Guidelines For Vaccination In India: ଦେଶରେ କୋରୋନା ଭୂତାଣୁ ସଂକ୍ରମଣର ଦ୍ୱିତୀୟ ଲହରର ପ୍ରଭାବ ହ୍ରାସ ପାଉଥିବା ମଧ୍ୟରେ ଟିକାକରଣ ପାଇଁ ନୂତନ ଗାଇଡଲାଇନ୍ ଜାରି କରାଯାଇଛି । ଏଥିରେ କ’ଣ ରହିଛି ବିଶେଷ ଜାଣନ୍ତୁ ...
Trending Photos
6
5
5
4 "ପ୍ରତୀକାତ୍ମକ ଛବି")
ନୂଆଦିଲ୍ଲୀ: ଦେଶରେ କୋରୋନା ଭୂତାଣୁ ସଂକ୍ରମଣର ଦ୍ୱିତୀୟ ଲହରର (Corona Second wave) ପ୍ରଭାବ ହ୍ରାସ ପାଉଥିବା ମଧ୍ୟରେ ଟିକାକରଣ (Vaccination) ପାଇଁ ନୂତନ ଗାଇଡଲାଇନ୍ (Vaccination Guidelines) ଜାରି କରାଯାଇଛି । ନୂତନ ଗାଇଡଲାଇନରେ କୁହାଯାଇଛି ଯେ ଜନସଂଖ୍ୟା, ସଂକ୍ରମଣର ଭାର ଓ ଟିକାକରଣର ଗତି ଆଧାରରେ ରାଜ୍ୟଗୁଡିକୁ ଏହି ଆବଣ୍ଟନ କରାଯିବ । ଗାଇଡଲାଇନରେ କୁହାଯାଇଛି ଯେ ଯେଉଁ ରାଜ୍ୟରେ ଅପଚୟ ଅଧିକ ସେହି ରାଜ୍ୟମାନଙ୍କୁ ଆବଣ୍ଟନ ଉପରେ ପ୍ରଭାବ ପକାଇପାରେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Narendra Modi) ମାଗଣା ଟିକା (Free Vaccination) ଦେବାକୁ ଘୋଷଣା କରିବାର ଗୋଟିଏ ଦିନ ପରେ ସଂଶୋଧିତ ଗାଇଡଲାଇନ୍ (Revised guidelines) ଜାରି କରାଯାଇଛି । ସୋମବାର ଦିନ ପ୍ରଧାନମନ୍ତ୍ରୀ ଘୋଷଣା କରିଛନ୍ତି ଯେ କେନ୍ଦ୍ର ସରକାର ଜୁନ୍ ୨୧ ରୁ ସମସ୍ତ ରାଜ୍ୟର ସମସ୍ତ ବୟସ୍କଙ୍କୁ ମାଗଣା ଆଣ୍ଟି-କୋରୋନା ଟିକା ପ୍ରଦାନ କରିବେ ।
ଟିକା ନଷ୍ଟ ହେବା ନେଇ କେନ୍ଦ୍ର ଓ କିଛି ରାଜ୍ୟ ମଧ୍ୟରେ ମତଭେଦ ରହିଛି । ମେ' ମାସରେ ସ୍ୱାସ୍ଥ୍ୟ ମନ୍ତ୍ରଣାଳୟର (Ministry of Health) ତଥ୍ୟ ଅନୁଯାୟୀ ଝାଡ଼ଖଣ୍ଡ (ପ୍ରାୟ ୩୭%), ଛତିଶଗଡ଼ (୩୦%), ତାମିଲନାଡୁ (୧୫.୫%), ଜମ୍ମୁ କାଶ୍ମୀର (୧୦.୮%) ଓ ମଧ୍ୟପ୍ରଦେଶ (୧୦.୭%) ଟିକା ଅପଚୟ କରିଥିବା ରିପୋର୍ଟ କରିଛି । ଜାତୀୟ ହାର (୬.୩%) ଠାରୁ ରାଜ୍ୟଗୁଡିକ ଅଧିକ ନଷ୍ଟ କରୁଛନ୍ତି ।
ଅଧିକ ପଢ଼ନ୍ତୁ: ନଖରୁ ଜଣାପଡ଼ିଥାଏ କୋରାନାରେ ସଂକ୍ରମିତ ହେବାର ସୂଚନା, ଜାଣନ୍ତୁ କିପରି ଜାଣିବେ
୧୮ ବର୍ଷରୁ ଅଧିକ ନାଗରିକଙ୍କ ଜନସଂଖ୍ୟା ଗୋଷ୍ଠୀ ମଧ୍ୟରେ, ରାଜ୍ୟ / କେନ୍ଦ୍ର ଶାସିତ ଅଞ୍ଚଳ ଗୁଡିକ ଟିକା ଯୋଗାଣ ସୂଚୀରେ ନିଜର ପ୍ରାଥମିକତା ସ୍ଥିର କରିପାରିବେ । ଅନେକ ରାଜ୍ୟ ବୟସ ବର୍ଗ ମଧ୍ୟରେ ପ୍ରାଥମିକତା ସ୍ଥିର କରିବାକୁ ଏକ ବିକଳ୍ପ ଦାବି କରୁଥିଲେ ।
ବେସରକାରୀ ହସ୍ପିଟାଲଗୁଡ଼ିକ ପାଇଁ ଗୋଟିଏ ଟିକା ଡୋଜର ମୂଲ୍ୟ ପ୍ରତ୍ୟେକ ଟିକା ନିର୍ମାତା ଦ୍ୱାରା ଘୋଷଣା କରାଯିବ ଓ ପରବର୍ତ୍ତୀ ପରିବର୍ତ୍ତନଗୁଡିକ ପୂର୍ବରୁ ସୂଚିତ କରାଯିବ । ବେସରକାରୀ ହସ୍ପିଟାଲଗୁଡ଼ିକ ସେବା ଚାର୍ଜ ଭାବରେ ଡୋଜ ପିଛା ସର୍ବାଧିକ ୧୫୦ ଟଙ୍କା ପର୍ଯ୍ୟନ୍ତ ଚାର୍ଜ କରିପାରିବେ । ରାଜ୍ୟ ସରକାର ଏହାର ତଦାରଖ କରିପାରିବେ ।
ଅଧିକ ପଢ଼ନ୍ତୁ: ମହାତ୍ମା ଗାନ୍ଧୀଙ୍କ ଅଣ-ନାତୁଣୀଙ୍କୁ ୭ ବର୍ଷ ଜେଲ୍, ଏହି ଅପରାଧରେ ହେଲେ ଦୋଷୀ ସାବ୍ୟସ୍ତ
ଟିକା ଉତ୍ପାଦନକାରୀଙ୍କ ଦ୍ୱାରା ଉତ୍ପାଦନ ଓ ନୂତନ ଟିକାକୁ ଉତ୍ସାହିତ କରିବା ପାଇଁ ଘରୋଇ ଟିକା ଉତ୍ପାଦନକାରୀଙ୍କୁ ଘରୋଇ ହସ୍ପିଟାଲକୁ ସିଧାସଳଖ ଟିକା ଯୋଗାଇବାର ବିକଳ୍ପ ଦିଆଯାଇଛି ।
