Covishield vaccine: ଆଉ ଆସିବନି କୋଭିସିଲ୍ଡ,ଟିକା, ପ୍ରସ୍ତୁତି ଓ ବିକ୍ରି ଉପରେ ଲାଗିଲା ବ୍ୟାନ

Covishield vaccine: ନୂଆଦିଲ୍ଲୀ: କରୋନା ମହାମାରୀକୁ ରୋକିବା ପାଇଁ ବହୁ ପରିମାଣରେ ଟୀକାକରଣ କରାଯାଇଥିଲା, କିନ୍ତୁ ଟିକାକୁ ନେଇ ଅନେକ ବିବାଦ ମଧ୍ୟ ସାମ୍ନାକୁ ଆସିଛି। ଏହି କାରଣରୁ ଫାର୍ମାସ୍ୟୁଟିକାଲ୍ କମ୍ପାନୀ ଆଷ୍ଟ୍ରୋଜେନେକା ଗ୍ରହଣ କରିଛି ଯେ କୋଭିଡ୍-୧୯ ଟିକା ପାର୍ଶ୍ୱ ପ୍ରତିକ୍ରିୟା ଥାଇପାରେ। ଏହି କାରଣରୁ, ଶରୀରରେ ରକ୍ତ ଜମାଟ ବାନ୍ଧିପାରେ ଯଥା TTS ରୋଗ ହୋଇପାରେ। ବର୍ତ୍ତମାନ ଅଗ୍ରଣୀ ଫାର୍ମାସ୍ୟୁଟିକାଲ୍ କମ୍ପାନୀ ଆଷ୍ଟ୍ରା ଜେନେଙ୍କା କରୋନା ଟିକା ଉତ୍ପାଦନ ଏବଂ ଯୋଗାଣକୁ ସମ୍ପୂର୍ଣ୍ଣ ବନ୍ଦ କରିଦେଇଛି। 

ମଙ୍ଗଳବାର ଦିନ କମ୍ପାନୀ କହିଛି ଯେ ଏହା ବିଶ୍ୱସ୍ତରରେ ଟିକା ପ୍ରତ୍ୟାହାର କରୁଛି। କିଛି ଦିନ ପୂର୍ବରୁ କରୋନା ଟିକାର ଗୁରୁତର ପାର୍ଶ୍ୱ ପ୍ରତିକ୍ରିୟା ସମ୍ପର୍କିତ ଖବର ସାମ୍ନାକୁ ଆସିଥିଲା। ଏହି ଅଭିଯୋଗ ହେତୁ କମ୍ପାନୀ କେବଳ ବ୍ରିଟେନରେ ୫୦ରୁ ଅଧିକ ମାମଲାର ସମ୍ମୁଖୀନ ହୋଇଛି। ତେବେ ଅନ୍ୟ କୌଣସି କାରଣରୁ ବଜାରରୁ ଏହି ଟିକା ହଟାଯାଉଛି ବୋଲି ଫାର୍ମା କମ୍ପାନୀ କହିଛି।

ଆଷ୍ଟ୍ରୋଜେନେକା ପକ୍ଷରୁ କୁହାଯାଇଛି ଯେ ଏହି ଟିକା କୋଭିଶିଲ୍ଡ ନାମରେ ଭାରତରେ ଆରମ୍ଭ କରାଯାଇଥିଲା। କିନ୍ତୁ ଏହାର ପାର୍ଶ୍ୱ ପ୍ରତିକ୍ରିୟା ଯୋଗୁଁ କମ୍ପାନୀ ବର୍ତ୍ତମାନ କୋର୍ଟ ଦଲିଲରେ ସ୍ୱୀକାର କରିଛି ଯେ ରକ୍ତ ଜମାଟ ବାନ୍ଧିବା ବ୍ୟତୀତ ଅନ୍ୟ ବିପଜ୍ଜନକ ପାର୍ଶ୍ୱ ପ୍ରତିକ୍ରିୟା ମଧ୍ୟ ହୋଇପାରେ। ମଙ୍ଗଳବାର ଦିନ ଟେଲିଗ୍ରାଫ୍ କମ୍ପାନୀକୁ କହିଛି ଯେ ଏହି ଟିକା ଆଉ ଉତ୍ପାଦନ ହେଉନାହିଁ କିମ୍ବା ଯୋଗାଇ ଦିଆଯାଉ ନାହିଁ।

ଟିକାକୁ ନେଇ ଉଠିଥିଲା ପ୍ରଶ୍ନ
କମ୍ପାନୀ ପକ୍ଷରୁ କୁହାଯାଇଛି କି ଏହି ନିଷ୍ପତ୍ତି ଏଭଳି ସମୟରେ ନିଆଯାଇଥିଲା ଯେତେବେଳେ ଟିକାର ପାର୍ଶ୍ୱ ପ୍ରତିକ୍ରିୟା ସାମ୍ନାକୁ ଆସିଥିଲା। ଏହାକ ସଂଯୋଗ ହୋଇପାରେ। କିନ୍ତୁ ଟିକା ବଜାରରୁ ହଟାଇବାର କାରଣ କିଛି ଭିନ୍ନ ରହିଛି। ଯଦିଓ କମ୍ପାନୀ ଏହି ପାର୍ଶ୍ୱ ପ୍ରତିକ୍ରିୟା ଉପରେ ଅଧିକ ମତାମତ ଦେବାକୁ ମନା କରିଦେଇଥିଲା। ମିଳିଥିବା ସୂଚନାମୁତାବକ କମ୍ପାନୀ ଏହି ଟିକା ବଜାରରୁ ଫେରାଇ ନେବାକୁ ନେଇ ମାର୍ଚ୍ଚ ୫ରେ ଆବେଦନ କରିଥିଲା। କିନ୍ତୁ ଏହା ୭ ତାରିଖ ଠାରୁ କାର୍ଯ୍ୟକାରୀ ହୋଇଥିବା ଜଣାପଡ଼ିଛି। 

ଏଷ୍ଟ୍ରୋଜେନେକା ଦ୍ୱାରା ପ୍ରସ୍ତୁତି କୋରୋନା ଟିକା ଟିଟିଏସ (ଥ୍ରୋମ୍ବୋସିସ ଥ୍ରୋମ୍ବୋସାଇଟୋପୋନିୟା ସିଣ୍ଡ୍ରୋମ) ସହିତ ଜଡ଼ିତ କିଛି ମାମଲା ସାମ୍ନାକୁ ଆସିଥିଲା। ଏଷ୍ଟ୍ରୋଜେନେକା ଦ୍ୱାରା ପ୍ରସ୍ତୁତ କରାଯାଇଥିବା ଟିକା Vaxzevria Vaccine ଇଂଲଣ୍ଡ ସହିତ ଅନ୍ୟ କିଛି ଦେଶରେ ମଧ୍ୟ ବ୍ୟବହାର ପାଇଁ ରପ୍ତାନୀ କରାଯାଇଥିଲା। ପାର୍ଶ୍ୱ ପ୍ରତିକ୍ରିୟା ମାମଲା ସାମ୍ନାକୁ ଆସିବା ପରେ ଏହି ଟିକା ବର୍ତ୍ତମାନ ଯାଞ୍ଚର ପରିସର ମଧ୍ୟରେ ରହିଛି।