ନିରିଖି ଦେଖିଲେ ଆଉ ଦେଖୁ ଦେଖୁ ତାଙ୍କୁ ଭାରି କଷ୍ଟ ଲାଗିଲା। ସେଇଠୁ ସେ ସାଙ୍ଗେ ସାଙ୍ଗେ ପାଖ ଦୋକାନକୁ ଯାଇ ଏକ ବୁଟ୍ ଆଣି ସେହି ପିଲାଟିକୁ ଦେଲେ । ଆଉ କହିଲେ ପୁଅ- ବୁଟ୍ ଟା ପିନ୍ଧିନିଅ। ଫୁଲ ବିକ୍ରି କରୁଥିବା ପିଲାଟି ସାଙ୍ଗେ ସାଙ୍ଗେ ବୁଟ୍ କୁ ପିନ୍ଧିପକାଇଲା । 

ବୁଟ୍ ପିନ୍ଧିବା ପରେ ସେ ପିଲାର ମୁହଁରେ ହସ ଫୁଟିଲା । ଆଉ ଉପରକୁ ଚାହିଁ ସେ ଭଦ୍ରବ୍ୟକ୍ତିଙ୍କ ହାତକୁ ଧରି କହିଲା ଆପଣ ତ ଭଗବାନ ! ସଙ୍ଗେ ସଙ୍ଗେ ବ୍ୟକ୍ତି ଜଣକ ହଡବଡେଇ  କହିଲେ ନା- ନା ମୁଁ ଭଗବାନ ନୁହେଁ...ପୁଣିଥରେ ସେହି ପିଲାଟି ବ୍ୟକ୍ତିଙ୍କୁ କହିଲା ନହେଲେ ଆପଣ ନିଶ୍ଚିତ ଭାବେ ଭଗବାନଙ୍କ ସାଙ୍ଗ ହୋଇଥିବେ। କାରଣ ଗତକାଲି ରାତିରେ ହିଁ ମୁଁ ଭଗବାନଙ୍କୁ କହୁଥିଲି କି ହେ ପ୍ରଭୁ...! ମୋ ପାଦ ଖରାରେ ବହୁତ କଷ୍ଟ ପାଉଛି...ମୋତେ ଗୋଟେ ବୁଟ୍ ଦରକାର...

ସେହି ବ୍ୟକ୍ତି ଜଣଙ୍କ ଆଖିରେ ଲୁହ ଆସିଗଲା ଓ ସେ ହସିକି ପିଲାଟିର ମୁଣ୍ଡ ଉପରେ ହାତ ବୁଲାଇ ଚାଲିଗଲେ...ସେ ବ୍ୟକ୍ତି ଭାବିଲେ କି ଭଗବାନଙ୍କ ସାଙ୍ଗ ହେବା ଏତେ ବି କଷ୍ଟ ନୁହେଁ। ବାସ୍ ସେମିତି ମନ ଥିବା ଦରକାର।

ନୀତିଶିକ୍ଷା-: ଜନ୍ମ ହୋଇଛେ ଯେତେବେଳେ କିଛି ଦେଇକି ଯାଅ, ନଚେତ୍ ଛାଡ଼ିକି ଯାଅ
ସାଥୀରେ ନେଇକି ଯିବାର ବ୍ୟବସ୍ଥା ଏ ଦୁନିଆରେ ନାହିଁ...