Vande Bharat Express: ଆଜି ଦେଶରେ ଗଡି଼ବ ଆଉ ତିନୋଟି ବନ୍ଦେ ଭାରତ ଏକ୍ସପ୍ରେସ୍, ଜାଣନ୍ତୁ କେଉଁସବୁ ରୁଟ୍ ରେ ମିଳିବ ସେବା?

Vande Bharat Express: ଦେଶବାସୀଙ୍କ ପାଇଁ ଖୁସି ଖବର।  ଆଜି ଦେଶରେ ଗଡି଼ବ ଆଉ ତିନୋଟି ବନ୍ଦେ ଭାରତ ଏକ୍ସପ୍ରେସ୍ ।  ଆଜି ୩ଟି ବନ୍ଦେ ଭାରତ ଏକ୍ସପ୍ରେସ ଟ୍ରେନ୍ ର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେଥିମଧ୍ୟରେ ମିରଟ-ଲକ୍ଷ୍ମୌ, ମଦୁରାଇ-ବେଙ୍ଗାଲୁରୁ ଏବଂ  ଚେନ୍ନାଇ ଇଗମୋର ନାଗରକୋଏଲ ବନ୍ଦେ ଭାରତ ଏକ୍ସପ୍ରେସ୍ ରହିଛି। ଦକ୍ଷିଣ ରେଲଓ୍ବେ  ଜୋନରେ ଡ. ଏମଜିଆର୍ ଚେନ୍ନାଇ ସେଣ୍ଟ୍ରାଲ୍ ରେଲଓ୍ବେ ଷ୍ଟେସନ  ଏବଂ ମଦୁରାଇ ଜଙ୍କସନରେ ଏନେଇ କାର୍ଯ୍ୟକ୍ରମ ଆୟଜନ ହୋଇଛି। ସଦର୍ଣ୍ଣ ରେଲଓ୍ବେର ୨ ନୂଆ  ବନ୍ଦେ ଭାରତ ଏକ୍ସପ୍ରେସ ସେପ୍ଟମ୍ବର ୨ରୁ ଚଳାଚଳ ଆରମ୍ଭ କରିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବାହ୍ନ ୧୧ ଟାରେ ଭିଡିଓ କନଫରେସିଂ ଜରିଆରେ ଟ୍ରେନ୍ କୁ ସବୁଜ ପତାକା ଦେଖାଇବାର କାର୍ଯ୍ୟକ୍ରମ ରହିଛି । ସଦର୍ଣ୍ଣ ଜୋନରେ ୬ଟି ବନ୍ଦେ ଭାରତ ଏକ୍ସପ୍ରେସ୍ ଟ୍ରେନ୍ ଚାଲୁଛି। ତେବେ, ଆସନ୍ତୁ ଜାଣିବା କେଉଁ ସବୁ ରୁଟ୍ ରେ ମିଳିବ ସେବା...

ଚେନ୍ନାଇ ସେଣ୍ଟ୍ରାଲରୁ ନାଗରକୋଏଲ ବନ୍ଦେ ଭାରତ ଟ୍ରେନ୍ :

ନାଗରକୋଏଲ ପର୍ଯ୍ୟନ୍ତ ବନ୍ଦେ ଭାରତ ଟ୍ରେନ୍ ପ୍ରଥମେ ଚେନ୍ନାଇ ସେଣ୍ଟ୍ରାଲରୁ ଫ୍ଲାଗ୍ ହେବ । କିନ୍ତୁ ଚେନ୍ନାଇ ଇଗମୋରରୁ ନିୟମିତ ଚଳାଚଳ କରିବ । ବୁଧବାର ବ୍ୟତୀତ ଏହା ପ୍ରତିଦିନ ଚାଲିବ । ଏହି ବନ୍ଦେ ଭାରତ ଟ୍ରେନ୍ ସେବା ତୀର୍ଥଯାତ୍ରୀମାନଙ୍କୁ ( Meenakshi Amman Temple) ମୀନାକ୍ଷୀ ଆମନ ମନ୍ଦିର, ମଦୁରାଇ ଏବଂ କନ୍ୟା କୁମାରୀ ଯାତ୍ରାକୁ ଆହୁରି ସହଜ କରାଇବ।  

ଟ୍ରେନ୍ ଏହି ଷ୍ଟେସନଗୁଡିକ ଦେଇ ଯିବ :

ଟ୍ରେନ୍ ନମ୍ବର 20627 ଚେନ୍ନାଇ ଇଗମୋରରୁ ସକାଳ ୫ ଟାରେ ଯାତ୍ରା କରିବ ଏବଂ ରାତି ୧.୫୦ ରେ ନାଗରକୋଏଲରେ ପହଞ୍ଚିବ । ଏହି ଅବଧି ମଧ୍ୟରେ ଏହା ତାମ୍ବରମ୍, ଭିଲୁପୁରମ୍, ତିରୁଚିରାପଲ୍ଲୀ, ଦିନ୍ଦୁଗୁଲ୍, ମଦୁରାଇ, କୋଭିଲପାଟ୍ଟି ଏବଂ ତିରୁନେଲଭେଲି ଠାରେ ଅଟକି ରହିବ । ରିଟର୍ଣ୍ଣ ଟ୍ରେନ୍ (ନମ୍ବର 20628) ରାତି ୨ଟା ୨୦ ରେ ନାଗରକୋଏଲରୁ ବାହାରି ୧୧ଟା ଚେନ୍ନାଇରେ ପହଞ୍ଚିବ ।

ମଦୁରାଇରୁ ବେଙ୍ଗାଲୁରୁ କ୍ୟାଣ୍ଟନମେଣ୍ଟ ବନ୍ଦେ ଭାରତ ଟ୍ରେନ୍:

ମଦୁରାଇ ଏବଂ ବେଙ୍ଗାଲୁରୁ କ୍ୟାଣ୍ଟନମେଣ୍ଟ ମଧ୍ୟରେ ବନ୍ଦେ ଭାରତ ଟ୍ରେନ୍ ମଙ୍ଗଳବାର ବ୍ୟତୀତ ସପ୍ତାହରେ ସବୁଦିନ ଚାଲିବ। ଏହି ଟ୍ରେନ୍ ସେବା କର୍ଣ୍ଣାଟକର ରାଜଧାନୀ ବେଙ୍ଗାଲୁରୁ ସହରକୁ ସଂଯୋଗ କରିବ। ଟ୍ରେନ୍ ନମ୍ବର 20671 ସକାଳ ୫ଟା ୧୫ ରେ ମଦୁରାଇରୁ ବାହାରି ବେଙ୍ଗାଲୁରୁ କ୍ୟାଣ୍ଟନମେଣ୍ଟରେ ପହଞ୍ଚିବ। ଡିଣ୍ଡିଗୁଲ, ତିରୁଚିରାପଲ୍ଲୀ, କରୁର, ନମକକାଲ, ସାଲେମ୍ ଏବଂ କୃଷ୍ଣରାଜପୁରରେ ଅଟକି ରହିବ। ଏହାର ପ୍ରତିବଦଳରେ (ଟ୍ରେନ୍ ନମ୍ବର 20672), ଏହା ବେଙ୍ଗାଲୁରୁରୁ ରାତି ୧ଟା ୩୦ ରେ ଛାଡି ରାତି ୯ଟା ୪୫ ରେ ମଦୁରାଇରେ ପହଞ୍ଚିବ ।

ମେରଟ-ଲକ୍ଷ୍ନୌ ବନ୍ଦେ ଭାରତ ଏକ୍ସପ୍ରେସ୍:

ମେରଟ-ଲକ୍ଷ୍ନୌ ବନ୍ଦେ ଭାରତ ଏକ୍ସପ୍ରେସ୍ ରବିବାର ଦିନ ଲକ୍ଷ୍ନୌରୁ ଏବଂ ସୋମବାର ମେରୁଟରୁ ଏହାର ନିୟମିତ ସେବା ଆରମ୍ଭ କରିବ। ମଙ୍ଗଳବାର ବ୍ୟତୀତ ଏହା ସପ୍ତାହରେ ଛଅ ଦିନ ଚାଲିବ । ଏହି  ବନ୍ଦେ ଭାରତ ଟ୍ରେନ୍ ଦିଗାମ୍ବର ଜୈନ ମନ୍ଦିର (Digambar Jain Temple), ମନସା ଦେବୀ ମନ୍ଦିର, ସୁରଜକୁଣ୍ଡ ମନ୍ଦିର ଏବଂ ଅଗୁରନାଥ ମନ୍ଦିର ପରି ତୀର୍ଥସ୍ଥାନକୁ ଯାତ୍ରା ସହଜ ହେବ। ଟ୍ରେନ୍ 22490 ମେରୁଟ୍ ସିଟିରୁ ସକାଳ ୬ଟା ୩୫ରେ ଛାଡି ଲକ୍ଷ୍ନୌର (Charbagh Railway Station) ଚାର୍ବାଗ ରେଳ ଷ୍ଟେସନରେ ଅପରାହ୍ନ ୧ଟା ୪୫ ରେ ପହଞ୍ଚିବ। ଏହି ଟ୍ରେନ୍ ମୋରାଦାବାଦ ଏବଂ ବରେଲି ଠାରେ ଅଟକିବ। ଏହାର ପ୍ରତିବଦଳରେ (ଟ୍ରେନ୍ ନମ୍ବର 22489) ଏହି ଟ୍ରେନ୍ ଚାର୍ବାଗ ରେଳ ଷ୍ଟେସନରୁ ରାତି ୨ଟା ୪୫ରେ ଛାଡି ରାତି ୧୦.୦୦ ରେ ମେରଟ ସିଟିରେ ପହଞ୍ଚିବ ।