• ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ଜାମିନ୍
  • ସର୍ତ୍ତମୂଳକ ଜାମିନ୍ ପ୍ରଦାନ କଲେ ହାଇକୋର୍ଟ
  • ଗୋବିନ୍ଦ ସାହୁ କଲେଜରେ ଚାଲୁଥିଲା ସେକ୍ସ ରାକେଟ : ମହାଲିଙ୍ଗ କଲେଜ ଛାତ୍ର
  • କିଙ୍ଗ୍ ଖାନ୍ ଶାହାରୁଖଙ୍କ ମୁମ୍ବାଇ ସ୍ଥିତ ‘ମନ୍ନତ’ ଘରେ ଲାଗିଲା ନୋଟିସ୍
  • ଅଭିନେତ୍ରୀ ଅନନ୍ୟା ପାଣ୍ଡେଙ୍କ ଘରେ ପହଂଚିଲେ ଏନସିବିର ଟିମ୍
  • ମମିତା ହତ୍ୟା ମାମଲାରେ ସିବିଆଇ ତଦନ୍ତ ଦାବି କରି ହାଇକୋର୍ଟରେ ଜନସ୍ୱାର୍ଥ ମାମଲା ରୁଜୁ
  • ମମିତାଙ୍କ ପରିବାରକୁ ୫୦ ଲକ୍ଷ ଟଙ୍କା ଦେବାକୁ ଦାବି
  • ମମିତା ମେହେର ହତ୍ୟାକାଣ୍ଡ ମାମଲା : ବର୍ଷିଲେ ଲେଖାଶ୍ରୀ ସାମନ୍ତସିଂହାର
  • କହିଲେ ‘ଗୃହମନ୍ତ୍ରୀଙ୍କୁ ଖସାଇ ଦେବାକୁ ଚାହୁଁଛି ପୋଲିସ’
  • କଳାହାଣ୍ଡି ମହାଲିଙ୍ଗରେ ଡିଆଇଜି ଓ ଏସପି

ବିଲବୋର୍ଡରେ ବାଇଡେନଙ୍କ ତାଲିବାନୀ ବେଶ; ରକେଟ ଲଞ୍ଚର ଧରି ବାହାରିଲେ ଆମେରିକା ରାଷ୍ଟ୍ରପତି!

ପେନସିଲଭାନିଆର ପୂର୍ବତନ ସିନେଟର ସ୍କଟ ୱାଗନର୍ (Scott Wagner), ରାଷ୍ଟ୍ରପତି ଜୋ ବିଡେନ (Joe Biden) ଙ୍କ ବିରୋଧରେ ଅଭିଯାନ ଆରମ୍ଭ କରିଛନ୍ତି। ସେ କହିଛନ୍ତି ଯେ, ବାଇଡେନଙ୍କ ନିଷ୍ପତ୍ତି ହେତୁ ଆମେରିକା (America) କୁ ପରିହାସ କରି ସମଗ୍ର ବିଶ୍ୱ ସାମ୍ନାରେ ଲଜ୍ଜାର ସମ୍ମୁଖୀନ ହେବାକୁ ପଡିଲା।

ବିଲବୋର୍ଡରେ ବାଇଡେନଙ୍କ ତାଲିବାନୀ ବେଶ; ରକେଟ ଲଞ୍ଚର ଧରି ବାହାରିଲେ ଆମେରିକା ରାଷ୍ଟ୍ରପତି!
ସୌ: ସୋସିଆଲ ମି଼ଡିଆ

ୱାଶିଂଟନ୍: ଆଫଗାନିସ୍ତାନର ଅବସ୍ଥା ପାଇଁ ବିଶ୍ୱର ଅନେକ ଦେଶ ତଥା ଆମେରିକୀୟମାନେ ମଧ୍ୟ ନିଜ ରାଷ୍ଟ୍ରପତିଙ୍କୁ ଦୋଷୀ ମନେ କରନ୍ତି। ଜୋ ବିଡେନଙ୍କ ସୈନ୍ୟ ପ୍ରତ୍ୟାହାର ନିଷ୍ପତ୍ତି ପରେ ତାଲିବାନ, ଆଫଗାନିସ୍ତାନ ଦଖଲ କଲା ଏବଂ ସାଧାରଣ ଜନତାଙ୍କୁ ତାହାର ବହୁ ମୂଲ୍ୟ ଦେବାକୁ ପଡିଲା। ଏହି ନିଷ୍ପତ୍ତି ପାଇଁ ଆମେରିକାରେ ବିଡେନଙ୍କୁ ଟାର୍ଗେଟ କରିବା ପାଇଁ ଏକ ଅଭିଯାନ ଆରମ୍ଭ ହୋଇଛି। ଏହି ଅଭିଯାନର ଏକ ଅଂଶ ଭାବରେ ରାଷ୍ଟ୍ରପତିଙ୍କୁ ତାଲିବାନ ଆତଙ୍କବାଦୀ ଭାବରେ ଦର୍ଶାଉଥିବା ବିଲବୋର୍ଡ ଲଗାଯାଇଛି। ଯେଉଁଥିରେ ଲେଖା ଅଛି, 'ତାଲିବାନକୁ ପୁଣିଥରେ ମହାନ କରିବା'।

'ଦି ସନ୍'ର ରିପୋର୍ଟ ଅନୁଯାୟୀ, ପେନସିଲଭାନିଆର ପୂର୍ବତନ ସିନେଟର ସ୍କଟ ୱାଗନର୍ (Scott Wagner), ରାଷ୍ଟ୍ରପତି ଜୋ ବିଡେନ  (Joe Biden) ଙ୍କ ବିରୋଧରେ ଅଭିଯାନ ଆରମ୍ଭ କରିଛନ୍ତି। ସେ କହିଛନ୍ତି ଯେ, ବାଇଡେନଙ୍କ ନିଷ୍ପତ୍ତି ହେତୁ ଆମେରିକା (America) କୁ ପରିହାସ କରି ସମଗ୍ର ବିଶ୍ୱ ସାମ୍ନାରେ ଲଜ୍ଜାର ସମ୍ମୁଖୀନ ହେବାକୁ ପଡିଲା। ଏହି ଦୁଇ ମାସର ଅଭିଯାନର ଏକ ଅଂଶ ଭାବରେ ବାଇଡେନଙ୍କୁ ତାଲିବାନ ଆତଙ୍କବାଦୀ ଭାବରେ ଦର୍ଶାଉଥିବା ବିଲବୋର୍ଡ ସବୁ ସ୍ଥାନରେ ରଖାଯାଇଛି।

Also Read: ଦେଢ଼ କିଲୋ RDXରେ ଟ୍ରେନ ଟ୍ରାକ୍ ଉଡ଼ାଇବାକୁ Plan D; ଆତଙ୍କୀ ଷଡଯନ୍ତ୍ରରେ ଦେଶଦ୍ରୋହୀଙ୍କ ସମ୍ପୃକ

ବିଲବୋର୍ଡ (Billboards) ରେ ଥିବା ଚିତ୍ରରେ ରାଷ୍ଟ୍ରପତି (US President) ବାଇଡେନ ତାଲିବାନୀ ବେଶରେ ନଜର ଆସୁଛନ୍ତି ଏବଂ ତାଙ୍କ ହାତରେ ଏକ ରକେଟ୍ ଲଞ୍ଚର୍ ମଧ୍ୟ ଅଛି। ଏହି ଚିତ୍ର ମାଧ୍ୟମରେ ସ୍କଟ ୱାଗନର୍ ଦର୍ଶାଇବାକୁ ଚେଷ୍ଟା କରିଛନ୍ତି ଯେ, ରାଷ୍ଟ୍ରପତି ଆଫଗାନିସ୍ତାନରୁ ସୈନ୍ୟ ପ୍ରତ୍ୟାହାର କରି ତାଲିବାନକୁ ସାହାଯ୍ୟ କରିଛନ୍ତି। ବିଲବୋର୍ଡରେ 'Making the Taliban Great Again!' ଅର୍ଥାତ୍ ତାଲିବାନକୁ ପୁଣି ମହାନ କରିବା ବୋଲି ଲେଖାହୋଇଛି।

ପୂର୍ବତନ ସିନେଟର ୱାଗନର୍ କହିଛନ୍ତି, 'ତାଲିବାନ (Taliban) ଖୋଲାଖୋଲି ଭାବରେ କହୁଥିଲା ଯେ, ସେମାନେ ଆଫଗାନିସ୍ତାନରୁ ଆମେରିକାକୁ ବାହାର କରିବେ ଏବଂ ଆମ ରାଷ୍ଟ୍ରପତିଙ୍କ କାରଣରୁ ଏହା ସମ୍ଭବ ହୋଇପାରିଛି। ସେନା ପ୍ରତ୍ୟାହାର ନିଷ୍ପତ୍ତି କେବଳ ଆଫଗାନିସ୍ତାନ ଲୋକଙ୍କଠାରୁ ସେମାନଙ୍କ ସ୍ୱାଧୀନତାକୁ ଛଡ଼ାଇ ନେଇ ନାହିଁ ବରଂ ସମଗ୍ର ବିଶ୍ୱ ସାମ୍ନାରେ ଆମେରିକାକୁ ଏକ ପରିହାସରେ ପରିଣତ କରାଯାଇଛି। ରାଷ୍ଟ୍ରପତି ଭାବନ୍ତି ତାଙ୍କ ନିଷ୍ପତ୍ତି ବହୁତ ଭଲ, କିନ୍ତୁ ବାସ୍ତବତା ହେଉଛି ତାଙ୍କ ନିଷ୍ପତ୍ତି ବହୁତ ଖରାପ ଥିଲା।'

Also Read: ୭୧ ବର୍ଷରେ ପାଦ ଥାପିଲେ ପ୍ରଧାନମନ୍ତ୍ରୀ ମୋଦି, BJP କରୁଛି ଏହି ସବୁ କାର୍ଯ୍ୟକ୍ରମ

 

ଆଫଗାନରୁ ଆମେରିକା ସେନା (US Army) ପ୍ରତ୍ୟାହାରକୁ ନେଇ ଜୋ ବାଇଡେନ କହିଥିଲେ ଯେ, ଆଫଗାନିସ୍ତାନ ସେନା ତାଲିବାନକୁ ସାମ୍ନା କରିବାକୁ ସକ୍ଷମ। ତେବେ କିଛି ଦିନ ମଧ୍ୟରେ ତାଲିବାନ ସମଗ୍ର ଆଫଗାନିସ୍ତାନକୁ କାବୁ କରି ବିଡେନଙ୍କ ବିବୃତ୍ତିକୁ ମିଥ୍ୟା ପ୍ରମାଣ କରିଥିଲା। ଏହି ନିଷ୍ପତ୍ତି ପାଇଁ ବିଡେନଙ୍କୁ କଡ଼ା ସମାଲୋଚନା କରାଯାଇଥିଲା। ଆଫଗାନିସ୍ତାନର ଅବସ୍ଥା ପାଇଁ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ତାଙ୍କୁ ଦାୟୀ କରିଛନ୍ତି। ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହା ରାଷ୍ଟ୍ରପତି ଭାବରେ ବିଡେନଙ୍କ ଭାବମୂର୍ତ୍ତି ଉପରେ ପ୍ରଭାବ ପକାଇଛି।