ରେଳବାଇର ବଡ଼ ଘୋଷଣା; ସୋମବାର ରାତି ଆଠଟା ପର୍ଯ୍ୟନ୍ତ...

Indian Railways : ଦେଶବ୍ୟାପୀ ଅଗ୍ନୀପଥ ଯୋଜନାକୁ ନେଇ ଚାଲିଥିବା ହିଂସାତ୍ମକ ଆନ୍ଦୋଳନ ମଧ୍ୟରେ ରେଳଯାତ୍ରୀଙ୍କୁ ଏକ ଶକ୍ତ ଝଟକା ଲାଗିଛି। ଶନିବାର ପୂର୍ବ କେନ୍ଦ୍ରୀୟ ରେଳବାଇ ଏକ ବଡ଼ ଘୋଷଣା କରିଛି। ରେଳବାଇ କହିଛି ଯେ, ରବିବାର ରାତି ୮ଟାରୁ ସୋମବାର ରାତି ୮ଟା ପର୍ଯ୍ୟନ୍ତ କୌଣସି ଟ୍ରେନ୍ ଚଳାଚଳ କରିବ ନାହିଁ। ବିରୋଧ ପ୍ରଦର୍ଶନ ପାଇଁ ୩୦୦ରୁ ଊର୍ଦ୍ଧ୍ୱ ରେଳ ଚଳାଚଳ ପ୍ରଭାବିତ ହୋଇଛି।

ବିହାରରେ 'ଅଗ୍ନିପଥ' ଯୋଜନା ବିରୋଧରେ ସର୍ବାଧିକ ହିଂସା ହୋଇଛି। କ୍ରୋଧିତ ଆଶାୟୀମାନେ ପ୍ରଦର୍ଶନ ବେଳେ ଟ୍ରେନରେ ନିଆଁ ଲଗାଇ ଦେଇଛନ୍ତି। ବିଭିନ୍ନ ସହରରେ ସର୍ବସାଧାରଣଙ୍କ ସମ୍ପତ୍ତି ନଷ୍ଟ କରିଦେଇଛନ୍ତି। ରେଳ ଅଧିକାରୀଙ୍କ ଅନୁଯାୟୀ ରେଳବାଇର ସମ୍ପତ୍ତି ଭାଙ୍ଗିବା ଦ୍ୱାରା କେବଳ ବିହାରରେ ୨୦୦ କୋଟିରୁ ଅଧିକ ଟଙ୍କାର କ୍ଷତି ଘଟିଛି। ହିଂସାତ୍ମକ ଆନ୍ଦୋଳନ ଯୋଗୁଁ ରେଳବାଇ ୨୧୦ ମେଲ ଏକ୍ସପ୍ରେସ ଟ୍ରେନକୁ ବାତିଲ କରିଥିବାବେଳେ ୧୫୯ ଯାତ୍ରୀବାହୀ ଟ୍ରେନକୁ ବାତିଲ କରାଯାଇଛି। ଦୁଇଟି ମେଲ ଏକ୍ସପ୍ରେସ ଟ୍ରେନକୁ ଆଂଶିକ ବାତିଲ କରାଯାଇଛି। ଆନ୍ଦୋଳନ ପାଇଁ ମୋଟ ୩୭୧ଟି ଟ୍ରେନ୍ ପ୍ରଭାବିତ ହୋଇଛି।

ହିଂସାତ୍ମକ ବିରୋଧ ଯୋଗୁଁ ପୂର୍ବ କେନ୍ଦ୍ରୀୟ ରେଳବାଇ, ଟ୍ରେନ୍ ଚଳାଚଳରେ ଅସ୍ଥାୟୀ ପରିବର୍ତ୍ତନ କରିଛି। ରେଳବାଇ କହିଛି ଯେ, ଏହି ପ୍ରଦର୍ଶନ ଯୋଗୁଁ ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ଅନ୍ୟ ଜୋନାଲ ରେଳପଥରୁ ପୂର୍ବ ସେଣ୍ଟ୍ରାଲ ରେଲୱେ ପ୍ରାଧିକରଣ ଦେଇ ଯାଉଥିବା ଟ୍ରେନ ଚଳାଚଳ ଅସ୍ଥାୟୀ ପରିବର୍ତ୍ତନ ଆସିଛି। ଶନିବାର ରାତି ଆଠଟାରୁ ରବିବାର ସକାଳ ୪ଟା ଏବଂ ରବିବାର ରାତି ଆଠଟାରୁ ସୋମବାର ରାତି ଆଠଟା ପର୍ଯ୍ୟନ୍ତ ପୂର୍ବ କେନ୍ଦ୍ରୀୟ ରେଳ ପ୍ରାଧିକରଣ ଦେଇ ଯାଉଥିବା / ପହଞ୍ଚୁଥିବା ଟ୍ରେନ୍ ଗୁଡିକ କେବଳ ଏହି ସମୟ ପର୍ଯ୍ୟନ୍ତ ଚଳାଚଳି କରିବ।

ଶୁକ୍ରବାର ରେଳବାଇ କହିଥିଲା ଯେ, ହିଂସାତ୍ମକ ବିରୋଧ ଯୋଗୁଁ ୩୦୦ରୁ ଅଧିକ ଟ୍ରେନ୍ ପ୍ରଭାବିତ ହୋଇଥିବାବେଳେ ୨୩୪ଟି ଟ୍ରେନ ବାତିଲ ହୋଇଛି। ଏଥିସହିତ ୭ଟି ଟ୍ରେନରେ ନିଆଁ ଲାଗିଯାଇଛି। ପ୍ରଦର୍ଶନ ଯୋଗୁଁ ୯୪ଟି ମେଲ ଏବଂ ଏକ୍ସପ୍ରେସ ଟ୍ରେନ ଥିବାବେଳେ ୧୪୦ଟି ଯାତ୍ରୀବାହୀ ଟ୍ରେନକୁ ବାତିଲ କରାଯାଇଛି। 
ଡିଭିଜନାଲ ରେଳବାଇର ବିବୃତ୍ତି ଅନୁଯାୟୀ, ପୂର୍ବ କେନ୍ଦ୍ରୀୟ ରେଳବାଇରେ (ECR) ୧୬୪, ଉତ୍ତର ପୂର୍ବାଞ୍ଚଳ ରେଳବାଇରେ (NER) ୩୪, ଉତ୍ତର ରେଳବାଇରେ (NR) ୧୩ ଏବଂ ଉତ୍ତର-ପୂର୍ବ ସୀମାନ୍ତ ରେଳବାଇରେ ୧୬୪ଟି ଟ୍ରେନ୍ ବାତିଲ କରାଯାଇଛି। ଦକ୍ଷିଣ ରେଳ ଏକ ବିବୃତ୍ତିରେ କହିଛି ଯେ, ଆନ୍ଦୋଳନ ଏବଂ ଅଗ୍ନିକାଣ୍ଡକୁ ଦୃଷ୍ଟିରେ ରଖି ବିହାର ଏବଂ ପୂର୍ବ ଉତ୍ତର ପ୍ରଦେଶର ଗନ୍ତବ୍ୟସ୍ଥଳ ପର୍ଯ୍ୟନ୍ତ ସମସ୍ତ ଟ୍ରେନ୍ ବାଟରେ ଅଟକି ରହିଥିଲା।