ଲାଲ କିଲ୍ଲା ହିଂସାର ଗୁମର ଖୋଲୁଛି ଗିରଫ ସିଦ୍ଧୁ

ନୂଆଦିଲ୍ଲୀ: ଗଣତନ୍ତ୍ର ଦିବସରେ (Republic Day) ଲାଲକିଲ୍ଲାରେ (LalQuila) ଘଟିଥିବା ହିଂସାକାଣ୍ଡର (LalQuila Violance) ୧୫ ଦିନ ପରେ ଗିରଫ ହୋଇଛି ଦୀପ ସିଦ୍ଧୁ (Deep Sidhu)। ଗିରଫ ପରେ ଧୀରେଧୀରେ ଅନେକ ଗୁମରଖୋଲିବାରେ ଲାଗିଛି ଦିଲ୍ଲୀ ପୋଲିସର ସ୍ପେଶାଲ ସେଲ । ଗିରଫ ପରେ ୭ ଦିନିଆ ରିମାଣ୍ଡରେ ଯାଇଛି ଦୀପ ସିଦ୍ଧୁ । ସୂଚନାଯୋଗ୍ୟ ଦୀପ ସିଦ୍ଧୁକୁ ଗିରଫ କରିବା ପରେ ତିସ ହଜାରୀ କୋର୍ଟରେ ତାକୁ ହାଜର କରାଯାଇଥିଲା । ପୋଲିସ କହିଥିଲା କି ୧୦ ଦିନ ରିମାଣ୍ଡ ମାଗିଥିବା ବେଳେ କୋର୍ଟ ତାଙ୍କୁ ୭ ଦିନ ପାଇଁ ଅନୁମତି ଦେଇଛି । 

ଅଧିକ ପଢନ୍ତୁ: ଦିଲ୍ଲୀ ଓ ହାଇଦ୍ରାବାଦ ବିମାନବନ୍ଦରକୁ ନେଇ ଆସିଲା ବହୁତ ବଡ଼ ଖବର

ତେବେ ଦିଲ୍ଲୀ ପୋଲିସ ତିସ ହଜାରୀ (Tees Hazari Court) କୋର୍ଟରେ ଦୀପ ସିଦ୍ଧୁର ରିମାଣ୍ଡ କପିରେ (Remand Copy) ଏକ ଡର୍ଜନରୁ ଊର୍ଦ୍ଧ୍ୱ ଧାରାକୁ ଲଗାଇଛି । ରିମାଣ୍ଡ କପି ମୁତାବକ ଆଇପିସି ଧାରା ୧୪୭, ୧୪୮, ୧୪୯, ୫୨, ୧୮୬, ୨୬୯, ୩୫୩, ୩୩୨, ୩୦୭, ୩୦୮, ୩୯୫, ୩୯୭, ୪୨୭, ୧୮୮, ୧୨୦ବି, ୩୪ ଭଳି ସଂଗୀନ ଧାରା ସବୁ ଲଗାଇଛି । ଏହା ବ୍ୟତୀତ ଆର୍ମସ ଆକ୍ଟ, ଲୋକ ସମ୍ପତ୍ତି ନଷ୍ଟ କରିବ ନିବାରଣ ଅଧିନିୟମ ଏବଂ କୀର୍ତ୍ତିରାଜି ଓ ପୁରାତନ ତୀର୍ଥ ସ୍ଥଳ ଓ ଅବଶେଷ ଅଧିନିୟମକୁ ମଧ୍ୟ ଲଗାଇଥିବା । 

ଅଧିକ ପଢନ୍ତୁ: IRCTC ଦେଉଛି ଦମଦାର ଅଫର, ପାଇ ପାରନ୍ତି ୨ ହଜାର ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ

ଦିଲ୍ଲୀ ହିଂସା ପରେ ଦୀପ ସିଦ୍ଧୁ ଦିଲ୍ଲୀ ପୋଲିସ ମଙ୍ଗଳବାର ସକାଳ ସାଢେ ୧୦ଟା ବେଳେ ପଞ୍ଜାବର ଜିରକପୁରରୁ ଗିରଫ କରାଯାଇଥିଲା । ବିଗତ ୧୫ ଦିନ ଧରି ସିଦ୍ଧୁ ପୋଲିସ ସହିତ ଲୁଚକାଳି ଖେଳ ଖେଳୁଥିଲେ । ପୋଲିସ ବିହାର, ମୁମ୍ବାଇ, ରାଞ୍ଚି, ହିମାଚଳପ୍ରଦେଶ, ଠାରୁ ଆରମ୍ଭ କରି ପଞ୍ଜାବ ପର୍ଯ୍ୟନ୍ତ ଚଢାଉ କରିଥିଲା । ତେବେ ଚଳିତ ଥର ସଠିକ ସୂଚନା ପାଇବା ସହିତ ଚଢାଉ କରିଥିଲା ।

ଅଧିକ ପଢନ୍ତୁ: କାମ ଦେଲାନି Arogya Setu App; ୯ ମାସ ହେଲାଣି Covid19 Positive

କୁହାଯାଉଛି ଯେ, ପୋଲିସ ଠାରୁ ଲୁଚିବା ପାଇଁ ଦୀପ ସିଦ୍ଧୁ ଅନେକ ଦିନ ଧରି ନିଜର ପିନ୍ଧା ପୋଷାକ ମଧ୍ୟ ବଦଳାଇନଥିଲା । ବର୍ତ୍ତମାନ ସେ ବିହାରର ପୁର୍ଣ୍ଣିଆରେ ନିଜ ସ୍ତ୍ରୀ ନିକଟକୁ ଯିବାକୁ ଯୋଜନା କରୁଥିଲା । କିନ୍ତୁ ପୋଲିସ ଦୀପ ସିଦ୍ଧୁର ପତ୍ନୀର ଫୋନକୁ ସର୍ଭିଲାନ୍ସରେ ଲଗାଇଥିଲା । ସର୍ଭିଲାନ୍ସ ସହାୟତାରେ ପୋଲିସ ଦୀପ ସିଦ୍ଧୁ ନିକଟରେ ସହଜରେ ପହଞ୍ଚି ପାରିଥିଲା । ସୂଚନାଯୋଗ୍ୟ ଦୀପ ସିଦ୍ଧୁ ଯେତେବେଳେ ପୋଲିସ ଠାରୁ ଲୁଚି ଘୁରି ବୁଲୁଥିଲା, ସେହି ସମୟରେ ସେ ସୋସିଆଲ ମିଡ଼ିଆରେ ବିଭିନ୍ନ ପ୍ରକାର ଭିଡ଼ିଓ ଅପଲୋଡ଼ କରୁଥିଲା ।