ଜେଲରୁ ବାହାରିବା ପରେ ଏମିତି କହିଲେ ମୁଖ୍ୟମନ୍ତ୍ରୀ କେଜ୍ରିୱାଲ

ନୂଆଦିଲ୍ଲୀ: ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ୧୭୭ ଦିନ ପରେ ୧୩ ସେପ୍ଟେମ୍ୱରରେ ତିହାର ଜେଲରୁ ବାହାରିଛନ୍ତି। ଆଜି ସୁପ୍ରିମକୋର୍ଟ କେଜ୍ରିୱାଲଙ୍କୁ ସିବିଆଇ ମାମଲାରେ ଜାମିନ ପ୍ରଦାନ କରିଛନ୍ତି। ଇଡି ମାମଲାରେ ଜାମିନ ପ୍ରଦାନ ସମୟରେ ଜାମିନ ପାଇଁ କୋର୍ଟ ସମାନ ସର୍ତ୍ତ ରଖିଛନ୍ତି।

ଜେଲରୁ ବାହାରିବା ପରେ କେଜ୍ରିୱାଲଙ୍କ ପ୍ରତିକ୍ରିୟା ସାମ୍ନାକୁ ଆସିଛି । କେଜ୍ରିୱାଲ କହିଛନ୍ତି, "ମୁଁ ଠିକ୍ କହିଥିଲି, ତେଣୁ ଭଗବାନ ମୋତେ ସମର୍ଥନ କଲେ। ଜେଲର କାନ୍ଥ ମୋତେ ଆଦୌ ଦୁର୍ବଳ କରିପାରିବ ନାହିଁ। ଜେଲରୁ ବାହାରିବା ପରେ ବର୍ତ୍ତମାନ ମୋର ଶକ୍ତି ୧୦୦ ଗୁଣ ବୃଦ୍ଧି ପାଇଛି।" ଦୁଇଟି ଅନୁସନ୍ଧାନକାରୀ ସଂସ୍ଥା (ଇଡି ଏବଂ ସିବିଆଇ) ଅରବିନ୍ଦ କେଜ୍ରିୱାଲଙ୍କ ବିରୋଧରେ ଦିଲ୍ଲୀ ଲିକର୍ ପଲିସି ମାମଲାରେ ଏକ ମାମଲା ରୁଜୁ କରିଛନ୍ତି। ଇଡି ମାମଲାରେ କେଜ୍ରିୱାଲ ଜୁଲାଇ ୧୨ ରେ ସୁପ୍ରିମକୋର୍ଟରୁ ଜାମିନ ପାଇଥିଲେ। ଆଜି ତାଙ୍କୁ ସିବିଆଇ ମାମଲାରେ ମଧ୍ୟ ଜାମିନ ମିଳିଛି । AAP ଏହି ନିଷ୍ପତ୍ତିକୁ ସତ୍ୟର ବିଜୟ ବୋଲି କହିଛି ।

#WATCH | Delhi: AAP workers gather near Chandgiram Akhara. CM Arvind Kejriwal is scheduled to visit here today

CM Arvind Kejriwal was released from Tihar jail today after Supreme Court granted him bail in the Delhi excise policy case pic.twitter.com/CVUotX57oq

— ANI (@ANI) September 13, 2024

#WATCH | Firecrackers being burst by AAP workers outside the Tihar jail after Delhi CM Arvind Kejriwal was released from Tihar jail

The Supreme Court granted him bail in the Delhi excise policy case today pic.twitter.com/3iPBR93BiS

— ANI (@ANI) September 13, 2024

ଜେଲରୁ ବାହାରିବା ପରେ AAP କର୍ମୀଙ୍କୁ ସମ୍ବୋଧିତ କରି ଅରବିନ୍ଦ କେଜ୍ରିୱାଲ କହିଛନ୍ତି, "ସର୍ବପ୍ରଥମେ ମୁଁ ଭଗବାନଙ୍କୁ ଧନ୍ୟବାଦ ଦେବାକୁ ଚାହେଁ, ଯେଉଁଥିପାଇଁ ମୁଁ ବାହାରକୁ ଆସିଛି। ମନ୍ଦିର, ମସଜିଦ, ଗୁରୁଦ୍ୱାରରେ ପ୍ରାର୍ଥନା କରିଥିବା ସମସ୍ତଙ୍କୁ ଧନ୍ୟବାଦ। ମୋର ପ୍ରତିଟି ରକ୍ତବିନ୍ଦୁ ଜନସାଧାରଣଙ୍କ ପାଉଁ ଉତ୍ସର୍ଗୀକୃତ। " କେଜ୍ରିୱାଲ କହିଛନ୍ତି, "ମୁଁ ଇଶ୍ବରଙ୍କ ନିକଟରେ ପ୍ରାର୍ଥନା କରୁଛି ଯେ, ଭଗବାନ ମୋତେ ସଠିକ୍ ପଥ ଦେଖାଇବା ଉଚିତ୍। ମୁଁ ଦେଶର ସେବା ଜାରି ରଖିବି। ଅନେକ ଦେଶ ବିରୋଧୀ ଲୋକ ରହିଛନ୍ତି ଯେଉଁମାନେ ବିଭାଜନ କରିବାକୁ କାର୍ଯ୍ୟ କରୁଛନ୍ତି। ମୁଁ ସାରା ଜୀବନ ସେମାନଙ୍କ ବିରୁଦ୍ଧରେ ଯୁଦ୍ଧ ଜାରି ରଖିବି। "ଲକ୍ଷ ଲକ୍ଷ ଲୋକ ମୋ ପାଇଁ ପ୍ରାର୍ଥନା କରିଥିଲେ ଆଉ ସେମାନଙ୍କର ପ୍ରାର୍ଥନା କାରଣରୁ ମୁଁ ଆଜି ବାହାରକୁ ଆସିଛି। ଜେଲର କୋଠରୀ କେଜ୍ରିୱାଲଙ୍କ ସାହସକୁ ଦୁର୍ବଳ କରି ପାରିବ ନାହିଁ।

ଆପଣଙ୍କୁ କହିରଖୁଛୁ ଯେ, ସର୍ତ୍ତରେ ଅନୁସାରେ କେଜ୍ରିୱାଲ ସିଏମ ଅଫିସକୁ ଯାଇପାରିବେ ନାହିଁ ଏବଂ କୌଣସି ସରକାରୀ ଫାଇଲରେ ସାଇନ୍ କରିବେ ନାହିଁ । ଏଥିସହ ସେ ଦିଲ୍ଲୀ ଲିକର୍ ପଲିସି ମାମଲା ସହ ଜଡିତ କୌଣସି ସାର୍ବଜନୀନ ବିବୃତ୍ତି ଦେବେ ନାହିଁ। ସେ ଅନୁସନ୍ଧାନରେ ବାଧା ଦେବେ ନାହିଁ କିମ୍ବା ସାକ୍ଷୀମାନଙ୍କୁ ପ୍ରଭାବିତ କରିବାକୁ ଚେଷ୍ଟା କରିବେ ନାହିଁ । ଅନୁସନ୍ଧାନରେ ସହଯୋଗ ଜାରି ରଖିବା ସହ ଆବଶ୍ୟକ ହେଲେ ଟ୍ରାଏଲ କୋର୍ଟରେ ହାଜର ହେବେ।