ଟି -୨୦ ବିଶ୍ୱକପରେ ହାର୍ଦ୍ଦିକ ପାଣ୍ଡ୍ୟାଙ୍କ ଖେଳିବାକୁ ନେଇ ଆସିଲା ବଡ଼ ଅପଡ଼େଟ୍

ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ନିଜ ବୋଲିଂ ଓ ଫିଟନେସ ବିଷୟରେ ଏକ ବଡ଼ ଖୁଲାସା କରିଛନ୍ତି, ସେ କେବେ ବୋଲିଂ କରିବେ ସେ ନିଜେ କହିଛନ୍ତି ।

ନୂଆଦିଲ୍ଲୀ: ଟିମ୍ ଇଣ୍ଡିଆର (Team India) ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ (Hardik Pandya) ବିଷୟରେ ଏକ ବଡ ଅପଡ଼େଟ୍ ସାମ୍ନାକୁ ଆସିଛି । ୟୁଏଇରେ ଚାଲିଥିବା ଆଇପିଏଲ୍ ୨୦୨୧ (IPL-2021) ର ଦ୍ୱିତୀୟ ପର୍ଯ୍ୟାୟରେ ହାର୍ଦ୍ଦିକ ପାଣ୍ଡ୍ୟା ବର୍ତ୍ତମାନ ମୁମ୍ବାଇ ଇଣ୍ଡିଆନ୍ସ (Mumbai Indians) ଦଳ ତରଫରୁ ଖେଳୁଛନ୍ତି । ଚଳିତ ଆଇପିଏଲ ସିଜିନରେ ହାର୍ଦ୍ଦିକଙ୍କ ବ୍ୟାଟ୍ ଶାନ୍ତ ରହିଛି । ଟି -୨୦ ବିଶ୍ୱକପରେ (T20 World Cup) ହାର୍ଦ୍ଦିକଙ୍କ ଖେଳିବାକୁ ନେଇ ଅନେକ ଖବର ସାମ୍ନାକୁ ଆସୁଛି, ଯେଉଁଥିରେ ତାଙ୍କୁ ଟି-୨୦ ବିଶ୍ୱକପ ଦଳରୁ ଡ୍ରପ କରାଯାଇପାରେ ବୋଲି କୁହାଯାଉଛି । ଏହାର ଜବାବରେ ହାର୍ଦ୍ଦିକ ନିଜେ କହିଛନ୍ତି ଯେ ସେ କେବେ ବୋଲିଂ କରିବେ ।

ପାଣ୍ଡ୍ୟା କହିଲେ କେତେବେଳେ କିରବେ ବୋଲିଂ
ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ହୋଇଥିବା ମ୍ୟାଚରେ ମୁମ୍ବାଇ ଇଣ୍ଡିଆନ୍ସକୁ ପୁଣିଥରେ ପରାଜୟର ସାମ୍ନା କରିବାକୁ ପଡିଛି । ଶେଷ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ମଧ୍ୟ ବୋଲିଂ କରିନଥିଲେ । ତାଙ୍କ ବୋଲିଂ ଉପରେ ଏକ ଅପଡେଟ୍ ଦେଇ ପାଣ୍ଡ୍ୟା କହିଛନ୍ତି ଯେ ସେ ଯଥାସମ୍ଭବ ବୋଲିଂ କରିବାକୁ ଚେଷ୍ଟା କରୁଛନ୍ତି ଓ ଖୁବ୍ ଶୀଘ୍ର ତାଙ୍କୁ ବୋଲିଂ କରୁଥିବା ଦେଖିବାକୁ ମିଳିବ । ଆମେ ଆପଣଙ୍କୁ କହି ରଖୁଛୁ ଯେ ହାର୍ଦ୍ଦିକ ପାଣ୍ଡ୍ୟା ଏହି ପୂରା ଆଇପିଏଲ ସିଜନରେ ଏପର୍ଯ୍ୟନ୍ତ ଗୋଟିଏ ମ୍ୟାଚ୍‌ରେ ବୋଲିଂ କରିନାହାଁନ୍ତି ଓ ବ୍ୟାଟିଂରେ ମଧ୍ୟ ବିଶେଷ କିଛି ଖାସ କରି ପାରିନାହାଁନ୍ତି । ଏଭଳି ପରିସ୍ଥିତିରେ ଅନୁମାନ କରାଯାଉଥିଲା ଯେ ଯଦି ଏହିଭଳି ପରିସ୍ଥିତି ଜାରି ରହେ ତେବେ ହାର୍ଦ୍ଦିକଙ୍କୁ ବିଶ୍ୱକପ ଦଳରୁ ମଧ୍ୟ ଡ୍ରପ କରି ଦିଆଯାଇପାରେ ।

ଏହା ବି ପଢ଼ନ୍ତୁ: ବେଙ୍ଗଲରେ TMC ର ବାଜିମାତ, ଭବାନୀପୁରରୁ ୫୮ ହଜାର ଭୋଟରେ ଜିତିଲେ ମମତା

ପଞ୍ଜାବ କିଙ୍ଗସ ବିପକ୍ଷ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ୪୦ ରନ୍ ସଂଗ୍ରହ କରିଥିଲେ । ହାର୍ଦ୍ଦିକ କହିଛନ୍ତି ଯେ ଏହି ଇନିଂସ ତାଙ୍କ ଆତ୍ମବିଶ୍ୱାସକୁ ବଢ଼ାଇ ଦେଇଛି କାରଣ କେବଳ ରନ୍ ସ୍କୋର କରିବା ଆତ୍ମବିଶ୍ୱାସ ବଢ଼ାଇଥାଏ । ମୁମ୍ବାଇ ଇଣ୍ଡିଆନ୍ସ ପଞ୍ଜାବ କିଙ୍ଗସ ବିପକ୍ଷ ମ୍ୟାଚରେ ଜିତିଥିଲା ​​କିନ୍ତୁ ଦିଲ୍ଲୀ କ୍ୟାପିଟାଲ୍ସ ମୁମ୍ବାଇକୁ ୪ ୱିକେଟରେ ପରାସ୍ତ କରିଥିଲା । ପଏଣ୍ଟ ଟେବୁଲରେ ମୁମ୍ବାଇ ସପ୍ତମ ସ୍ଥାନରେ ରହିଛି । ବର୍ତ୍ତମାନ ମୁମ୍ବାଇକୁ ପ୍ଲେ ଅଫକୁ ଯିବାକୁ ହେଲେ ଦଳକୁ ଏହାର ପରବର୍ତ୍ତୀ ଉଭୟ ମ୍ୟାଚକୁ ଜିତିବାକୁ ପଡିବ । 

ଏହା ବି ପଢ଼ନ୍ତୁ: SBI ଦେଉଛି ବିଶେଷ ଅଫର! ୩୪୨ ଟଙ୍କା ଦେଇ ନେଇପାରିବେ ୪ ଲକ୍ଷ ଟଙ୍କାର ଲାଭ, ଜାଣନ୍ତୁ ଡିଟେଲ୍ସ

ହାର୍ଦ୍ଦିକକୁ ଏହି ବୟାନ ଦେଲେ ମୁମ୍ବାଇ କୋଚ୍ 
ହାର୍ଦ୍ଦିକ ପାଣ୍ଡ୍ୟାଙ୍କ ଫିଟନେସ ଓ ବୋଲିଂ ସମ୍ପର୍କରେ ମୁମ୍ବାଇ ଇଣ୍ଡିଆନ୍ସ କୋଚ୍ ମହେଲା ଜୟବର୍ଦ୍ଧନ କହିଛନ୍ତି ଯେ ଆମେ ତାଙ୍କୁ ବୋଲିଂ କରିବାକୁ ବାଧ୍ୟ କରିପାରିବୁ ନାହିଁ । କିଛି ଦିନ ପରେ, ଟି -୨୦ ବିଶ୍ୱକପ ଆରମ୍ଭ ହେବାକୁ ଯାଉଛି, ତେଣୁ ତାଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିପାରେ । ଏହାପୂର୍ବରୁ ଟି -୨୦ ବିଶ୍ୱକପ ପାଇଁ ଦଳରେ ହାର୍ଦ୍ଦିକ ପାଣ୍ଡ୍ୟା ଚୟନ ଉପରେ ଚୟନକର୍ତ୍ତା ଚେତନ ଶର୍ମା କହିଥିଲେ ଯେ ହାର୍ଦ୍ଦିକ ପାଣ୍ଡ୍ୟା ସମ୍ପୂର୍ଣ୍ଣ ଫିଟ୍ ଓ ବୋଲିଂ କରିବାକୁ ପ୍ରସ୍ତୁତ ।