କେବେ ଆସିବ ଶିଶୁଙ୍କ ପାଇଁ Vaccine: ଏମିତି କହିଲେ SII ସିଇଓ ଆଦାର ପୁନାୱାଲା

ପୁଣେ: ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ଖୁବଶୀଘ୍ର ଡ୍ରଗ କଣ୍ଟ୍ରୋଲର ଓ ଜେନେରାଲ ଅଫ ଇଣ୍ଡିଆ ନିକଟରେ ଶିଶୁଙ୍କ ଉପରେ କୋଭୋଭାକ୍ସ କୋଭିଡ 19 ଭ୍ୟାକସିନର କ୍ଲିନିକାଲ ଟ୍ରାଏଲ ପାଇଁ ଅନୁମତି ମାଗିପାରେ । ଆମେରିକା ସ୍ଥିତ ନୋଭାଭାକ୍ସ ଆଇଏନସି ଦ୍ୱାରା ବିକଶିତ କୋଭିଡ-19 ଭ୍ୟାକସିନକୁ ଭାରତରେ ବର୍ଜନ ହୋଇଛି । ତେବେ ଏହାର ନିର୍ମାଣ ଭାରତରେ ପୁଣେ ସ୍ଥିତ ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ରେ କରାଯାଉଛି ।

କୋଭୋଭାକ୍ସ (Covovax) ସେରମ ଦ୍ୱାରା ପ୍ରସ୍ତୁତ ହେଉଥିବା ଦ୍ୱିତୀୟ ଟିକା । ପ୍ରଥମଟି ହେଉଛି ଅକ୍ସଫୋର୍ଡ-ଏଷ୍ଟ୍ରେଜେନେକା କୋଭିଡ ଭ୍ୟାକସିନ ଯାହା ଭାରତରେ ସେରମ ଦ୍ୱାରା ପ୍ରସ୍ତୁତ ହୋଇଥିବା କୋଭିସିଲ୍ଡ ଭ୍ୟାକସିନ ବୋଲି ଜଣାଯାଏ । ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ (Serum Institute Of India) ସିଇଓ (Ceo Adar Poonawalla) ଆଦାର ପୁନାୱାଲା ଶୁକ୍ରବାର ଦିନ କହିଛନ୍ତି ଯେ ,ନୋଭାଭ୍ୟାକ୍ସ ଇଙ୍କ୍ ବିକଶିତ କୋଭୋଭାକ୍ସ -19 ଟିକା ପ୍ରଥମ ବ୍ୟାଚ୍ SII ର ପୁଣେ ଲ୍ୟାବରେ ଉତ୍ପାଦିତ କରାଯାଉଛି ।

ପୁନାୱାଲା ଟ୍ୱିଟ୍ କରି କହିଛନ୍ତି ଯେ, ପୁଣେରେ ଥିବା ଆମ ପ୍ଲାଣ୍ଟରେ ଏହି ସପ୍ତାହରେ ଉତ୍ପାଦିତ ହେଉଥିବା କୋଭୋଭାକ୍ସର (ନୋଭାଭାକ୍ସ ଦ୍ୱାରା ବିକଶିତ) ପ୍ରଥମ ବ୍ୟାଚ୍ ଦେଖି ଆମେ ଖୁବ ଉତ୍ସାହିତ । ଏହି ଟିକା ୧୮ ବର୍ଷରୁ କମ୍ ତଥା ଆମର ଭବିଷ୍ୟତ ପିଢୀକୁ ସୁରକ୍ଷା ଦେବା ପାଇଁ ବହୁତ ସମ୍ଭାବନା ଅଛି । ପରୀକ୍ଷା ଏବେ ବି ଚାଲିଛି। ସେରମ୍ ଇନଷ୍ଟିଚ୍ୟୁଟ ଟିମ୍ ଖୁବ୍ ଭଲ କାମ କରିଛି। 'ସେ ଚଳିତ ବର୍ଷ ମାର୍ଚ୍ଚରେ କହିଥିଲେ ଯେ, ଭାରତରେ କୋଭୋଭାକ୍ସ ଟିକା (Covovax) କ୍ଲିନିକାଲ ପରୀକ୍ଷା ଆରମ୍ଭ ହୋଇଛି ଏବଂ କମ୍ପାନୀ ଚଳିତ ବର୍ଷ ସେପ୍ଟେମ୍ବର ସୁଦ୍ଧା ଏହାକୁ ଆରମ୍ଭ କରିବ ବୋଲି ଆଶା କରୁଛି।

ଅଗଷ୍ଟ ୨୦୨୦ ରେ, ଆମେରିକାର ଟିକା କମ୍ପାନୀ ନୋଭାଭାକ୍ସ Inc. ଏହାର COVID-19 ଟିକା NVX-COV-2373 ର ବିକାଶ ଏବଂ ବ୍ୟବସାୟିକରଣ ପାଇଁ SII ସହିତ ଏକ ଲାଇସେନ୍ସ ଚୁକ୍ତି ଘୋଷଣା କରିଥିଲା । ଚଳିତ ବର୍ଷ ଜାନୁଆରୀରେ ସେରମ୍ ଇନଷ୍ଟିଚ୍ୟୁଟ ଦେଶରେ କୋଭିସିଲ୍ଡ ଟିକାକୁ ଦେଶବାସୀଙ୍କ ପାଇଁ ଆଣିଥିଲା। ଏହି ଟିକା ବିକଶିତ କରିବା ପାଇଁ ଏହା ଅକ୍ସଫୋର୍ଡ ୟୁନିଭର୍ସିଟି ଏବଂ ଆଷ୍ଟ୍ରେଜେନେକା ମଧ୍ୟ ସାହାଯ୍ୟ କରିଥିଲା ।​