Israel-iran Conflict: ଇସ୍ରାଏଲର କ୍ଷେପଣାସ୍ତ୍ର ଓ ଡ୍ରୋନ୍ ଆକ୍ରମଣର ଖବର ମଧ୍ୟରେ ଇରାନ ଆଜି ସକାଳେ ନିଜର ଏୟାର ଡିଫେନ୍ସ ସିଷ୍ଟମକୁ ଆକ୍ଟିଭ କରିଛି। ଏବିସି ନ୍ୟୁଜ୍ ଜଣେ ଆମେରିକୀୟ ଅଧିକାରୀଙ୍କ କଥାକୁ ଉଦ୍ଧୃତ କରି କହିଛି ଯେ ଇସ୍ରାଏଲ ଇରାନ ବିମାନବନ୍ଦରରେ କ୍ଷେପଣାସ୍ତ୍ର ନିକ୍ଷେପ କରିଛି। ସ୍ଥାନୀୟ ଗଣମାଧ୍ୟମ ରିପୋର୍ଟ କରିଛି ଯେ ଇସଫାହାନରେ ଏକ ବଡ଼ ଧରଣର ବିସ୍ଫୋରଣ ଶୁଣାଯାଇଥିଲା। ଏହାର କିଛି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ମଧ୍ୟ ଭାଇରାଲ ହେଉଛି। ତେବେ ଏଠାରେ ୧୦ଟି ବିନ୍ଦୁରେ ଜାଣନ୍ତୁ ବର୍ତ୍ତମାନ ପର୍ଯ୍ୟନ୍ତ ସମସ୍ତ ଅପଡେଟ୍।
- ଇରାନ-ଇସ୍ରାଏଲ୍ ଟେନସନ ସହିତ ଜଡିତ ୧୦ ମୁଖ୍ୟ ବିନ୍ଦୁ
- ଆମେରିକୀୟ ଗଣମାଧ୍ୟମ ଅନୁଯାୟୀ, ଇରାନ ଉପରେ ଆକ୍ରମଣ କରି ଇସ୍ରାଏଲ ନିଜର ପ୍ରତିଶୋଧ ନେଇଛି।
- ରିପୋର୍ଟ ଅନୁଯାୟୀ, ଇରାନ ଅନେକ ସହରରେ ଏୟାର ଡିଫେନ୍ସ ସିଷ୍ଟମକୁ ଆକ୍ଟିଭ କରିଛି। ଇସଫାହାନ ସହର ନିକଟରେ ବିସ୍ଫୋରଣର ଶବ୍ଦ ଶୁଣାଯାଇଥିଲା।
- ଇରାନର ଅନେକ ପରମାଣୁ ବେସ୍ ଇସଫାହାନ ପ୍ରଦେଶରେ ଅବସ୍ଥିତ। ଯେଉଁଥିରେ ଇରାନର ୟୁରାନିୟମ୍ ସମୃଦ୍ଧ କାର୍ଯ୍ୟକ୍ରମର କେନ୍ଦ୍ର ନାଟାନଜ୍ ମଧ୍ୟ ଅନ୍ତର୍ଭୁକ୍ତ।
- ଯଦିଓ କିଛି ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ କ୍ଷେପଣାସ୍ତ୍ର ନିକ୍ଷେପ କରାଯାଇଛି, ଇରାନ କହିଛି ଯେ ସେମାନେ ଅନେକ ଡ୍ରୋନ୍ ତଳକୁ ଖସାଇ ଦେଇଛନ୍ତି କିନ୍ତୁ କୌଣସି କ୍ଷେପଣାସ୍ତ୍ର ଆକ୍ରମଣ ହୋଇ ନାହିଁ।
- ଇରାନର ସ୍ପେସ୍ ଏଜେନ୍ସି ମୁଖପାତ୍ର ହୋସେନ୍ ଡେଲିରିଆନ୍ ଟ୍ୱିଟରରେ କହିଛନ୍ତି ଯେ ଏୟାର ଡିଫେନ୍ସ ସିଷ୍ଟମକୁ ଦ୍ୱାରା ଅନେକ ଡ୍ରୋନ୍ ସଫଳତାର ସହ ଧ୍ୱଂସ କରାଯାଇଛି। ବର୍ତ୍ତମାନ ସୁଦ୍ଧା କ୍ଷେପଣାସ୍ତ୍ର ଆକ୍ରମଣର ଖବର ନାହିଁ।
- AFP ରିପୋର୍ଟ ଅନୁଯାୟୀ, ଇରାନରେ ବିସ୍ଫୋରଣ ଖବର ପାଇବା ପରେ ଇସ୍ରାଏଲ୍ ସେନା କହିଛି ଯେ ବର୍ତ୍ତମାନ ସୁଦ୍ଧା କୌଣସି ଟିପ୍ପଣୀ କରିବ ନାହିଁ।
- ଆମେରିକାର ଫେଡେରାଲ୍ ଆଭିଏସନ୍ ଆଡମିନିଷ୍ଟ୍ରେସନ ଡାଟାବେସରେ ପୋଷ୍ଟ କରାଯାଇଥିବା ବିମାନ କର୍ମଚାରୀଙ୍କୁ ଦିଆଯାଇଥିବା ବିଜ୍ଞପ୍ତି ଅନୁଯାୟୀ ତେହେରାନର ଇମାମ ଖୋମେନି ଅନ୍ତର୍ଜାତୀୟ ବିମାନବନ୍ଦର ସମସ୍ତ ବିମାନ ବନ୍ଦ ରହିଥିଲା।
- ଟ୍ରାକିଂ ୱେବସାଇଟ୍ Flightradar24 ରେ ଦେଖାଯାଇଥିବା ଫ୍ଲାଇଟ୍ ରୁଟ୍ ଅନୁଯାୟୀ, ଶୁକ୍ରବାର ଦିନ ସକାଳେ ଇରାନ ଉପରେ ଉଡ଼ୁଥିବା କିଛି ଏମିରେଟ୍ସ ଏବଂ ଫ୍ଲାଏଡୁବାଇ ବିମାନ ହଠାତ୍ ଆକାଶ ମାର୍ଗରୁ ଦୂରେଇ ଯାଇଥିଲେ।
- ଇରାନ ଇସ୍ରାଏଲ ଉପରେ ଶହ ଶହ କ୍ଷେପଣାସ୍ତ୍ର ଓ ଡ୍ରୋନ୍ ନିକ୍ଷେପ କରିବା ପରେ ଇସ୍ରାଏଲ ଏହାର ପ୍ରତିଶୋଧ ନେବ ବୋଲି ଚେତାବନୀ ଦେଇଥିଲା।
- ଇରାନର ଏହି ଆକ୍ରମଣ ଦମ୍ମେସକରେ ଥିବା ଇରାନ କନସୁଲେଟ ଉପରେ ହୋଇଥିବା ଆକ୍ରମଣର ପ୍ରତିଶୋଧ ପାଇଁ କରାଯାଇଥିଲା, ଯେଉଁଥିପାଇଁ ଇରାନ ଇସ୍ରାଏଲକୁ ଦାୟୀ କରିଥିଲା।
5
 "Israel-iran Conflict")
