DA Hike for Government Employees: ଗତ ମାସରେ କେନ୍ଦ୍ର ସରକାର ନିଜ କର୍ମଚାରୀଙ୍କ DA ବୃଦ୍ଧି କରିବାକୁ ଘୋଷଣା କରିଥିଲେ । ମୋଦି ସରକାର ମହଙ୍ଗା ଭତ୍ତାକୁ ୪% ବୃଦ୍ଧି କରିଛନ୍ତି ଓ ଏହା ବର୍ତ୍ତମାନ ୩୮% ରେ ପହଞ୍ଚିଛି ।
Trending Photos
12
5
12
6 "ସୌ: ସୋସିଆଲ ମିଡିଆ")
DA Hike for Assam Government Employees: ଦୀପାବଳି ପର୍ବ (Diwali Festival) ଭାରତରେ ଆରମ୍ଭ ହୋଇଛି । ସାରା ଦେଶରେ ଧନତରସ (Dhanteras) ପର୍ବ ପାଳନ କରାଯାଉଛି । ଏଭଳି ପରିସ୍ଥିତିରେ, ଦୀପାବଳିର ଏହି ପାର୍ବଣରେ ଆସାମର ରାଜ୍ୟ କର୍ମଚାରୀଙ୍କ ପାଇଁ ଏକ ବଡ଼ ଖବର ସାମ୍ନାକୁ ଆସିଛି ।
ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା (Himanta Biswa Sarma) ଦୀପାବଳିର ଗୋଟିଏ ଦିନ ପୂର୍ବରୁ ଘୋଷଣା କରିଛନ୍ତି ଯେ ରାଜ୍ୟ ସରକାରଙ୍କ ସମସ୍ତ କର୍ମଚାରୀ ଓ ଅଧିକାରୀଙ୍କ ମହଙ୍ଗା ଭତ୍ତା ୪% ବୃଦ୍ଧି କରାଯାଉଛି । ଏହି ବୃଦ୍ଧି ୧ ଜୁଲାଇ ୨୦୨୨ ରୁ କାର୍ଯ୍ୟକାରୀ ହେବ । ଏହା ସହିତ ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଏହି ମାସରୁ କର୍ମଚାରୀମାନେ ବର୍ଦ୍ଧିତ ଦରମା ପାଇବା ଆରମ୍ଭ କରିବେ ।
ଏହି ପ୍ରସଙ୍ଗରେ ସୂଚନା ଦେଇ ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ନିଜ ଟ୍ୱିଟର ହ୍ୟାଣ୍ଡେଲରୁ ଏକ ଟୁଇଟ୍ ସେୟାର କରି କହିଛନ୍ତି, “ଆମେ ଘୋଷଣା କରି ଅତ୍ୟନ୍ତ ଆନନ୍ଦିତ ଯେ ରାଜ୍ୟ ସରକାର ଆସାମର କର୍ମଚାରୀ ଓ ଅଧିକାରୀଙ୍କ ମହଙ୍ଗା ଭତ୍ତା ବୃଦ୍ଧି କରିଛନ୍ତି । ସରକାର ମୋଟ DA କୁ ୪% ବୃଦ୍ଧି କରିଛନ୍ତି, ଯାହା ଏହି ମାସର ବେତନରେ ଉପଲବ୍ଧ ହେବ । ଏହା ସହିତ ସେ ଦୀପାବଳିଙ୍କୁ ରାଜ୍ୟ ତଥା ଦେଶବାସୀଙ୍କୁ ମଧ୍ୟ ସେ ଶୁଭେଚ୍ଛା ଜଣାଇଛନ୍ତି ।
ଏହାପୂର୍ବରୁ, ୧୯ ଅକ୍ଟୋବର ୨୦୨୨ ରେ ଆସାମ ସରକାର ନିଜ ଘରର ହୋମଗାର୍ଡଙ୍କ ଦରମାକୁ ୩୦୦ ରୁ ୭୬୭ ଟଙ୍କାକୁ ବୃଦ୍ଧି କରିଥିଲେ । ସେବେଠାରୁ ରାଜ୍ୟର ହୋମଗାର୍ଡମାନେ ପ୍ରତିମାସରେ ୨୩,୦୧୦ ଟଙ୍କା ଦରମା ପାଉଛନ୍ତି । ଚଳିତ ବର୍ଷ ମାର୍ଚ୍ଚରେ ମଧ୍ୟ ରାଜ୍ୟ ସରକାର ରାଜ୍ୟ କର୍ମଚାରୀଙ୍କ DA କୁ ୩% ବୃଦ୍ଧି କରିଛନ୍ତି । ରାଜ୍ୟର ହଜାର ହଜାର କର୍ମଚାରୀ ଓ ପେନସନଭୋଗୀ ଏହାର ଲାଭ ପାଇଛନ୍ତି ।
ସୂଚନାଯୋଗ୍ୟ ଯେ ଗତ ମାସରେ କେନ୍ଦ୍ର ସରକାର କେନ୍ଦ୍ରୀୟ କର୍ମଚାରୀଙ୍କ ଡିଏ ବୃଦ୍ଧି କରିବାକୁ ଘୋଷଣା କରିଥିଲେ । ମୋଦି ସରକାର ମହଙ୍ଗା ଭତ୍ତାକୁ ୪% ବୃଦ୍ଧି କରିଛନ୍ତି ଓ ଏହା ବର୍ତ୍ତମାନ ୩୮% ରେ ପହଞ୍ଚିଛି । ସେହି ଦିନଠାରୁ, ଅନେକ ରାଜ୍ୟ କ୍ରମାଗତ ଭାବରେ ସେମାନଙ୍କ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରିଛନ୍ତି । ସେବେଠାରୁ ପଞ୍ଜାବ, ହରିୟାଣା, ଦିଲ୍ଲୀ, ଉତ୍ତରପ୍ରଦେଶ ଓ ଛତିଶଗଡ ଭଳି ଅନେକ ରାଜ୍ୟ ସେମାନଙ୍କ କର୍ମଚାରୀଙ୍କ ପାଇଁ ଡିଏ ବୃଦ୍ଧି କରିଛନ୍ତି ।
ପଞ୍ଜାବ ସରକାର ନିଜ କର୍ମଚାରୀଙ୍କ ମହଙ୍ଗା ଭତ୍ତାକୁ ୬% ବୃଦ୍ଧି କରିଛନ୍ତି । ଅନ୍ୟପକ୍ଷରେ, ଅକ୍ଟୋବର ୧ ତାରିଖରେ ହରିୟାଣା ସରକାର ଏହାର କର୍ମଚାରୀଙ୍କ ଡିଏକୁ ୬%, ଦିଲ୍ଲୀର କେଜ୍ରିୱାଲ ସରକାର ୪% ଏବଂ ଉତ୍ତରପ୍ରଦେଶ ସରକାରଙ୍କୁ DA ଓ DR ରେ ୪% ବୃଦ୍ଧି କରିଛନ୍ତି । ଏହା ବ୍ୟତୀତ ଝାଡ଼ଖଣ୍ଡ ସରକାର ଓ ଓଡ଼ିଶା ସରକାର ଦୀପାବଳି ପୂର୍ବରୁ ସେମାନଙ୍କ ରାଜ୍ୟ କର୍ମଚାରୀଙ୍କୁ ଉପହାର ଦେବାକୁ ଯାଇ ଡିଏକୁ ୪% ଓ ୩% ଲେଖାଏଁ ବୃଦ୍ଧି କରିଛନ୍ତି ।
ଏହା ବି ପଢ଼ନ୍ତୁ: Dhanteras 2022: ଧନତେରସରେ କୁବେର ଦେବଙ୍କ କରନ୍ତୁ ଏପରି ପୂଜା, ଭରିଯିବ ଯଶ, ସମ୍ମାନ ଓ ଧନ
