ସିବିଏସଇ ପକ୍ଷରୁ ଦଶମ ଏବଂ ଦ୍ୱାଦଶ ପରୀକ୍ଷା ବାତିଲ

ସିହିଆଇ ପକ୍ଷରୁ ବାକି ରହି ଯାଇଥିବା ପରୀକ୍ଷା, ଯାହା ଜୁଲାଇ ପହିଲାରୁ ୧୫ ତାରିଖ ମଧ୍ୟରେ ଅନୁଷ୍ଠିତ ହେବାର ରହିଥିଲା ତାହାକୁ ବାତିଲ କରାଯାଇଛି |

ନୂଆଦିଲ୍ଲୀ: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ-ସିବିଏସଇ(Central Board of Secondary Education-CBSE) ପକ୍ଷରୁ ଆସନ୍ତା ଜୁଲାଇ ପହିଲାରୁ ୧୫ ତାରିଖ ମଧ୍ୟରେ ଦଶମ ଏବଂ ଦ୍ୱାଦଶ ଶ୍ରେଣୀର ହେବାକୁ ଥିବା ପରୀକ୍ଷାକୁ ବାତିଲ କରାଯାଇଛି| ଏନେଇ ସଲିସିଟର ଜେନେରାଲ ତୁଷାର ମେହେଟ୍ଟା ସୁପ୍ରିମକୋର୍ଟଙ୍କୁ ଜଣାଇଛନ୍ତି | ଲକ ଡାଉନ ଲାଗୁ ହେବା କାରଣରୁ ସିବିଏସଇ ଦ୍ୱାରା ପରିଚାଳିତ କେତେକ ପରୀକ୍ଷା ଅନୁଷ୍ଠିତ ହୋଇ ପାରିନଥିଲା |

ମହାମାରୀ କୋରୋନା ଭାଇରସର ମୁକାବିଲା ପାଇଁ ପ୍ରାୟ ଦୁଇ ମାସରୁ ଉର୍ଦ୍ଧ୍ୱ ସମୟ ଧରି ଦେଶରେ ଲକ ଡାଉନ ଜାରି ହୋଇଥିଲା | ଏହି କାରଣରୁ ବେଶ କିଛି ଦିନ ଧରି ଶିକ୍ଷାନୁଷ୍ଠାନ ବନ୍ଦ ରହିଛି | ଏପରିକି ଚଳିତ ଥରର ନୂତନ ଶିକ୍ଷାବର୍ଷ ଆରମ୍ଭ ହେବା ନେଇ ସମସ୍ୟା ଉପୁଜିଛି | ଏହା ସହିତ ପାଠପଢା ଅନେକାଂଶରେ ପ୍ରଭାବିତ ହୋଇଛି | 

ଦେଶରେ ବଢୁଥିବା କୋରୋନା ସଂକ୍ରମଣ ବଢି ଚାଲିଥିବା ବେଳ ବାକି ରହିଥିବା ସିବିଏସଇ ଦଶମ ଏବଂ ଦ୍ୱାଦଶ ପରୀକ୍ଷା ଅନୁଷ୍ଠିତ ହେବା ନେଇ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ଅଭିଭାବକ | ଏନେଇ ଜବାବ ଦାଖଲ କରିବାକୁ କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦକୁ ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ ଦେଶର ସର୍ବୋଚ୍ଚ ନ୍ୟାୟାଳୟ | ଆସନ୍ତା ଜୁଲାଇରେ ହେବାକୁ ଥିବା ପରୀକ୍ଷାକୁ ବାତିଲ କରାଯାଇଛି ବୋଲି କୋର୍ଟଙ୍କୁ ଜଣାଇଥିଲା ସିବିଏସଇ |