WhatsApp: ଦୀପାବଳିରେ ପରେ ଏସବୁ ପୁରୁଣା ଫୋନରେ କାମ କରିବନାହିଁ ହ୍ୱାଟସ୍ ଆପ୍, ଦେଖନ୍ତୁ ପୂରା ଲିଷ୍ଟ

WhatsApp Update: ମେସେଜିଂ ପ୍ଲାଟଫର୍ମ ହ୍ୱାଟସ୍ ଆପ୍ ସପୋର୍ଟ ଆସନ୍ତା ସପ୍ତାହରୁ ପୁରୁଣା ଆଇଫୋନ୍ ମଡେଲରେ ଉପଲବ୍ଧ ହେବା ବନ୍ଦ ହୋଇଯିବ । ଅର୍ଥାତ ଉପଭୋକ୍ତାମାନଙ୍କୁ iOS ର ଏକ ନୂଆ ଭର୍ସନ ଇନଷ୍ଟଲ କରିବାକୁ କିମ୍ବା ସ୍ମାର୍ଟଫୋନ୍ ଅପଗ୍ରେଡ୍ କରିବାକୁ ପଡିବ ।

WhatsApp Update: ଆପଣ ଯଦି ଦୀର୍ଘ ସମୟ ଧରି ଆପଣଙ୍କର ପୁରୁଣା ଫୋନକୁ ଅପଗ୍ରେଡ୍ କରିନାହାଁନ୍ତି ଓ ହ୍ୱାଟସ୍ ଆପ୍ ବ୍ୟବହାର କରି ଆସୁଛନ୍ତି, ତେବେ ଆପଣଙ୍କ ପାଇଁ ଏକ ଖରାପ ଖବର ଅଛି । ଖବର ଅନୁଯାୟୀ ଦୀପାବଳି ପରେ ହ୍ୱାଟସ୍ ଆପ୍ (WhatsApp) ପୁରୁଣା ଆଇଫୋନ୍ ମଡେଲ ଗୁଡିକରେ କାମ କରିବା ବନ୍ଦ ହୋଇଯିବ । ଏପରି ପରିସ୍ଥିତିରେ, ଉପଭୋକ୍ତାମାନଙ୍କ ପାଖରେ iOS କୁ ଲଟେଷ୍ଟ ଭର୍ସନରେ ଅପଡେଟ୍ କରିବାକୁ କିମ୍ବା ସେମାନଙ୍କ ଡିଭାଇସ୍ ଅପଗ୍ରେଡ୍ କରିବାକୁ ବିକଳ୍ପ ରହିବ ।

ଯଦି ଆପଣ ଆପଣଙ୍କର ପୁରୁଣା ଆପଲ୍ ଡିଭାଇସ୍ ଅପଗ୍ରେଡ୍ କରନ୍ତି ନାହିଁ, ତେବେ ଆପଣ ଏହି ମେସେଜିଂ ଆପ୍ ଚଲାଇବାରେ ସାମର୍ଥ୍ୟ ହେବେ ନାହିଁ । ଯଦିଓ ଏହା କେବଳ ପୁରୁଣା ଆଇଫୋନ୍ ମଡେଲଗୁଡିକ ସହିତ ଘଟିବ । କମ୍ପାନୀ କହିଛି ଯେ ଆଇଓଏସ୍ ୧୦ ଓ ଆଇଓଏସ୍ ୧୧ ରେ କାମ କରୁଥିବା ଆଇଫୋନ୍ ମଡେଲଗୁଡିକ ବର୍ତ୍ତମାନ ହ୍ବାଟସ ଆପ୍ ପାଇଁ ନିଜର ସପୋର୍ଟ କରିବା ଶେଷ କରିବାକୁ ଯାଉଛି । ଏହି ପରିବର୍ତ୍ତନ ଅକ୍ଟୋବର ୨୪ ରୁ କାର୍ଯ୍ୟକାରୀ ହେବାକୁ ଯାଉଛି ।

ମେଟା ମାଲିକାନା ଆପ୍ ଏହାର ଉପଭୋକ୍ତାମାନଙ୍କୁ ମଧ୍ୟ କହିଛି ଯେ ଯଦି ସେମାନେ iOS ୧୦ କିମ୍ବା iOS ୧୧ ସଂସ୍କରଣ ସହିତ ଏକ ଆଇଫୋନ୍ ବ୍ୟବହାର କରୁଛନ୍ତି ତେବେ ସେମାନେ ହ୍ୱାଟସ୍ ଆପ୍ ବ୍ୟବହାର କରିପାରିବେ ନାହିଁ । ହ୍ୱାଟସ୍ ଆପ୍ ହେଲ୍ପ ସେଣ୍ଟର ପେଜରେ, ଉପଭୋକ୍ତାମାନଙ୍କୁ ଡିଭାଇସ୍ iOS ୧୨ କିମ୍ବା ତଦୁର୍ଦ୍ଧକୁ ଅପଡେଟ୍ କରିବାକୁ ପରାମର୍ଶ ଦିଆଯାଇଛି ।

ଭଲ କଥା ହେଉଛି ଏହି ପରିବର୍ତ୍ତନ ଦ୍ୱାରା ପ୍ରଭାବିତ ଆଇଫୋନ୍ ବ୍ୟବହାରକାରୀଙ୍କ ସଂଖ୍ୟା ବହୁତ କମ୍ ଅଟେ । ଆଇଫୋନ୍ ୫ କିମ୍ବା ଆଇଫୋନ୍ 5C ବ୍ୟବହାର କରୁଥିବା ଉପଭୋକ୍ତାମାନେ ହ୍ୱାଟସ୍ ଆପର ଲଟେଷ୍ଟ ଭର୍ସନରେ ସେମାନଙ୍କର iOS ଅପଡେଟ୍ କରି ଆପ୍ ବ୍ୟବହାର ଜାରି ରଖିବାରେ ସକ୍ଷମ ହେବେ । ଏଥି ସହିତ, ଯେଉଁମାନେ ଆଇଫୋନ୍ ୪ କିମ୍ବା ଆଇଫୋନ୍ ୪S ବ୍ୟବହାର କରୁଛନ୍ତି ସେମାନଙ୍କୁ ହ୍ୱାଟସ୍ ଆପ ବ୍ୟବହାର କରିବା ପାଇଁ ଏକ ନୂତନ ଫୋନ୍ କିଣିବାକୁ ପଡିବ ।

ହ୍ୱାଟସ୍ ଆପ୍ କ୍ରମାଗତ ଭାବରେ ଉନ୍ନତ ଗୋପନୀୟତା, ଫିଚର ଏବଂ ଉପଭୋକ୍ତା ଇଣ୍ଟରଫେସ୍ ଉପରେ କାର୍ଯ୍ୟ ଜାରି ରଖେ । ମେସେଜିଂ ଆପ୍ ଅତ୍ୟାଧୁନିକ ଆଣ୍ଡ୍ରଏଡ୍ ଏବଂ ଆଇଓଏସ୍ ଅପରେଟିଂ ସିଷ୍ଟମ ଉପରେ ଧ୍ୟାନ ଦେବାର ଏହା ହେଉଛି ଏକ କାରଣ । ପୁରୁଣା ଆଇଫୋନ୍ ମଡେଲ ବ୍ୟବହାର କରୁଥିବା ଉପଭୋକ୍ତାଙ୍କ ସଂଖ୍ୟା ମଧ୍ୟ ନୂତନତମ iOS ଏବଂ ଆପ୍ ଭର୍ସନ ବ୍ୟବହାର କରୁଥିବା ଉପଭୋକ୍ତାମାନଙ୍କ ତୁଳନାରେ ବହୁତ କମ୍ ଅଟେ ।