ଆପଣଙ୍କ ପାଖେ ଚିରାଫଟା ନୋଟ୍ ଅଛି କି, ଏବଂ ଏହାକୁ ନେଇ କ’ଣ କରିବେ ସେ ବିଷୟରେ ଆପଣ ଚିନ୍ତା କରୁଛନ୍ତି କି । ତେବେ ଆପଣଙ୍କୁ କହିରଖୁଛୁ ଯେ ଏହି ପ୍ରସଙ୍ଗରେ ଆଦୌ ଚିନ୍ତା କରିବାର ଆବଶ୍ୟକତା ନାହିଁ । ଆପଣ ବ୍ୟାଙ୍କକୁ ଯାଇ ଆପଣଙ୍କର ଖରାପ ନୋଟଗୁଡିକ ବଦଳାଇ ପାରିବେ ।
Trending Photos
ଆପଣଙ୍କ ପାଖେ ଚିରାଫଟା ନୋଟ୍ ଅଛି କି, ଏବଂ ଏହାକୁ ନେଇ କ’ଣ କରିବେ ସେ ବିଷୟରେ ଆପଣ ଚିନ୍ତା କରୁଛନ୍ତି କି । ତେବେ ଆପଣଙ୍କୁ କହିରଖୁଛୁ ଯେ ଏହି ପ୍ରସଙ୍ଗରେ ଆଦୌ ଚିନ୍ତା କରିବାର ଆବଶ୍ୟକତା ନାହିଁ । ଆପଣ ବ୍ୟାଙ୍କକୁ ଯାଇ ଆପଣଙ୍କର ଖରାପ ନୋଟଗୁଡିକ ବଦଳାଇ ପାରିବେ । ଦେଶର ସର୍ବବୃହତ ବ୍ୟାଙ୍କ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (SBI) ଏହି ସୂଚନା ଦେଇଛି ।
ଟ୍ୱିଟରରେ ଜଣେ ଉପଭୋକ୍ତାଙ୍କୁ ଦେଇଥିବା ଜବାବରେ ଏସବିଆଇ କହିଛି ଯେ ବ୍ୟାଙ୍କର ସମସ୍ତ ଶାଖାରେ ସମ୍ପୁର୍ଣ୍ଣ ନଷ୍ଟ ହୋଇଥିବା କିମ୍ବା ସାମାନ୍ୟ ନଷ୍ଟ ହୋଇଥିବା ମୁଦ୍ରା କିମ୍ବା ନୋଟ ଏବଂ ଅନ୍ୟ ସମସ୍ତ ପ୍ରକାରର ନଷ୍ଟ ହୋଇଥିବା ନୋଟକୁ ବଦଳାଯାଇ ହେବ । ବ୍ୟାଙ୍କ ଆହୁରି ମଧ୍ୟ କହିଛି ଯେ ବ୍ୟାଙ୍କ କରେନ୍ସି ଚେଷ୍ଟ ବ୍ରାଞ୍ଚ ନଷ୍ଟ ହୋଇଥିବା ମୁଦ୍ରା ନୋଟ ବଦଳାଇ ଦେଇଥାଏ ।
ଏସବିଆଇ ଅନୁଯାୟୀ, ବ୍ୟାଙ୍କ ଏବଂ ଅନ୍ୟମାନଙ୍କ ପାଇଁ ମୁଦ୍ରା ରୂପାନ୍ତର କରିବାର ସୁବିଧା ପ୍ରଚଳନ କରାଯାଇଛି । ସେ କହିଛନ୍ତି ଯେ ବ୍ୟାଙ୍କ ଏହି ପ୍ରସଙ୍ଗରେ ଆରବିଆଇର ନିର୍ଦ୍ଦେଶାବଳୀ ଅନୁସରଣ କରୁଛି । ବ୍ୟାଙ୍କ କହିଛି ଯେ ସେହି ନଷ୍ଟ ହୋଇଥିବା ନୋଟଗୁଡିକ ବିନିମୟ ପାଇଁ ଆରବିଆଇ ବ୍ୟାଙ୍କଗୁଡିକୁ ଅନୁମତି ଦେଇଛି, ଯାହା ଅସଲି ଏବଂ କେଉଁଠାରେ ତ୍ରୁଟି ଏପରି ନ ଥିବା ଯାହାଦ୍ୱାରା ଠକେଇ କରାଯାଇ ପାରିବ ।
ଗ୍ରାହକଙ୍କ ପ୍ରଶ୍ନରେ ଷ୍ଟେଟ ବ୍ୟାଙ୍କ ଏହି ଉତ୍ତର ଦେଇଛି । ଜଣେ ବ୍ୟକ୍ତି ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ ବ୍ୟାଙ୍କକୁ ଟ୍ୟାଗ୍ କରି ପଚାରିଥିଲେ ଯେ "ମୋ ପାଖରେ 2,000 ଟଙ୍କା ନୋଟ୍ ଅଛି, ଯାହା ଚିରି ଯାଇଛି ଏବଂ ମୁଁ ଏହାକୁ ବଦଳାଇବାକୁ ଚାହୁଁଛି । ଆରବିଆଇର ଗାଇଡଲାଇନ ଅନୁଯାୟୀ ଚିରିଯାଇଥିବା ନୋଟଗୁଡ଼ିକୁ ବଦଳାଯାଇପାରିବ, କିନ୍ତୁ ବ୍ୟାଙ୍କ ଏହାକୁ ମନା କରୁଛନ୍ତି ।" ଏହା ସହ ସେ ବ୍ୟାଙ୍କର ଟ୍ୱିଟର ହ୍ୟାଣ୍ଡେଲକୁ ଟ୍ୟାଗ୍ କରି ପରବର୍ତ୍ତୀ ସମୟରେ କଣ କରିବେ ବୋଲି ପଚାରିଥିଲେ ।
ଏହା ବି ପଢ଼ନ୍ତୁ: ଶୀତଦିନେ ଗାଜର ଖାଇଲେ ମିଳିଥାଏ ଅନେକ ଲାଭ, ଚୁଟକି ଦୂର ହୁଏ ଏହି ସବୁ ରୋଗ
ଏହା ବି ପଢ଼ନ୍ତୁ: ପିଏମ ମୋଦି ଲଞ୍ଚ କଲେ RBI ର ଦୁଇଟି ନୂଆ ସ୍କିମ୍, ଜାଣନ୍ତୁ ସାଧାରଣ ଲୋକଙ୍କୁ କ’ଣ ମିଳିବ ଲାଭ