Taj Mahal 22 Underground Rooms Secret: ପର୍ଯ୍ୟଟନ ବିଭାଗ ସହିତ ଜଡିତ ସୂତ୍ର ଦାବି କରିଛି ଯେ, ଦେଶରେ ଏହି କଠୋରୀର ସାମଗ୍ରୀ ବିଷୟରେ ଭୁଲ ସୂଚନା ପ୍ରସାରକୁ ରୋକିବା ପାଇଁ ଏସବୁ ଫଟୋ ସର୍ବସାଧାରଣ ଡୋମେନରେ ଜାରି କରାଯାଇଛି । ଏହି କୋଠରୀ ଖୋଲିବା ପାଇଁ ଡଃ ରଜନୀଶ କୁମାରଙ୍କ ଦ୍ୱାରା ଦାଖଲ ହୋଇଥିବା ପିଏଲଏକୁ ଆହ୍ଲାବାଦ ହାଇକୋର୍ଟ ଖାରଜ କରିଦେଇଥିଲେ ।
Trending Photos
5
10
12
12 "ସାମ୍ନାକୁ ଆସିଲା ତାଜମହଲର ୨୨ଟି ବନ୍ଦ କୋଠରୀର ରହସ୍ୟ")
ନୂଆଦିଲ୍ଲୀ: Taj Mahal 22 Underground Rooms Secret: ଉତ୍ତର ପ୍ରଦେଶ (Uttar Pradesh) ର ଦୁଇଟି ବଡ଼ ଜିଲ୍ଲାରୁ ୨ଟି ବଡ଼ ମାମଲା ସାମ୍ନାକୁ ଆସିଛି । ବାରାଣାସୀ (Varanasi) ର ଜ୍ଞାନବାପି ମସଜିଦ (Gyanvapi Masjid) ରେ ଶିବ ଲିଙ୍ଗ (Shivling) ମିଳିବାର ଦାବି କରାଯାଉଥିବା ବେଳେ ଆଗ୍ରା (Agra) ର ତାଜମହଲ ଭିତରେ ଥିବା ୨୨ ରୁମର ରହସ୍ୟ ଉନ୍ମୋଚନ କରିବାକୁ ASI ନିଜର ରିପୋର୍ଟ ଦାଖଲ କରିଛି । ତାଜମହଲ (Taj Mahal) ର ବନ୍ଦ ପଡ଼ିଥିବା ୨୨ଟି କୋଠରୀ (Taj Mahal 22 Underground Rooms Secret) ରେ କ'ଣ ଅଛି ତାହା ଜଣା ପଡିଛି । ଭାରତର ପ୍ରତ୍ନତତ୍ତ୍ୱ ସର୍ବେକ୍ଷଣ ଦ୍ୱାରା ଏହି କୋଠରୀଗୁଡ଼ିକର ଫଟୋ ଜାରି କରାଯାଇଛି । ଏହି କୋଠରୀଗୁଡ଼ିକ ଉପରେ ବିବାଦ ଦୀର୍ଘ ଦିନ ଧରି ଚାଲିଆସୁଛି ।
ଆଗ୍ରା ASI ମୁଖ୍ୟ ଆରକେ ପଟେଲଙ୍କ ଅନୁଯାୟୀ, ଫଟୋଗୁଡ଼ିକ ASI ୱେବସାଇଟରେ ଜାନୁୟାରୀ ୨୦୨୨ ନ୍ୟୁଜଲେଟର ଆକାରରେ ମଧ୍ୟ ଉପଲବ୍ଧ ଅଛି, କେହି ବି ଏହି ଫଟୋଗୁଡ଼ିକୁ ଏହି ୱେବସାଇଟ୍ ଭିଜିଟ କରି ଦେଖିପାରିବେ । ଏହି ବନ୍ଦ କୋଠରୀଗୁଡ଼ିକରେ ନବୀକରଣ କାର୍ଯ୍ୟ କରାଯାଇଥିବା କୁହାଯାଇଛି । ଏହି କାମରେ ପ୍ରାୟ ୬ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା । ଏଥିସହିତ ପର୍ଯ୍ୟଟନ ଶିଳ୍ପର ସୂତ୍ରରୁ ପ୍ରକାଶ ଯେ ଏହି କୋଠରୀଗୁଡ଼ିକରେ କ’ଣ ଅଛି ତାହା ଉପରେ ଗୁଜବ ସୃଷ୍ଟି ନ ହେଉ, ସେଥିପାଇଁ ଏହି ଫଟୋଗୁଡ଼ିକ ସାର୍ବଜନୀନ କରାଯାଇଛି ।
ପର୍ଯ୍ୟଟନ ବିଭାଗ ସହିତ ଜଡିତ ସୂତ୍ର ଦାବି କରିଛି ଯେ, ଦେଶରେ ଏହି କଠୋରୀର ସାମଗ୍ରୀ ବିଷୟରେ ଭୁଲ ସୂଚନା ପ୍ରସାରକୁ ରୋକିବା ପାଇଁ ଏସବୁ ଫଟୋ ସର୍ବସାଧାରଣ ଡୋମେନରେ ଜାରି କରାଯାଇଛି । ଏହି କୋଠରୀ ଖୋଲିବା ପାଇଁ ଡଃ ରଜନୀଶ କୁମାରଙ୍କ ଦ୍ୱାରା ଦାଖଲ ହୋଇଥିବା ପିଏଲଏକୁ ଆହ୍ଲାବାଦ ହାଇକୋର୍ଟ ଖାରଜ କରିଦେଇଥିଲେ । ଏହି ବନ୍ଦ କୋଠରୀଗୁଡ଼ିକରେ ପ୍ଲାଷ୍ଟର ଓ ଚୂନ ପ୍ୟାନିଂ ସହିତ ବ୍ୟାପକ ମରାମତି କାର୍ଯ୍ୟ ଦେଖାଯାଇଛି । ASI ସୂତ୍ରରୁ ଏହା ଜଣାପଡିଛି ଯେ ଏହି ମରାମତି କାର୍ଯ୍ୟ ପାଇଁ ୬ ଲକ୍ଷ ଟଙ୍କା ଖର୍ଚ୍ଚ ହୋଇଛି ।
ଏହା ବି ପଢ଼ନ୍ତୁ:-ଭାରତର ଏହି ରେଳ ଟ୍ରାକ୍ ଉପରେ ଆଜି ବି ବ୍ରିଟିଶଙ୍କ ରହିଛି ଅଧିକାର! ସରକାରଙ୍କୁ ଦେବାକୁ ପଡ଼େ ପ୍ରତିବର୍ଷ ଟିକସ
ଏହା ବି ପଢ଼ନ୍ତୁ:-ୟୁକ୍ରେନ ପରେ ବର୍ତ୍ତମାନ ଏହି ଦେଶକୁ ଆକ୍ରମଣ ପାଇଁ ପ୍ରସ୍ତୁତ ହେଉଛି ଋଷ, ବର୍ଡରକୁ ପଠାଇଲା ଭୟଙ୍କର ପରମାଣୁ କ୍ଷେପଣାସ୍ତ୍ର
ଏହା ବି ପଢ଼ନ୍ତୁ:-ଏସବୁ ଦେଶରେ ରହିଛି ଭାରତର ମିଲିଟ୍ରୀ ବେସ୍, ଦେଖନ୍ତୁ ପୁରା ତାଲିକା
ଏଠାରେ କହି ରଖୁଛୁ ଯେ, ହାଇକୋର୍ଟ କଡ଼ା ତାଗିଦ କରି ଆବେଦନକାରୀଙ୍କୁ କହିଥିଲେ ଯେ, ଆପଣଙ୍କୁ ଯେଉଁ ବିଷୟ ଉପରେ ଜଣାନାହିଁ, ତାହା ଉପରେ ଆପଣ ଗବେଷଣା କରନ୍ତୁ । ଯାଆନ୍ତୁ MA କରିବେ, PhD କରନ୍ତୁ, ଯଦି କୌଣସି ଅନୁଷ୍ଠାନ ଆପଣଙ୍କୁ ଅନୁସନ୍ଧାନ କରିବାକୁ ଅନୁମତି ଦେଉ ନାହିଁ, ତେବେ ଆମ ପାଖକୁ ଆସନ୍ତୁ । ହାଇକୋର୍ଟ ସ୍ପଷ୍ଟ କରିଛନ୍ତି ଯେ, ଆମେ ଏହି ପିଟିସନର ଶୁଣାଣିକୁ ଆଗକୁ ବଢ଼ାଇବୁ ନାହିଁ, ଆପଣ ତାଜମହଲର ୨୨ କୋଠରୀର ସୂଚନା କାହାଠାରୁ ମାଗିଛନ୍ତି?
