କଣ୍ଟାକ୍ଟ ଲେନ୍ସ ଖୋଳରେ ଡ୍ରଗ୍ସ ଲୁଚାଇଥିଲେ ଅଭିଯୁକ୍ତ; NCB ହେପାଜତରେ ଶାହାରୁଖ ଖାନଙ୍କ ପୁଅ

ଅଭିଯୁକ୍ତଙ୍କୁ ପଚରାଉଚରା ପାଇଁ ଏନସିବି ଅତିକମରେ ତିନି ଦିନ ପାଇଁ ରିମାଣ୍ଡରେ ନେଇପାରେ । ନାର୍କୋଟିକ୍ସ ଆକ୍ଟ ଅନୁଯାୟୀ ଆର୍ୟନ୍ ଖାନଙ୍କୁ ଗିରଫ କରାଯାଇଛି ।

Aryan Khan Arrest In Drug Case: ନିଷିଦ୍ଧ ନିଶା ଦ୍ରବ୍ୟର ବ୍ୟବହାର, ବିକ୍ରୟ ଓ କ୍ରୟରେ ଜଡିତ ଥିବାରୁ ଆର୍ୟନ୍ ଖାନଙ୍କୁ ଆଜି ଅପରାହ୍ନ ୨ ଟାରେ ଗିରଫ କରାଯାଇଥିଲା । ଏହି ସମୟରେ ତାଙ୍କଠାରୁ ୧୩ ଗ୍ରାମ କୋକେନ, ୫ ଗ୍ରାମ MD, ୨୧ ଗ୍ରାମ ଚରସ ଓ 22 MDMA ଟାବଲେଟ ଓ ୧.୩୩ ଲକ୍ଷ ଟଙ୍କା ଜବତ କରଯାଇଥିଲା । ଯେଉଁକରଣରୁ NCB ଆର୍ୟନଙ୍କୁ ଗିରଫ କରିଛି ।

ଏକ କ୍ରୁଜରେ ଡ୍ରଗ୍ସ ପାର୍ଟି (Mumbai Drug Case) ମାମଲାରେ ଅଭିନେତା ଶାହାରୁଖ ଖାନଙ୍କ ପୁଅ ଆର୍ୟନ୍ ଖାନଙ୍କୁ ଏନସିବି ଟିମ୍ ଗିରଫ (Aryan Khan Arrest In Drug Case) କରିଛି । ଏନସିବି ଟିମ୍ ଆର୍ୟନଙ୍କ ସମେତ ତିନି ଜଣଙ୍କୁ ଗିରଫ କରିଛି । ଆର୍ୟନ୍ ଖାନଙ୍କୁ ମଧ୍ୟ ମେଡିକାଲକୁ ଯାଞ୍ଚ ପାଇଁ ନିଆଯାଇଥିଲା । ଡ୍ରଗ୍ସ ପାର୍ଟି ଯୋଗୁଁ 8 ଜଣଙ୍କୁ ଅଟକ ରଖାଯାଇଥିଲା । ଚାରିଜଣ ଅଭିଯୁକ୍ତଙ୍କ ନିକଟରୁ ଚରସ, MDMA, MD ଓ କୋକେନ ସମେତ ଅନ୍ୟ ଡ୍ରଗ୍ସ ଜବତ କରାଯାଇଥିଲା ।

ବର୍ତ୍ତମାନ ଗିରଫ ଅଭିଯୁକ୍ତଙ୍କୁ ପାଇଁ ମେଡିକାଲ ଯାଞ୍ଚ କରାଯାଇଛି । ତାଙ୍କୁ ଡାକ୍ତରୀ ପରୀକ୍ଷା ପାଇଁ ମୁମ୍ବାଇର ଜେଜେ ହସ୍ପିଟାଲକୁ ନିଆଯାଇଥିଲା । ଅଭିଯୁକ୍ତଙ୍କୁ  ଦୁର୍ଗ କୋର୍ଟରେ ହାଜର କରାଯାଇପାରେ । ସେଠାରେ ତାଙ୍କୁ ପୋଲିସ ରିମାଣ୍ଡରେ ନିଆଯାଇପାରେ । ତେବେ ଏହି ରିମାଣ୍ଡ କେତେ ଦିନ ହେବ, ଏହା କୋର୍ଟର ହଜାର ହେବା ପରେ ହିଁ ସ୍ପଷ୍ଟ ହୋଇଯିବ । ଅଭିଯୁକ୍ତଙ୍କୁ ପଚରାଉଚରା ପାଇଁ ଏନସିବି ଅତିକମରେ ତିନି ଦିନ ରିମାଣ୍ଡରେ ନେଇପାରେ । ନାର୍କୋଟିକ୍ସ ଆକ୍ଟ ଅନୁଯାୟୀ ଆର୍ୟନ୍ ଖାନଙ୍କୁ ଗିରଫ କରାଯାଇଛି ।

ଏହା ବି ପଢ଼ନ୍ତୁ: ଟି -୨୦ ବିଶ୍ୱକପରେ ହାର୍ଦ୍ଦିକ ପାଣ୍ଡ୍ୟାଙ୍କ ଖେଳିବାକୁ ନେଇ ଆସିଲା ବଡ଼ ଅପଡ଼େଟ୍

ଜବତ ହୋଇଛି ଆର୍ୟନ୍ ଖାନଙ୍କ ମୋବାଇଲ୍ 
ଗିରଫ ହେବା ସହିତ ଏନସିବି ଆର୍ୟନ୍ ଖାନଙ୍କ ମୋବାଇଲକୁ ଜବତ କରିଛି । ତାଙ୍କ ଚାଟକୁ ମଧ୍ୟ ଯାଞ୍ଚ କରାଯିବା ଆରମ୍ଭ ହୋଇଛି । ଏହାପୂର୍ବରୁ ଆର୍ୟନଙ୍କୁ 12 ଘଣ୍ଟାରୁ ଅଧିକ ସମୟ ଧରି ଏନସିବି ପଚରାଉଚରା କରିଥିଲା । ଆର୍ୟନ୍ ଖାନ୍, ମୁମୁନ୍ ଭାନେଜା ଓ ଅରବାଜ୍ ମର୍ଚାଣ୍ଟଙ୍କ ସମେତ ଚାରି ଜଣଙ୍କ ଡାକ୍ତରୀ ପରୀକ୍ଷା କରାଯାଉଛି । କୋର୍ଟରେ ହାଜର ହେବା ପରେ ଜଣାପଡିବ ଯେ ଆର୍ୟନ୍ ଖାନଙ୍କ ସମେତ ସମସ୍ତ ଅଭିଯୁକ୍ତଙ୍କୁ ପୋଲିସ ହେପାଜତକୁ ପଠାଯିବ ନା ନ୍ୟାୟିକ ହେପାଜତକୁ ପଠାଯିବ ।