 "ଦୁନିଆରେ ଓମିକ୍ରୋନ୍ ଆତଙ୍କ; ଆକାଶରେ ଲାଗିଲା ପ୍ରତିବନ୍ଧକ, ୩୦୦ରୁ ଊର୍ଦ୍ଧ୍ୱ ବିମାନ ଉଡାଣ ରଦ୍ଦ")
ନୂଆଦିଲ୍ଲୀ: କୋରୋନାର ଓମିକ୍ରୋନ୍ ଭ୍ୟାରିଆଣ୍ଟ ଯୋଗୁଁ ଦୁନିଆରେ ଆତଙ୍କ ଖେଳିଯାଇଛି। ଭାରତର ସମେତ ବିଶ୍ୱର ୬୦ରୁ ଊର୍ଦ୍ଧ୍ୱ ଦେଶରେ ସଂକ୍ରମଣର ଚେର ଲମ୍ବିଲାଣି। ଜର୍ମାନୀର ଓମିକ୍ରୋନ୍ ଭ୍ୟାରିଆଣ୍ଟରେ ବହୁ ସଂଖ୍ୟକ ପାଇଲଟ୍ ଆକ୍ରାନ୍ତ ହୋଇଛନ୍ତି। ଫଳରେ ସେଠାରେ ଅନେକ ବିମାନ ସେବା ବାତିଲ ହୋଇଛି।
ଜର୍ମାନ (German) ଏୟାରଲାଇନ୍ସ ଲୁଫଥାନ୍ସ କହିଛି ଯେ, ଏହାର ବହୁ ପାଇଲଟ୍ ଅସୁସ୍ଥ ହୋଇପଡିଛନ୍ତି। ଯେଉଁଥିପାଇଁ ତାଙ୍କୁ ଛୁଟି ଦିଆଯାଇଛି। ଏହି କାରଣରୁ କମ୍ପାନୀକୁ ୧୨ରୁ ଅଧିକ ବିମାନ ବାତିଲ କରିବାକୁ ପଡିବ। ତେବେ କର୍ମଚାରୀଙ୍କ ଅସୁସ୍ଥତାର ପ୍ରକୃତ କାରଣ କୋରୋନା (Coronavirus) (କରୋନା ଓମିକ୍ରୋନ୍ ଭ୍ୟାରିଆଣ୍ଟ) କିମ୍ବା ଅନ୍ୟ କିଛି ତାହା ଏହା ଜଣାପଡି ନାହିଁ ବୋଲି କମ୍ପାନୀ କହିଛି।
ଆମେରିକାର ଡେଲଟା ଏୟାରଲାଇନ୍ସ (Delta Air) ଏବଂ ୟୁନାଇଟେଡ୍ ଏୟାରଲାଇନ୍ସ ମଧ୍ୟ ସମାନ ସମସ୍ୟାର ସମ୍ମୁଖୀନ ହେଉଛନ୍ତି। ବହୁ ସଂଖ୍ୟକ କର୍ମଚାରୀ ଅସୁସ୍ଥ ଥିବାରୁ ଖ୍ରୀଷ୍ଟମାସ (Xmass) ଅବସରରେ ପୂର୍ବରୁ ଧାର୍ଯ୍ୟ ହୋଇଥିବା ଅନେକ ବିମାନକୁ ବାତିଲ କରିବାକୁ ପଡିବ ବୋଲି ଉଭୟ କମ୍ପାନୀ କହିଛନ୍ତି। କର୍ମଚାରୀଙ୍କ ଅଭାବ ହେତୁ ୟୁନାଇଟେଡ୍ ଏୟାରଲାଇନ୍ସକୁ ୧୬୯ ଏବଂ ଡେଲଟା ୧୨୭ ବିମାନକୁ ବାତିଲ କରିବାକୁ ପଡିବ।
କୋରୋନାର ଓମିକ୍ରୋନ୍ ଭ୍ୟାରିଆଣ୍ଟ (Omicron Variant) ହେତୁ ବିଶ୍ୱର ସମସ୍ତ ଦେଶ ପୁଣି ଥରେ ପ୍ରତିବନ୍ଧକ ଆଡକୁ ଗତି କରିବା ଆରମ୍ଭ କରିଛନ୍ତି। ଭାରତର ଅନେକ ରାଜ୍ୟରେ ମଧ୍ୟ ରାତ୍ରି କର୍ଫ୍ୟୁ ଘୋଷଣା କରାଯାଇଛି। ଏହା ସହିତ, ଜନସମାବେଶରେ ସର୍ବାଧିକ ସଂଖ୍ୟକ ଲୋକ ମଧ୍ୟ ସ୍ଥିର କରାଯାଇଛି। ମାସ୍କ ପିନ୍ଧିବା ଏବଂ ସାମାଜିକ ଦୂରତା ବଜାୟ ରଖିବା ପାଇଁ ଲୋକଙ୍କୁ କ୍ରମାଗତ ଭାବରେ ନିବେଦନ କରାଯାଉଛି।
)