IAF ଓ US ନୌସେନା କଲା ମିଳିତ ଯୁଦ୍ଧ ଅଭ୍ୟାସ, ଭିଡିଓରେ ଦେଖନ୍ତୁ ଅଦ୍ଭୁତ ଦୃଶ୍ୟ

ଭିଡିଓରେ (Video) ଏହା ଦେଖିବାକୁ ମିଳେ ଯେ ଭାରତୀୟ ବାୟୁସେନାର (Indian Airforce) ଜାହାଜଗୁଡ଼ିକ ଆମେରିକାର ନୌସେନା (US Navy) ସହିତ ଏକ ଲାଇନରେ ଗତି କରୁଛି ଓ ଭାରତୀୟ ନୌସେନାର (Indian Navy) ଜାହାଜଗୁଡ଼ିକ ମଧ୍ୟ ଭାରତ ମହାସାଗରରେ ଦୃଶ୍ୟମାନ ହେଉଛି ।

ନୂଆଦିଲ୍ଲୀ: ଭାରତୀୟ ନୌସେନା (Indian Navy) ଓ ବାୟୁସେନା (Indian Airforce) ଆମେରିକାର ନୌସେନା (US Navy) ସହିତ ମିଳିତ ଭାବରେ ଭାରତ ମହାସାଗରରେ ଗୁରୁତ୍ୱପୂର୍ଣ୍ଣ ରଣନୀତିକ ଯୁଦ୍ଧ ଅଭ୍ୟାସ କରୁଛନ୍ତି । ଆମେରିକାର ନୌସେନା ସହିତ ଏକ ବଡ଼ ଧରଣର ଯୁଦ୍ଧ ଅଭ୍ୟାସ ବୁଧବାର ଠାରୁ ଆରମ୍ଭ ହୋଇଛି । ଯାହାର ଆଜି (ଗୁରୁବାର) ଶେଷ ଦିନ । ନ୍ୟୁଜ୍ ଏଜେନ୍ସି ANI ଭାରତୀୟ ନୌସେନା (Indian Navy) ଓ ବାୟୁସେନା ସମେତ ଆମେରିକା ନୌସେନାର ମିଳିତ ଯୁଦ୍ଧ ଅଭ୍ୟାସର (Integrated exercise) ଏକ ଭିଡିଓ ସେୟାର କରିଛି । ଏହି ଭିଡିଓରେ କକପିଟରୁ ଫ୍ଲାଏ ପାଷ୍ଟର ଏକ ଅଦ୍ଭୁତ ଦୃଶ୍ୟ ଦେଖିବାକୁ ମିଳିଛି ।

ଭିଡିଓରେ ଏହା ଦେଖିବାକୁ ମିଳେ ଯେ ଭାରତୀୟ ବାୟୁସେନା ଜାହାଜଗୁଡ଼ିକ ଆମେରିକାର ନୌସେନା ସହିତ ଏକ ଲାଇନରେ ଗତି କରୁଛି ଓ ନିମ୍ନରେ ଥିବା ଭାରତ ମହାସାଗରରେ ଭାରତୀୟ ନୌସେନାର ଜାହାଜ ମଧ୍ୟ ଦୃଶ୍ୟମାନ ହେଉଛି । ଭାରତୀୟ ନୌସେନାର ମୁଖପାତ୍ର କମାଣ୍ଡର ବିବେକ ମାଧୱାଲ କହିଛନ୍ତି ଯେ ଏହି ଦୁଇ ଦିନିଆ ଯୁଦ୍ଧ ଅଭ୍ୟାସର ଲକ୍ଷ୍ୟ ହେଉଛି ଦ୍ୱିପାକ୍ଷିକ ସମ୍ପର୍କ ଓ ସହଯୋଗକୁ ଆହୁରି ମଜବୁତ କରିବା ।

Integrated exercise of IAF & Indian Navy with US Navy Ronald Reagan CSG. Cockpit view of the joint flypast executed yesterday: Indian Air Force

(Video source: Indian Air Force) pic.twitter.com/fS31YVO3qC

— ANI (@ANI) June 24, 2021

ଭାରତୀୟ ବାୟୁସେନା ଏହାର ଜାଗୁଆର ଯୁଦ୍ଧ ବିମାନ, ମିଗ୍ -୨୯, ସୁଖୋଇ -୩୦, ଫାଲକନ୍ ବିମାନ, ନେଟ୍ରା ବିମାନ ଓ ଆଇଏଲ୍ -୭୮ ମିଡ ସହିତ ଏହି ଯୁଦ୍ଧ ଅଭ୍ୟାସରେ ନିୟୋଜିତ ହୋଇଛି । ସେହିଭଳି ଭାରତୀୟ ଯୁଦ୍ଧ ଜାହାଜ INS କୋଚି ଓ ଟେଗ ଏବଂ ପି-୮ଆଇ ପଣ୍ଡୁବି ଶିକାରୀ ବିମାନ ମଧ୍ୟ ଆମେରିକା ସେନା ସହିତ ଏହି ଯୁଦ୍ଧ ଅଭ୍ୟାସରେ ସାମିଲ ହୋଇଛି । ଏଥି ସହିତ ଆମେରିକାର ନୌସେନା ପକ୍ଷରୁ 'ରୋନାଲଡ୍ ରେଗାନ୍' କ୍ୟାରିଅର୍ ଷ୍ଟ୍ରାଇକ୍ ଗ୍ରୁପ୍ ଅଂଶଗ୍ରହଣ କରିଛି ।

କଣ ଷ୍ଟ୍ରାଟେଜିକ୍ ଆଉଟରିଚ୍ ଏକ୍ସରସାଇଜ?
ବିଗତ କିଛି ଦିନରୁ ଯେତେବେଳେ ଆମେରିକାର ନୌସେନାର କ୍ୟାରିଅର୍ ଷ୍ଟ୍ରାଇକ୍ ଗ୍ରୁପ୍ ଭାରତୀୟ ମହାସାଗର ଦେଇ ଗତି କରୁଛି ସେତେବେଳେ ସେ ଭାରତୀୟ ନୌସେନା ସହିତ ଯୁଦ୍ଧ ଅଭ୍ୟାସ କରିଆସୁଛି । ଆମେରିକାର ନୌସେନାର କ୍ୟାରିଅର ଷ୍ଟ୍ରାଇକର୍ ଗ୍ରୁପରେ ରୋନାଲଡ୍ ରେଗାନ୍, କ୍ଷେପଣାସ୍ତ୍ର ବିନାଶକ ହାଲସି ଓ ଗାଇଡ୍ ମିସାଇଲ୍ କ୍ରୁଜର ସିଲୋ ସାମିଲ ରହିଛି ।