ଦିଲ୍ଲୀ ଦଙ୍ଗା ଘଟଣାରେ ଆସିଲା ଭୀମ ଆର୍ମୀ-ପିଏଫଆଇ ଲିଙ୍କ୍!

ନୂଆଦିଲ୍ଲୀ: ସଂଶୋଧିତ ନାଗରିକତା ଆଇନ-ସିଏଏ (CAA-Citizenship Amendment Act),ଜାତୀୟ ନାଗରିକତା ପଞ୍ଜିକା-ଏନଆରସି (NRC-National Register of Citizens)ବିରୋଧ କରି ଦିଲ୍ଲୀର ହୋଇଥିଲା ଆନ୍ଦୋଳନ। ଯାହା ପରେ ଦଙ୍ଗାର ରୂପ ନେଇଥିଲା। ଏହାକୁ ନେଇ 0ଦିଲ୍ଲୀରେ ହୋଇଥିବା ଭୀଷଣ ଦଙ୍ଗାରେ ପ୍ରାୟ ୫୦ ଉର୍ଦ୍ଧ୍ୱ ଲୋକଙ୍କ ମୃତ୍ୟୁ ହୋଇଥିଲା।

ସିଏଏ-ଏନଆରସି ବିରୁଦ୍ଧରେ ଦିଲ୍ଲୀର ଶାହୀନବାଗ ଠାରେ ଗତ ଡିସେମ୍ବରରୁ ଚଳିତ ବର୍ଷ ଫେବୃଆରୀ ମାସ ପର୍ଯ୍ୟନ୍ତ ଚାଲିଥିଲା ଆନ୍ଦୋଳନ। ପରେ ଏହାକୁ ବିରୋଧ କରି ଦିଲ୍ଲୀରେ ହୋଇଥିବା ଦଙ୍ଗାରେ ସାମିଲ ହୋଇଥିଲେ କଟ୍ଟରପନ୍ଥୀ। 

ସଂଶୋଧିତ ନାଗରକିତା ଆଇନକୁ ବିରୋଧ କରି ଦିଲ୍ଲୀରେ ହୋଇଥିବା ଭୀଷଣ ଦଙ୍ଗାରେ ଭୀମ ଆର୍ମୀ (Bhim Army)ଏବଂ ପୁପୁଲାର ଫ୍ରଣ୍ଟ ଅଫ ଇଣ୍ଡିଆ-ପିଏଫଆଇ (PFI-Popular Front of India)ନାମକ ସଙ୍ଗଠନ ସାମିଲ ଥିବାର ସୁରାକ ମିଳିସାରିଛି। ଭୀମ ଆର୍ମୀ ଚନ୍ଦ୍ର ଶେଖର ରାବଣର (Chandrashekhar Ravan)ପିଏଫଆଇ ସଙ୍ଗଠନ ସହ ରହିଥିବା ଲିଙ୍କକୁ ନେଇ ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ-ଇଡି (ED-Enforcement Directorate)ପକ୍ଷରୁ ତଦନ୍ତ କରାଯାଉଛି।

ପିଏଫଆଇ ହେଉଛି ସେହି ସଙ୍ଗଠନ ଯାହା ବିରୁଦ୍ଧରେ ଦିଲ୍ଲୀରେ ଚାଲିଥିବା ସିଏଏ ବିରୋଧି ଆନ୍ଦୋଳନ ସମୟରେ ଦଙ୍ଗା କରିବାର ଅଭିଯୋଗ ରହିଛି। ଏହି ଗୋଷ୍ଠୀ ସହ ଜଡିତ ଇସଲାମିକ କଟ୍ଟରପନ୍ଥୀ ରାଷ୍ଟ୍ରୀୟ ରାଜଧାନୀ ଦିଲ୍ଲୀକୁ ଦଙ୍ଗାର ନିଆଁ ମଧ୍ୟକୁ ଫିଙ୍ଗି ଦେଇଥିଲା।    

ଚଳିତ ବର୍ଷ ଫେବୃଆରୀରେ ଦିଲ୍ଲୀରେ ଚାଲିଥିବା ସିଏଏ ବିରୋଧି ଆନ୍ଦୋଳନ ପରବର୍ତ୍ତୀ ସମୟରେ ଭୟଙ୍କର ଦଙ୍ଗାରେ ପରିଣତ ହୋଇଥିଲା। ଏନେଇ ହୋଇଥିବା ଅଭିଯୋଗ ଅନୁସାରେ ବିରୋଧ ପ୍ରଦର୍ଶନ ସମୟରେ ଦଙ୍ଗା ଭିଆଇବା ପାଇଁ ଇସଲାମିକ କଟ୍ଟରପନ୍ଥୀ ଗୋଷ୍ଠୀ ପିଏଫଆଇକୁ ବିଦେଶୀ ସହାୟତା ମିଳିଥିଲା। ଇଡି ଏହାର ଅନୁସନ୍ଧାନ କରାଯାଉଛି। ପିଏଫଆଇର ନେତା ମଧ୍ୟ ଚନ୍ଦ୍ର ଶେଖର ରାବଣଙ୍କ ସହ ଯୋଗାଯୋଗ କରିଥିବା କୁହାଯାଉଛି। ଏଭଳି ପରିସ୍ଥିତିରେ ଦିଲ୍ଲୀ ଦଙ୍ଗା ପଛରେ ଭୀମ ଆର୍ମୀର ଜଡିତ ଥିବା ନେଇ ତଦନ୍ତ କରାଯାଉଛି।

ପିଏଫଆଇ-ଭୀମ ଆର୍ମୀ ମଧ୍ୟରେ ଆର୍ଥିକ ସମ୍ପର୍କ ରହିଥିବା ନେଇ ଇଡି ହାତରେ ପ୍ରମାଣ ଲାଗିଛି। ଉଭୟ ଗୋଷ୍ଠୀ ହାଥରସ ଘଟଣା ସହ ଜଡିତ ରହିଥିବା ନେଇ ଖୋଳତାଡ କରାଯାଉଛି। ବହୁଚର୍ଚ୍ଚିତ କଥିତ ହାଥରସ ଗଣଦୁଷ୍କର୍ମ ଏବଂ ହତ୍ୟା ଘଟଣା ମାଧ୍ୟମରେ ଜାତିଗତ ଦଙ୍ଗା କରିବାକୁ ଷଡଯନ୍ତ୍ର ହୋଇଥିଲା।   

ଆସନ୍ତୁ ଆପଣଙ୍କୁ କହିବା ଯେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଭୀମ ସେନା ଏବଂ ପିଏଫଆଇ ମଧ୍ୟରେ ଅର୍ଥନ relationship ତିକ ସମ୍ପର୍କର ପ୍ରମାଣ ମିଳିଲା, ଯାହାର ତାରଗୁଡ଼ିକ ହାଥ୍ରାସ ଘଟଣା ସହିତ ମଧ୍ୟ ସଂଯୁକ୍ତ। ସୂଚନାନୁସାରେ, ଇଡି ପାଇଥିବା ପ୍ରମାଣରୁ ଜଣାପଡିଛି ଯେ ହାଥ୍ରାସ୍ ମାମଲା ମାଧ୍ୟମରେ ରାଜ୍ୟରେ ଜାତିଗତ ହିଂସା ବିସ୍ତାର କରିବାକୁ ଷଡଯନ୍ତ୍ର କରାଯାଇଥିଲା।

ପିଏଫଆଇ ହେଉଛି ଏକ ଇସଲାମିକ କଟ୍ଟରପନ୍ଥୀ ଗୋଷ୍ଠୀ ଯାହାର ନାମ ଅନେକ ଆତଙ୍କବାଦୀ ଆକ୍ରମଣରେ ମଧ୍ୟ ଉଲ୍ଲେଖ କରାଯାଇଛି। ବିଗତ ଦିନରେ ଉତ୍ତରପ୍ରଦେଶରେ ଘଟିଥିବା ଅନେକ ଘଟଣାକୁ ଏହି ସଙ୍ଗଠନ ସହ ଜଡିତ ମୌଳବାଦୀ  ହିଂସାତ୍ମକ ରୂପ ଦେବାକୁ ଚେଷ୍ଟା କରୁଛନ୍ତି।

ଉତ୍ତରପ୍ରଦେଶରେ କ୍ଷମତାସୀନ ଯୋଗୀ ସରକାର ଗୃହ ମନ୍ତ୍ରଣାଳୟକୁ ପିଏଫଆଇ ସଙ୍ଗଠନ ଉପରେ ପ୍ରତିବନ୍ଧକ ଲଗାଇବାକୁ ସୁପାରିଶ କରିଛନ୍ତି। ଏହି ସଙ୍ଗଠନର ୪ ସଦସ୍ୟଙ୍କୁ ରାଜ୍ୟର ମଥୁରାରୁ ୟୁପି ପୋଲିସ ଗିରଫ କରିଥିଲା। ଯେଉଁମାନେ ହାଥରସ ଘଟଣା ମାଧ୍ୟମରେ ଜାତିଗତ ହିଂସାକାଣ୍ଡ ଭିଆଇବାକୁ ଷଡଯନ୍ତ୍ର କରିଥିଲେ।